IND vs ZIM: ટીમ ઈન્ડિયા સામે ઉતરનારી ઝિમ્બાબ્વેની ટીમ જાહેર, સ્ટાર બોલર અને દિગ્ગજ કેપ્ટન બહાર
ભારત અને ઝિમ્બાબ્વે (India vs Zimbabwe) વચ્ચે 18 ઓગસ્ટથી હરારેમાં ત્રણ મેચની ODI શ્રેણી શરૂ થશે, જેમાં ટીમ ઈન્ડિયાની કેપ્ટન્સી કેએલ રાહુલ (KL Rahul) કરશે.
બાંગ્લાદેશ સામે શાનદાર પ્રદર્શનના આધારે વનડે શ્રેણી જીત્યા બાદ હવે ઝિમ્બાબ્વેની નજર ભારતીય ક્રિકેટ ટીમ (Indian Cricket Team) પર ટકેલી છે. ભારત અને ઝિમ્બાબ્વે (India vs Zimbabwe) વચ્ચે આ મહિને ત્રણ મેચની વનડે સિરીઝ રમાવાની છે, જેના માટે ટીમ ઈન્ડિયા ઝિમ્બાબ્વેના પ્રવાસે જશે. આ પ્રવાસ માટે ભારતીય ટીમની જાહેરાત પહેલા જ થઈ ગઈ હતી, હવે યજમાન ઝિમ્બાબ્વેએ પણ ટીમની જાહેરાત કરી દીધી છે. ટીમને તેના નિયમિત કેપ્ટન ક્રેગ ઇરવિન વિના ઉતરવુ પડશે. આવી સ્થિતિમાં ટીમની કમાન રેગિસ ચકાબવા (Regis Chakabva) ને આપવામાં આવી છે.
કેપ્ટન અને ઝડપી બોલર આઉટ
ઝિમ્બાબ્વે ક્રિકેટ બોર્ડે ગુરુવારે 11 ઓગસ્ટે આ શ્રેણી માટે 17 સભ્યોની ટીમની જાહેરાત કરી હતી. તેના કેપ્ટન ઈરવિન સિવાય ટીમને તોફાની ફાસ્ટ બોલર બ્લેસિંગ મુજરબાની વિના મેદાનમાં ઉતરવું પડશે. હેમસ્ટ્રિંગની ઈજામાંથી ઇરવિન હજુ સાજો થયો નથી. મુજરબાનીને ગ્રોઈન ઈંજરીની સમસ્યા છે, જેના કારણે તે ભારત સામે રમવાનું ચૂકી જશે.
Zimbabwe name squad for ODI series against India
Details 👇https://t.co/cDteJIV5AZ pic.twitter.com/5tm3ecV9e2
— Zimbabwe Cricket (@ZimCricketv) August 11, 2022
આ સંદર્ભમાં ઝિમ્બાબ્વે ક્રિકેટે એક પ્રેસ રિલીઝમાં પસંદ કરેલી ટીમ, ઈજાગ્રસ્ત ખેલાડીઓ અને નવા કેપ્ટન વિશે માહિતી આપી હતી. આ અંગે સ્પષ્ટતા કરતાં બોર્ડે કહ્યું, રેગિસ ચકાબ્વા નિયમિત કેપ્ટન ક્રેગ ઇરવિનની ગેરહાજરીમાં ટીમનું નેતૃત્વ કરશે. ઈરવિન હજુ પણ હેમસ્ટ્રિંગની ઈજામાંથી સાજો થઈ રહ્યો છે. ઝિમ્બાબ્વેને પણ બ્લેસિંગ મુજરબાની, ટેન્ડાઈ ચતરા અને વેલિંગ્ટન મસાકાદઝા વિના રમવું પડશે. આ ત્રણેય ખેલાડીઓ ઈજામાંથી પણ સાજા થઈ રહ્યા છે.
બાંગ્લાદેશ સામે સદી ફટકારી હતી
ઝિમ્બાબ્વેએ તાજેતરમાં બાંગ્લાદેશને પહેલા T20 શ્રેણીમાં અને પછી ODI શ્રેણીમાં પણ હરાવ્યું હતું. ટી20 સિરીઝમાં ઈરવિન કેપ્ટન હતો, પરંતુ તે પછી તે ઈજાગ્રસ્ત થઈ ગયો હતો. આવી સ્થિતિમાં ચકાબ્વાએ પણ ODI શ્રેણીમાં કેપ્ટનશિપ કરી અને ટીમને 2-1થી જીત અપાવી. આ દરમિયાન ચકાબ્વાએ બીજી વનડેમાં પણ શાનદાર સદી ફટકારી હતી. ભારત અને ઝિમ્બાબ્વે વચ્ચે ત્રણ મેચની વનડે શ્રેણી 18, 20 અને 22 ઓગસ્ટે રમાશે. ત્રણેય મેચ ઝિમ્બાબ્વેની રાજધાની હરારેના હરારે સ્પોર્ટ્સ ક્લબમાં રમાશે.
IND vs ZIM: ઝિમ્બાબ્વે ટીમ
રેજીસ ચાકાબાવા (કેપ્ટન), રાયન બર્લ, તનાકા ચિવાંગા, બ્રેડલી ઇવાન્સ, લ્યુક જોંગવે, ઇનોસન્ટ કાયા, તાકુડઝવાનાશે કેટાનો, ક્લાઇવ મડાન્ડે, વેસ્લી માધવેરે, તાદીવાનાશે મારુમાની, જ્હોન મસારા, ટોની મુન્યોંગા, રિચાર્ડ નગારવા, વિક્ટર ન્યાચી, સિકંદર રઝા, મિલ્ટન શુમ્બા ડોનાલ્ડ ટિરિપાનો.
