IND W vs BAN W : બાંગ્લાદેશ સામે જીત જરૂરી! સેમિફાઇનલની આશા બચાવવા મેદાને ઉતરશે ભારતીય મહિલા ક્રિકેટ ટીમ
ભારતીય મહિલા ટીમ આજે 25 જૂને માન્ચેસ્ટરના ઓલ્ડ ટ્રેફોર્ડ સ્ટેડિયમમાં બાંગ્લાદેશ મહિલા ટીમ સામે તેની આગામી ગ્રુપ Aની મેચ રમશે. ICC મહિલા T20 વર્લ્ડ કપ 2026ની સેમિફાઇનલમાં પહોંચનાર ગ્રુપ Aની ટીમ હજુ સુધી નક્કી થઈ નથી.
ICC મહિલા T20 વર્લ્ડ કપ 2026ની સેમિફાઇનલમાં પહોંચનાર ટીમ હજુ સુધી નક્કી થઈ નથી. ગ્રુપ Aના સ્ટેન્ડિંગને જોતા ઓસ્ટ્રેલિયન ટીમનું સ્થાન નિશ્ચિત માનવામાં આવી રહ્યું છે. જ્યારે ભારત અને દક્ષિણ આફ્રિકાની મહિલા ટીમો બીજા સ્થાન માટે દાવેદાર છે. સેમિફાઇનલમાં પહોંચવા માટે, ગ્રુપ Aમાં રહેલી ભારતીય મહિલા ટીમને તેમની બાકીની બંને મેચ જીતવી જરૂરી છે. સાથે જ તેમના નેટ રન રેટને પણ ધ્યાનમાં રાખવું જરૂરી છે. ભારતીય ટીમ માન્ચેસ્ટરના ઓલ્ડ ટ્રેફોર્ડ સ્ટેડિયમમાં બાંગ્લાદેશ મહિલા ટીમ સામે રમશે.
ઓલ્ડ ટ્રાફોર્ડમાં અત્યાર સુધી રમાઈ ચૂકી છે ત્રણ મેચ
માન્ચેસ્ટરના ઓલ્ડ ટ્રેફોર્ડ સ્ટેડિયમ ખાતે આઈસીસી મહિલા ટી20 વર્લ્ડ કપ 2026માં કુલ ત્રણ મેચ રમાઈ છે. જેમાં પહેલા બેટિંગ કરનારી ટીમે બે વાર જીત મેળવી છે. જ્યારે લક્ષ્યનો પીછો કરતી ટીમે એક વાર જીત મેળવી છે. ભારતીય મહિલા ટીમે આ જ મેદાન પર દક્ષિણ આફ્રિકા સામે છેલ્લી મેચ રમી હતી. જ્યાં ટીમ ઈન્ડિયાએ પહેલા બેટિંગ કરતા 20 ઓવરમાં 158 રન બનાવ્યા હતા.
આ મેચમાં, ફાસ્ટ બોલરોને શરૂઆતની ઓવરોમાં પીચમાંથી થોડી મદદ મળી હતી. પરંતુ જેમ જેમ રમત આગળ વધતી ગઈ તેમ તેમ બેટ્સમેનોએ પ્રભુત્વ મેળવવાનું શરૂ કર્યું હતું. તેથી ટોસ મહત્વપૂર્ણ ભૂમિકા ભજવશે. આ મેચ દરમિયાન માન્ચેસ્ટરમાં હવામાન અંગે, એક્યુવેધર અહેવાલ આપે છે કે તે સંપૂર્ણપણે સ્વચ્છ રહેવાની અપેક્ષા ધરાવે છે. જેથી વરસાદમાં કોઈ વિક્ષેપ ન પડે.
બાંગ્લાદેશ સામે ભારતનો મજબૂત રેકોર્ડ
ટી20 આંતરરાષ્ટ્રીય મેચોમાં બાંગ્લાદેશ સામે ભારતીય મહિલા ટીમનો રેકોર્ડ સ્પષ્ટ રહ્યો છે. બંને ટીમો વચ્ચે રમાયેલી 23 મેચોમાં ભારતીય મહિલા ટીમે 20 મેચ જીતી છે. જ્યારે બાંગ્લાદેશ મહિલા ટીમે ફક્ત ત્રણ મેચ જીતી છે. તેથી ટીમ ઈન્ડિયા આ મેચમાં આ પ્રભાવશાળી રેકોર્ડ જાળવી રાખવાનું લક્ષ્ય રાખશે.
બોલરો પર રહેશે મોટી જવાબદારી
સાઉથ આફ્રિકા સામેની છેલ્લી મેચમાં ભારતીય ટીમની હારનું મુખ્ય કારણ બોલરોનું નિરાશાજનક પ્રદર્શન રહ્યું હતું. પાકિસ્તાન સામેની મેચમાં પાંચ વિકેટ લેનાર દીપ્તિ શર્માએ આ મેચમાં એક પણ વિકેટ લઈ શકી નહોતી. આથી બાંગ્લાદેશ સામે ભારતીય બોલરોનું પ્રદર્શન કેવું રહે છે તેના પર સૌની નજર રહેશે. આ મેચ બાદ ભારતીય ટીમને ઓસ્ટ્રેલિયા સામે પણ મહત્વપૂર્ણ મુકાબલો રમવાનો છે. જે બિલકુલ સરળ નહીં હોય.
