હાર્દિક પંડ્યાના નેતૃત્વમાં ભારતે ન્યુઝીલેન્ડ સામેની બીજી T20 મેચ જીતી લીધી હતી. આ મેચમાં શુભમન ગિલ T20 ક્રિકેટમાં ડેબ્યૂ કરશે તેવી આશા હતી, પરંતુ તેને તક મળી ન હતી. ટોસ બાદ ભારત અને ન્યુઝીલેન્ડ ની ટીમોની પ્લેઈંગ ઈલેવનની ચર્ચા થઈ અને આ દરમિયાન પ્રેઝન્ટરે ગિલને આશિષ નેહરાનો છોકરો ગણાવ્યા. નેહરાએ પણ આનો શાનદાર જવાબ આપીને દિલ જીતી લીધું.
ટીવી શો પ્રેઝન્ટરે નેહરાને ગિલ વિશે એક પ્રશ્ન પૂછ્યો. જેનો વીડિયો ઘણો વાયરલ થઈ રહ્યો છે. પ્રેઝન્ટરે કહ્યું કે અમે આશિષના છોકરા શુભમન ગિલને ડેબ્યૂ કરતા જોવા માગીએ છીએ. તેની વાત સાંભળ્યા બાદ ભૂતપૂર્વ ભારતીય બોલરે કહ્યું કે ગિલ ભારતનો છોકરો છે.
— The Game Changer (@TheGame_26) November 20, 2022
આ પછી, પ્રેઝન્ટરે મજાકમાં કહ્યું કે તે તમારો છોકરો છે. તે ભારત માટે રમ્યો છે તેના કરતાં તે તમારા માટે વધુ રમ્યો છે. તેના પર નેહરાએ કહ્યું કે તે ટૂંક સમયમાં ભારત માટે ટી-20 પણ રમશે.
ભારત અને ન્યુઝીલેન્ડ વચ્ચે શ્રેણીની ત્રીજી મેચ નેપિયરમાં રમાશે. બીજી મેચમાં પંતના ફ્લોપ રહ્યા બાદ આશા છે કે ગિલને ડેબ્યૂ કરવાની તક મળશે અને તે ઓપનિંગ કરશે. જો કે આ મેચ પહેલા ન્યુઝીલેન્ડને મોટો ઝટકો લાગ્યો છે. કેપ્ટન કેન વિલિયમસન ત્રીજી T20 મેચમાંથી બહાર છે. તેના સ્થાને ટિમ સાઉથી ન્યુઝીલેન્ડની કમાન સંભાળશે.
Congratulations to Team India on a phenomenal victory, and a huge round of applause to @surya_14kumar on his firework century. Go #TeamIndia 🇮🇳#INDvNZ pic.twitter.com/oUGsGMDy3U
— Jay Shah (@JayShah) November 20, 2022
ભારત અને ન્યુઝીલેન્ડ વચ્ચેની પ્રથમ T20 વરસાદના કારણે ધોવાઈ ગઈ હતી. બીજી મેચમાં સૂર્યકુમાર યાદવે ધમાલ મચાવી હતી. ઓપનર તરીકે ઋષભ પંતના ફ્લોપ રહ્યા બાદ સૂર્યાએ જવાબદારી સંભાળી અને 51 બોલમાં અણનમ 111 રન બનાવ્યા. પ્રથમ બેટિંગ કરતા સૂર્યાના ધમાકાની મદદથી ભારતે 20 ઓવરમાં 6 વિકેટે 191 રન બનાવ્યા હતા. 192 રનના જવાબમાં ન્યૂઝીલેન્ડની ટીમ 18.2 ઓવરમાં 126 રનમાં સમેટાઈ ગઈ હતી. દીપક હુડ્ડાએ 10 રનમાં 4 વિકેટ લીધી હતી. ન્યુઝીલેન્ડ તરફથી કેન વિલિયમસને સૌથી વધુ 61 રન બનાવ્યા હતા.
Published On - 9:53 am, Mon, 21 November 22