T20 WC Breaking : ભારત-ન્યુઝીલેન્ડની પ્લેઈંગ ઈલેવન જાહેર, મેચ વિનર ખેલાડી ટીમમાંથી બહાર, ચોંકાવનારો નિર્ણય

T20 વર્લ્ડ કપ ફાઇનલમાં ભારતનો કેપ્ટન સૂર્યકુમાર યાદવ ટોસ હારી ગયો. ન્યુઝીલેન્ડના કેપ્ટન મિશેલ સેન્ટનરે ભારતીય ટીમને પહેલા બેટિંગ માટે આમંત્રણ આપ્યું. ન્યુઝીલેન્ડે આ મેચ માટે તેમની પ્લેઈંગ ઈલેવનમાં મહત્વપૂર્ણ ફેરફાર કર્યો. તેમણે તેમના મોટા મેચ-વિનર મેકકોન્ચીને ટીમમાં ડ્રોપ કરી દીધો અને જેકબ ડફીનો સમાવેશ કર્યો છે. ભારતીય ટીમે તેમની પ્લેઈંગ ઈલેવનમાં કોઈ ફેરફાર કર્યો નથી.

ન્યુઝીલેન્ડે મેકકોન્ચીને ડ્રોપ કર્યો

સેમિફાઇનલમાં ટીમને વિજય અપાવનાર મેકકોન્ચીને ડ્રોપ કરીને ન્યૂઝીલેન્ડે બધાને આશ્ચર્યચકિત કર્યા છે. આ ખેલાડી બેટિંગ ઉપરાંત ઉત્તમ ઓફ-સ્પિન બોલિંગ પણ કરે છે. સેમિફાઇનલમાં દક્ષિણ આફ્રિકા સામે મેકકોન્ચીએ એક જ ઓવરમાં બે વિકેટ લીધી હતી, પરંતુ ફાઇનલ માટે ટીમમાંથી તેને બહાર કરવામાં આવ્યો હતો.

લાલ પિચને ધ્યાનમાં રાખી આ નિર્ણય લીધો

કેપ્ટન સેન્ટનરે સમજાવ્યું કે તેણે અમદાવાદની લાલ પિચને ધ્યાનમાં રાખીને આ નિર્ણય લીધો હતો. હકીકતમાં, લાલ પિચથી ફાસ્ટ બોલરોને ફાયદો થાય છે, તેથી ન્યૂઝીલેન્ડે ચાર ફાસ્ટ બોલરોને મેદાનમાં ઉતાર્યા છે.

ભારતની પ્લેઈંગ ઈલેવન

અભિષેક શર્મા, સંજુ સેમસન, ઈશાન કિશન, સૂર્યકુમાર યાદવ, હાર્દિક પંડ્યા, શિવમ દુબે, અક્ષર પટેલ, તિલક વર્મા, જસપ્રીત બુમરાહ, અર્શદીપ સિંહ અને વરુણ ચક્રવર્તી.

ન્યુઝીલેન્ડની પ્લેઈંગ ઈલેવન

ટિમ સીફર્ટ, ફિન એલન, રચિન રવિન્દ્ર, ગ્લેન ફિલિપ્સ, માર્ક ચેપમેન, ડેરિલ મિશેલ, જેમ્સ નીશમ, મિશેલ સેન્ટનર, મેટ હેનરી, લોકી ફર્ગ્યુસન અને જેકબ ડફી.