India vs West Indies : ભારત અને વેસ્ટ ઈન્ડિઝ (India vs West Indies)વચ્ચેની ત્રીજી T20 ઈન્ટરનેશનલ મેચનો સમય પણ બદલાઈ ગયો છે. આ મેચનો ટોસ હવે 8 વાગ્યાને બદલે રાત્રે 9 વાગ્યે થશે. જ્યારે પ્રથમ બોલ રાત્રે 9.30 વાગ્યે નાખવામાં આવશે. મતલબ કે મેચ ભારતીય સમય અનુસાર રાત્રે 9.30 વાગે શરૂ થશે. BCCI દ્વારા ત્રીજી T20 ઈન્ટરનેશનલ મેચ (T20 International Match)ના સમયની માહિતી શેર કરવામાં આવી છે. ભારતીય ક્રિકેટ બોર્ડે ટ્વીટ કરીને મેચના સમયમાં ફેરફારની જાણકારી આપી હતી.
ત્રીજી ટી20ના સમયમાં ફેરફાર ખેલાડીઓને આરામ આપવાના ઉદ્દેશ્યથી કરવામાં આવ્યો છે. ભારત અને વેસ્ટ ઈન્ડિઝ વચ્ચેની બીજી T20I પણ મોડી શરૂ થઈ હતી અને ભારતીય સમય અનુસાર મોડી રાત્રે પૂરી થઈ હતી. આવી સ્થિતિમાં, ખેલાડીઓ બીજી T20Iના થાકમાંથી થોડા સ્વસ્થ થઈ શકે છે, ત્રીજી T20Iના સમયમાં ફેરફાર તેનું પરિણામ છે.
🚨 UPDATE 🚨
Revised timing for the 3rd #WIvIND T20I at St Kitts on August 02, 2022:
Toss: 9:00 PM IST (11:30 AM Local Time)
Start of play: 9:30 PM IST (12 PM Local Time) #TeamIndia
— BCCI (@BCCI) August 2, 2022
BCCIએ ત્રીજી T20Iના સમય સાથે સંબંધિત દરેક અપડેટ ટ્વિટ કરી છે. પોતાના ટ્વીટમાં તેણે જણાવ્યું કે ત્રીજી T20Iમાં ટોસ ભારતીય સમય અનુસાર રાત્રે 9 વાગ્યે થશે અને મેચ રાત્રે 9.30 વાગ્યે શરૂ થશે.
ક્રિકેટ વેસ્ટ ઈન્ડિઝે એક નિવેદન જાહેર કરીને કહ્યું કે, “બીજી T20Iની શરૂઆતમાં વિલંબને પગલે, બંને ટીમો ત્રીજી T20 મેચમાં વિલંબ કરવા માટે સંમત થઈ છે જેથી ખેલાડીઓને મેચ રમવાને કારણે પૂરતો આરામ મળી શકે.
ક્રિકેટ વેસ્ટ ઈન્ડિઝના નિવેદનથી એ પણ સ્પષ્ટ થઈ ગયું હતું કે, છેલ્લી બે મેચ ફ્લોરિડામાં રમાશે. કેટલાક અહેવાલો અનુસાર, યુએસમાં વિઝા સમસ્યાઓના કારણે, એવું કહેવામાં આવી રહ્યું હતું કે, આ મેચોને અન્ય સ્થાને શિફ્ટ કરવામાં આવી શકે છે. તમને જણાવી દઈએ કે, 5 T20I મેચોની સિરીઝ હાલમાં 1-1 થી બરાબર છે.વેસ્ટ ઈન્ડિઝે બીજી T20I 5 વિકેટે જીતી લીધી છે. તે પહેલા ભારતે પ્રથમ T20I 68 રને જીતી હતી.