ભારત અને ઈંગ્લેન્ડ વચ્ચેની મેચમાં બોલરના બોલની ગતિ જોઈ સૌ કોઈ ચોંકી ઉઠ્યુ, તૂટી ગયો શોએબ અખ્તરનો વિક્રમ? Video
20 વર્ષ જૂનો રેકોર્ડ તોડવા માટે શોએબ અખ્તર (Shoaib Akhtar) ના સૌથી ઝડપી બોલની દરેક વ્યક્તિ રાહ જોઈ રહ્યા છે, પરંતુ હજુ સુધી કોઈ બોલરને સફળતા મળી નથી.
ઝડપી બોલરોની ઝડપ હંમેશા ક્રિકેટ ચાહકોને આકર્ષે છે. ભારતીય ક્રિકેટ ચાહકો છેલ્લા કેટલાક મહિનામાં ઉમરાન મલિક (Umran Malik) ની 150 કિમી/કલાકની સતત ડિલિવરીથી આકર્ષાયા છે. દુનિયાભરના ઘણા બોલરો આવી તોફાની ગતિએ બોલિંગ કરે છે. હજુ સુધી પાકિસ્તાન (Pakistan) ના દિગ્ગજ ફાસ્ટ બોલર શોએબ અખ્તર (Shoaib Akhtar) નો સૌથી ઝડપી બોલનો રેકોર્ડ કોઈ તોડી શક્યું નથી. પરંતુ સૌને ચોંકાવી દેતા ઇંગ્લેન્ડની એક યુવા મહિલા બોલરે પોતાની પ્રથમ જ મેચમાં 172 કિલોમીટર પ્રતિ કલાકની ઝડપે બોલિંગ કરીને સૌને ચોંકાવી દીધા છે.
ભારત અને ઈંગ્લેન્ડની મહિલા ટીમો વચ્ચેની T20 સીરીઝની પ્રથમ મેચમાં કંઈક એવું થયું જેણે બધાને ચોંકાવી દીધા. ઈંગ્લેન્ડ માટે આ મેચમાં 21 વર્ષની ફાસ્ટ બોલર લોરેન બેલે ટી20 ઈન્ટરનેશનલ ડેબ્યૂ કર્યું હતું. આ મેચમાં લોરેન બેલને કોઈ વિકેટ મળી ન હતી, પરંતુ તેણે પહેલી જ ઓવરમાં બીજા બોલ પર સ્પીડના તમામ રેકોર્ડ જાણે તોડી નાખ્યા હતા. ઓછામાં ઓછું તે ટીવી સ્ક્રીન પર જોવા તો મળ્યુ.
તોફાની ‘ઝડપ’ પહેલી જ ઓવરમાં જોવા મળી
આ ચોક્કસપણે ચોંકાવનારું છે પરંતુ તમે તેના પર સંપૂર્ણ વિશ્વાસ કરો તે પહેલાં, ફક્ત એટલું જાણી લો કે શોએબ અખ્તરના નામે 161.1 કિલોમીટરના સૌથી ઝડપી બોલનો રેકોર્ડ હજુ પણ અકબંધ છે. હવે સવાલ એ છે કે લોરેન બેલે એવું શું કર્યું જેની ચર્ચા થઈ રહી છે?
વાત જાણે એમ હતી કે, ભારતીય ઇનિંગ્સની પ્રથમ ઓવર બેલ દ્વારા કરવામાં આવી હતી અને ઓવરના બીજા બોલે ભારતીય ઓપનર સ્મૃતિ મંધાનાએ બચાવ કર્યો હતો. અત્યાર સુધી બધું બરાબર હતું. પછી ટીવી સ્ક્રીન પર બોલની સ્પીડ દેખાતા જ બધાના મોં ખુલ્લા રહી ગયા. બેલના આ બોલની ઝડપ દર્શાવાઈ હતી–172 KMPH.
Lauren Bell, on her debut clocking 157kph and 165 kph as shown in the highlights. Hope this was true and not a glitch. Just brilliant.#BleedBlue#CricTracker #cricketnews#skysports #TechGlitch#indvseng #vitalityt20@ImHarmanpreet pic.twitter.com/9NptmRlMCd
— Aniket Kumar (@aniketkr07) September 11, 2022
આટલું જ નહીં, આ ઓવરના ત્રીજા બોલની સ્પીડ 156 KMPH હતી, જ્યારે ચોથો બોલ ફરીથી અખ્તરના રેકોર્ડને પાર કરીને 163 KMPH પર પહોંચી ગયો હતો.
Women’s sport is so under appreciated. Here’s Lauren Bell breaking the record for the fastest delivery ever recorded in history and Mandhana plays it like it’s nothing. No fuss. #ENGvIND pic.twitter.com/jjvqo4w1sg
— Imran Escőbar (@razor5edge) September 11, 2022
ગ્રાફિક્સ ભૂલને કારણે બેલ ચર્ચામાં
હવે જો કોઈનો બોલ આટલી સ્પીડ જોશે તો દેખીતી રીતે જ બધાનું ધ્યાન ખેંચાશે. આ મેચ જોઈ રહેલા પ્રશંસકો પણ અલગ નહોતા અને તેઓએ તરત જ તેને પકડી લીધુ અને સોશિયલ મીડિયા પર વિડીયો શેર કર્યા, જે બાદ હવે આ વીડિયો ઘણો વાયરલ થઈ રહ્યો છે. દેખીતી રીતે, લોરેન બેલના બોલમાં એટલી ઝડપ ન હતી અને આ બધું મેચનું પ્રસારણ કરતી ટીવી ચેનલની ગ્રાફિક્સ ભૂલને કારણે થયું હતું. તેમ છતાં ડેબ્યુ મેચમાં જ લોરેન બેલે ધૂમ મચાવી હતી.
