IND vs ENG: એક ભૂલ ભારે પડી ગઈ! રોહિત શર્માએ પરાજય બાદ ટીમ ઈન્ડિયાના ખેલાડીઓને લઈ નાંખ્યા

ઈંગ્લેન્ડ (England Cricket Team) ના હાથે 100 રનની હાર બાદ રોહિત શર્મા (Rohit Sharma) એ ટીમનો ક્લાસ નાખ્યો હતો. તે પણ પિચ જોઈને દંગ રહી ગયો હતો

Rohit Sharma એ ખેલાડીઓને પણ આડે હાથ લીધા

TV9 Gujarati | Edited By: Avnish Goswami | Updated on: Jul 15, 2022 | 9:09 AM

રોહિત શર્મા (Rohit Sharma) ની આગેવાની હેઠળની ટીમ ઈન્ડિયાને લોર્ડ્સમાં રમાયેલી બીજી વનડે માં ઈંગ્લેન્ડના હાથે કારમી હારનો સામનો કરવો પડ્યો હતો. યજમાન ટીમે ભારત (Indian Cricket Team) ને 100 રનના વિશાળ અંતરથી હરાવ્યું હતું. હાર બાદ કેપ્ટન રોહિત શર્માએ ટીમ ઈન્ડિયા (Team India) ના ખેલાડીઓનો ક્લાસ લગાવી દીધો હતો. તેણે ટોપ ઓર્ડરના બેટ્સમેનોને સારું પ્રદર્શન કરવા કહ્યું, જોકે તે તે પોતે ખાતું પણ ખોલી શક્યો નહોતો. આટલું જ નહીં, ટીમને તેના એક નિર્ણયની કિંમત ચૂકવવી પડી હતી. ટોસ જીત્યા પછી, રોહિતે પ્રથમ બોલિંગ કરવાનું પસંદ કર્યું. ભારતીય બોલરોએ પણ શાનદાર પ્રદર્શન કર્યું હતું અને યજમાન ટીમને 246 રન સુધી રોકી દીધી હતી, પરંતુ તે પછી ભારતીય બેટ્સમેનો એ જ વિકેટ પર પોતે પણ સ્થિર ટકી શક્યા ન હતા.

જેમ રમત આગળ વધતી ગઈ પિચ વધુ મુશ્કેલ બનતી ગઈ

હાર બાદ કેપ્ટને કહ્યું કે તે પિચ જોઈને દંગ રહી ગયો હતો. તેને લાગ્યું કે પીચ સમયની સાથે સારી થતી જશે, પરંતુ એવું થયું નહીં. તે વધુ મુશ્કેલ બનતી ગઈ. બોલરો માટે કંઈક યા બીજું હતું. રોહિતે કહ્યું કે અમે સારી બોલિંગ કરી, પરંતુ જો તમારે મેચ જીતવી હોય તો તમારે કેચ પકડવા પડશે. હકીકતમાં, 40મી ઓવરમાં શમીના ચોથા બોલ પર પંડ્યાએ મિડ-ઓન પર વિલીનો કેચ છોડ્યો હતો. વિલી તે સમયે 24 રને રમી રહ્યો હતો. આ પછી તેણે 41 રન બનાવ્યા. રોહિતે વધુમાં કહ્યું કે અમે સારી બોલિંગ કરી, પરંતુ સારી બેટિંગ કરી શક્યા નહીં. અમારી પાસે લાંબી બેટિંગ લાઇન અપ છે, પરંતુ ટોપ ઓર્ડરના બેટ્સમેનોએ વધુ સારું પ્રદર્શન કરવું જોઈતું હતું. જો આપણે આમ કર્યું હોત તો આપણે આગળ હોત.

રોહિત શર્મા શૂન્ય પર આઉટ

ભારતીય ટોપ ઓર્ડર બેટ્સમેનોની વાત કરીએ તો, રોહિત શર્મા, શિખર ધવન, વિરાટ કોહલી, ઋષભ પંત બધા ઇંગ્લિશ આક્રમણ સામે ખરાબ રીતે ફ્લોપ થયા હતા. રોહિત 10 બોલમાં પણ પોતાનું ખાતું ખોલાવી શક્યો નહોતો. ધવને 26 બોલમાં 9 રન બનાવ્યા હતા. કોહલીએ 25 બોલમાં માત્ર 16 રન બનાવ્યા હતા. તે જ સમયે પંતે 5 બોલનો સામનો કર્યો, પરંતુ તે ખાતું પણ ખોલવામાં નિષ્ફળ રહ્યો. ભારત તરફથી હાર્દિક પંડ્યા અને રવિન્દ્ર જાડેજાએ સૌથી વધુ રન બનાવ્યા હતા. બંનેએ 29-29 રનની ઇનિંગ રમી હતી. જ્યારે સૂર્યકુમાર યાદવે 27 અને મોહમ્મદ શમીએ 23 રન બનાવ્યા હતા.

Web Stories View more