દક્ષિણ આફ્રિકાથી ઘરઆંગણે પાંચ મેચોની T20 શ્રેણી રમ્યા બાદ, ભારતીય ક્રિકેટ ટીમ હવે આયર્લેન્ડ (India vs Ireland) ના પ્રવાસે છે. ટીમ ઈન્ડિયા આયર્લેન્ડમાં બે ટી-20 મેચોની શ્રેણી રમશે. આ શ્રેણી માટે પસંદગી સમિતિએ યુવા ખેલાડીઓથી સજ્જ ટીમની પસંદગી કરી છે અને હાર્દિક પંડ્યા (Hardik Pandya) ને કેપ્ટન બનાવ્યો છે. પંડ્યાએ તાજેતરમાં જ તેની કપ્તાની હેઠળ નવી નવી ટીમ ગુજરાત ટાઇટન્સને IPL-2022 નું ટાઇટલ આપ્યું હતું. આ શ્રેણી આંતરરાષ્ટ્રીય સ્તરે પંડ્યાની પ્રથમ સુકાની હશે અને તે આમાં પોતાને સાબિત કરવા આતુર હશે. આ સાથે જ તે T20 વર્લ્ડ કપમાં ઓલરાઉન્ડર તરીકે પોતાનો દાવો મજબૂત કરવા માટે પ્રતિબદ્ધ રહેશે.
આ સિરીઝમાં માત્ર પંડ્યા જ નહીં, ઘણા યુવા ખેલાડીઓનું કિસ્મત ખુલી શકે છે અને તેમને T20 વર્લ્ડ કપ માટે ટીમમાં જગ્યા મળી શકે છે. બીસીસીઆઈએ આ શ્રેણીમાં યુવા ખેલાડીઓને પણ વર્લ્ડ કપને ધ્યાને રાખીને પસંદ કર્યા છે જેથી ટીમ પાસે જે જગ્યાઓ ખાલી છે તેના માટે જરૂરી વિકલ્પો મળી શકે. આ સીરીઝમાં સંજુ સેમસન, અવેશ ખાન, વેંકટેશ અય્યર, દિનેશ કાર્તિક જેવા ખેલાડીઓની નજર રહેશે. જો આ ખેલાડીઓ સારો દેખાવ કરવામાં સફળ રહે છે તો તેઓ વર્લ્ડ કપ માટે ટીમ ઈન્ડિયાના દરવાજા ખોલી શકે છે. આ બધા સિવાય ઉમરાન મલિક અને અર્શદીપ સિંહ પર પણ નજર રહેશે. આ બંને ખેલાડીઓ સાઉથ આફ્રિકા સિરીઝમાં પસંદ થયા હતા પરંતુ તેઓ ડેબ્યૂ કરી શક્યા ન હતા. જોકે આ બંને આયરલેન્ડ પ્રવાસ પર ડેબ્યૂ કરી શકે છે.
ભારત અને આયર્લેન્ડ વચ્ચે 26 જૂન, રવિવારના રોજ પ્રથમ T20 આંતરરાષ્ટ્રીય મેચ રમાશે.
ભારત અને આયર્લેન્ડ વચ્ચે પ્રથમ T20 આંતરરાષ્ટ્રીય મેચ ધ વિલેજ, માલાહિદે ડબલિન ખાતે રમાશે.
ભારત અને આયર્લેન્ડ વચ્ચે પ્રથમ T20 આંતરરાષ્ટ્રીય મેચ રાત્રે 9 વાગ્યે શરૂ થશે, જ્યારે મેચનો ટોસ 8:30 વાગ્યે થશે.
ભારત અને આયર્લેન્ડ વચ્ચેની પ્રથમ T20 આંતરરાષ્ટ્રીય મેચ Sony Six અને Sony Six HD પર જોઈ શકાશે.
મેચનું ઓનલાઈન લાઈવ સ્ટ્રીમિંગ Sony LIV પર સબસ્ક્રિપ્શન સાથે જોઈ શકાશે. આ સિવાય tv9gujarati.com પર પણ મેચના લાઈવ અપડેટ્સ મેળવી શકાશે.