IND VS NZ: મુંબઇ ટેસ્ટ જીત મેળવવાથી ભારત 5 વિકેટ દૂર, ન્યૂઝીલેન્ડ ત્રીજા દિવસની રમતના અંતે ટીમ ઇન્ડિયા થી 400 રન દૂર
India vs New Zealand, 2nd Test: મુંબઈ ટેસ્ટના ત્રીજા દિવસે ભારતે ન્યૂઝીલેન્ડને 540 રનનો ટાર્ગેટ આપ્યો હતો.
મુંબઈ ટેસ્ટ (Mumbai Test)ના ત્રીજા દિવસે ટીમ ઈન્ડિયા (Team India) ની સ્થિતિ મજબૂત થઈ ગઈ છે અને હવે તેની જીત લગભગ નિશ્ચિત જણાઈ રહી છે. રમતના ત્રીજા દિવસે, ભારતે કિવી ટીમને 540 રનનો વિશાળ લક્ષ્યાંક આપ્યો હતો અને મુંબઈની પીચને ધ્યાનમાં લેતા આ સ્કોર સુધી પહોંચવું લગભગ અશક્ય છે. ન્યુઝીલેન્ડે બીજા દાવમાં 5 વિકેટ ગુમાવી દીધી હતી. ન્યૂઝીલેન્ડે ટોમ લેથમ, વિલ યંગ, રોસ ટેલર અને ડેરેલ મિશેલની વિકેટ ગુમાવી દીધી હતી.
અશ્વિને 3 અને અક્ષર પટેલ (Axar Patel) ને એક વિકેટ મળી હતી. જ્યારે ટોમ બ્લંડેલ શૂન્ય રને આઉટ થયો હતો. ડેરેલ મિશેલે (Daryl Mitchell) બીજા દાવમાં શાનદાર અડધી સદી ફટકારી અને તેના બેટથી 60 રન આવ્યા. ભારતે તેનો બીજો દાવ 7 વિકેટે 276 રન પર ડિકલેર કર્યો હતો. ભારતે પ્રથમ દાવમાં 325 રન બનાવ્યા હતા જેના જવાબમાં ન્યૂઝીલેન્ડની ટીમ 62 રનમાં ઓલઆઉટ થઈ ગઈ હતી.
ભારતનો બીજો દાવ આક્રમક રહ્યો
ભારતે તેના બીજા દાવમાં આક્રમક બેટિંગ કરી હતી. તેની બીજી ઈનિંગમાં ઓપનર મયંક અગ્રવાલ (108 બોલમાં 62), ચેતેશ્વર પૂજારા (97 બોલમાં 47), શુભમન ગિલ (75 બોલમાં 47), અક્ષર પટેલ (26 બોલમાં અણનમ 41) અને સુકાની વિરાટ કોહલી (84 બોલ) 84 બોલ)એ તેની ટીમમાં મહત્વની ભૂમિકા ભજવી. 36 બોલમાં) ઉપયોગી યોગદાન આપ્યું હતુ.
ન્યુઝીલેન્ડ માટે, સ્પિનર એજાઝ પટેલ, જેણે પ્રથમ દાવમાં 119 રનમાં તમામ 10 વિકેટ લીધી હતી, તેણે બીજી ઇનિંગમાં 106 રન આપીને ચાર વિકેટ લીધી હતી. જ્યારે રચિન રવિન્દ્રએ 56 રનમાં ત્રણ વિકેટ લીધી હતી. પટેલે આ મેચમાં 225 રન આપીને 14 વિકેટ ઝડપી હતી. ભારતમાં કોઈપણ વિદેશી બોલરનું આ સર્વશ્રેષ્ઠ પ્રદર્શન છે.
પટેલની 10 વિકેટ હોવા છતાં ન્યુઝીલેન્ડના બોલરોનો આત્મવિશ્વાસ ડગમગી ગયો હતો. ભારત તરફથી 70 ઓવરમાં 25 ફોર અને 11 સિક્સર ફટકારવામાં આવી હતી. સ્થિતી એ હતી કે રિદ્ધિમાન સાહા (13) સિવાય દરેક ભારતીય બેટ્સમેને સિક્સ ફટકારી હતી. અક્ષર પટેલે એકલાએ પોતાની તોફાની ઇનિંગમાં ત્રણ ચોગ્ગા અને ચાર છગ્ગા ફટકાર્યા હતા. શ્રેયસ અય્યરે આઠ બોલમાં 14 રનની ઈનિંગમાં બે છગ્ગા ફટકાર્યા હતા.
આ પણ વાંચોઃ IND vs NZ: ભારતમાં ઇતિહાસ રચીને પણ એજાઝ પટેલ 1 વિકેટ માટે ચૂકી ગયો 36 વર્ષ જૂનો રેકોર્ડ
આ પણ વાંચોઃ IND vs NZ: એજાઝ પટેલનો કમાલ IPL મેગા ઓક્શન દરમ્યાન કરાવી શકે છે સ્પર્ધા, 10 વિકેટનો કમાલ કરોડોની બોલી બોલાવશે !
Published On - 5:53 pm, Sun, 5 December 21