T20 World Cup Breaking : ફિફ્ટી ફટકાર્યા પછી હાર્દિક પંડ્યાએ પોતાની ગરદન તરફ ઈશારો કર્યો, જાણો કારણ
T20 વર્લ્ડ કપની 18મી મેચમાં હાર્દિક પંડ્યાએ નામિબિયા સામે શાનદાર અડધી સદી ફટકારી હતી. આ ખેલાડીએ માત્ર 27 બોલમાં અડધી સદી પૂરી કરી અને તેની અનોખી ઉજવણી ચર્ચાનો વિષય બની ગઈ છે. હાર્દિક પંડ્યાએ ફિફ્ટી ફટકાર્યા પછી પોતાની ગરદન તરફ ઈશારો કર્યો હતો.
ટીમ ઈન્ડિયાના ઓલરાઉન્ડર હાર્દિક પંડ્યાએ ફરી એકવાર ભારતીય ટીમ માટે પોતાનું મહત્વ દર્શાવ્યું છે. નામિબિયા સામે, હાર્દિક પંડ્યાએ 28 બોલમાં 52 રનની ધમાકેદાર ઇનિંગ રમી. તેણે આ ઇનિંગમાં ચાર છગ્ગા અને ચાર ચોગ્ગા ફટકાર્યા. પંડ્યાએ આ ઇનિંગ એવા સમયે રમી જ્યારે ટીમ ઈન્ડિયાનો મિડલ ઓર્ડર ખરાબ રીતે નિષ્ફળ ગયો હતો.
હાર્દિક પંડ્યાની આક્રમક ફિફ્ટી
તિલક વર્મા અને સૂર્યકુમાર યાદવ મોટા સ્કોર કરવામાં નિષ્ફળ ગયા, અને રિંકુ અને અક્ષર પટેલ પણ નિષ્ફળ ગયા. આવી સ્થિતિમાં, હાર્દિકે આક્રમક અડધી સદી ફટકારી. આ જોરદાર ઇનિંગ દરમિયાન હાર્દિકે અનોખી રીતે ઉજવણી કરી, જે ચર્ચાનો વિષય બની ગઈ છે. પોતાની અડધી સદી ફટકાર્યા પછી પંડ્યાએ તેની ગરદન તરફ ઈશારો કર્યો. જાણો તેણે આવું કેમ કર્યું.
પંડ્યાએ ગર્લફ્રેન્ડ માહિકા શર્મા તરફ ઈશારો કર્યો
હાર્દિક પંડ્યાએ સિક્સર મારીને અડધી સદી પૂર્ણ કરી ત્યારે તેણે પોતાની ગરદન તરફ ઈશારો કર્યો. તે ખરેખર સ્ટેન્ડમાં બેઠેલી તેની ગર્લફ્રેન્ડ માહિકા શર્મા તરફ ઈશારો કરી રહ્યો હતો. પંડ્યાની ગરદન પર એક નવું ટેટૂ છે. એવું કહેવામાં આવી રહ્યું છે કે પંડ્યાએ આ ટેટૂ માહિકા માટે કરાવ્યું છે.
મહિકા હાર્દિકને સપોર્ટ કરવા સ્ટેડિયમમાં હાજર
હાર્દિક પંડ્યા અને મહિકા શર્માનો પ્રેમ 2025 ચેમ્પિયન્સ ટ્રોફીથી ખીલ્યો હતો. ચેમ્પિયન્સ ટ્રોફી જીત્યા પછી, પંડ્યા અને મહિકા વેકેશન પર ગયા, અને તેમના સંબંધો જાહેર થયા. હવે મહિકા હાર્દિક પંડ્યાના પુત્ર અગસ્ત્ય સાથે પણ જોવા મળે છે. તે હાર્દિક પંડ્યાને ટેકો આપવા માટે લગભગ દરેક મેચમાં હાજરી આપે છે. મુંબઈ પછી તે દિલ્હી સ્ટેડિયમમાં પણ જોવા મળી હતી. પંડ્યાએ પોતાની વિસ્ફોટક બેટિંગથી મહિકા અને ટીમ ઈન્ડિયાના ચાહકોનું દિલ જીતી લીધું.
