IND vs NZ : અડધી સદી ફટકાર્યા બાદ રોહિત શર્માનું દિલ તૂટી ગયું, ખરાબ રીતે થયો આઉટ
રોહિત શર્માએ બેંગલુરુ ટેસ્ટની બીજી ઈનિંગમાં શાનદાર અડધી સદી ફટકારી હતી. તેના બેટમાંથી 52 રન આવ્યા, પરંતુ ભારતીય કેપ્ટને તેની વિકેટ ખૂબ જ અજીબોગરીબ રીતે આપી, જેના પછી રોહિત શર્મા એકદમ નિરાશ જોવા મળ્યો હતો.
બેંગલુરુ ટેસ્ટના પ્રથમ દાવમાં રોહિત શર્મા નિષ્ફળ રહ્યો હતો, પરંતુ બીજી ઈનિંગમાં ભારતીય કેપ્ટને પોતાના બેટનું જોર બતાવ્યું હતું. રોહિત શર્માએ દમદાર અડધી સદી ફટકારી હતી. હિટમેને 63 બોલમાં 8 ચોગ્ગા અને એક છગ્ગાની મદદથી 52 રનની ઈનિંગ રમી હતી. જોકે, રોહિત શર્માએ અડધી સદી ફટકારતા જ તેનું દિલ તૂટી ગયું હતું. રોહિત શર્મા ખૂબ જ કમનસીબ રીતે આઉટ થયો હતો. રોહિત શર્માની વિકેટ 22મી ઓવરમાં પડી હતી. એજાઝ પટેલનો બોલ રોહિતે રમ્યો અને પછી બોલ વિકેટ સાથે અથડાયો અને રોહિત બોલ્ડ થયો.
રોહિત બોલને જોતો જ રહ્યો
જ્યારે એજાઝ પટેલનો બોલ રોહિત શર્માના બેટ સાથે અથડાયો તો તે વિકેટ પર જવા લાગ્યો. આ દરમિયાન રોહિત બોલને જોઈ રહ્યો હતો, તેણે તેને રોકવાનો પ્રયાસ કર્યો નહોતો. થોડી જ વારમાં બોલ વિકેટ સાથે અથડાયો અને રોહિત બોલ્ડ થઈ ગયો. આ રીતે વિકેટ ગુમાવ્યા બાદ રોહિત ખૂબ જ નિરાશ દેખાઈ રહ્યો હતો અને તે નિરાશ થઈને પેવેલિયન પરત ફર્યો હતો. એક સમયે એવું લાગતું હતું કે રોહિત રડી પડશે.
The cricketing gods not on Rohit’s side today! ❤️ But WELL PLAYED, CAPTAIN #RohitSharma ⭐
He scored 52 runs from 63 balls including 8 fours and 1 six against New Zealand in first Test Match – A good knock by The Hitman.#INDvNZ #NZvsIND #INDvsNZ #TestCricket pic.twitter.com/QlBv2p0bO7
— A & K (@badjocker1020) October 18, 2024
રોહિત માટે બેંગલુરુ ટેસ્ટ સારી ન રહી
રોહિત શર્મા માટે બેંગલુરુ ટેસ્ટ સારી રહી ન હતી. સૌ પ્રથમ, ટોસ જીત્યા પછી, તેણે બેંગલુરુમાં પ્રથમ બેટિંગ કરવાનું પસંદ કર્યું અને ટીમ ઈન્ડિયા માત્ર 46ના સ્કોર પર ઓલઆઉટ થઈ ગઈ. રોહિત શર્માએ સ્વીકાર્યું કે તેણે પિચને સમજવામાં ભૂલ કરી અને તેનાથી ટીમને નુકસાન થયું. આ પછી રોહિત શર્માએ કેપ્ટન તરીકે ભૂલ કરી, તે પોતાના બોલરોને યોગ્ય રીતે ઉપયોગ ન કરી શક્યો. આટલું જ નહીં, રોહિત શર્માએ કેચ પણ છોડ્યો, જેના કારણે ટીમને નુકસાન થયું. આ પછી, તે બીજા દાવમાં ખૂબ જ દુર્ભાગ્યપૂર્ણ રીતે આઉટ થયો.
આ પણ વાંચો: IND vs NZ : બેંગલુરુ ટેસ્ટમાં રચિન રવિન્દ્રની સદી, 10મી ટેસ્ટમાં બીજી વખત કર્યું આ કારનામું
ક્રિકેટ સહિત રમતગમતના દરેક સમાચાર વાંચવા અહીં ક્લિક કરો
