T20 WC Breaking : મને આશા છે કે હું તમને મળીશ… તિલક વર્માએ આ ક્રિકેટરની બહેનને ખાસ વીડિયો મેસેજ કર્યો
તિલક વર્માએ T20 વર્લ્ડ કપ 2026 ના સુપર 8 તબક્કામાં ઝિમ્બાબ્વે સામે ધમાકેદાર ઇનિંગ રમી હતી. જો કે આ ઈનિંગની સાથે તેના એક ખાસ મેસેજે પણ બધાના દિલ જીતી લીધા હતા. તિલક વર્માએ તેની ખાસ ચાહક માટે એક ખાસ વીડિયો રેકોર્ડ કર્યો હતો.
ભારતે T20 વર્લ્ડ કપ 2026ના સુપર 8 તબક્કામાં ઝિમ્બાબ્વેને 72 રનથી હરાવ્યું અને શાનદાર જીત મેળવી. ટીમ ઈન્ડિયાએ મેચમાં 256 રન બનાવ્યા અને ઝિમ્બાબ્વેને ત્રગેત ચેઝ કરતા અટકાવ્યું. મેચ પછી, મેદાન પર એક ખાસ ક્ષણ જોવા મળી જેણે ક્રિકેટ ચાહકોના દિલ જીતી લીધા. ICC એ પોતે આ ખાસ ક્ષણનો એક વીડિયો તેના સોશિયલ મીડિયા એકાઉન્ટ્સ પર શેર કર્યો.
તિલક વર્માનો ખાસ વીડિયો મેસેજ
હકીકતમાં, મેચ પછી, ઝિમ્બાબ્વેના ફાસ્ટ બોલર બ્રેડ ઇવાન્સે ખુલાસો કર્યો કે તેની બહેન રેબેકા તિલક વર્માની ખૂબ મોટી ચાહક છે. બ્રેડએ તિલકને તેની બહેન માટે એક ખાસ વીડિયો મેસેજ રેકોર્ડ કરવા વિનંતી પણ કરી. તિલક વર્માએ ખચકાટ વિના, તેની ઇચ્છા પૂરી કરી અને એક મેસેજ રેકોર્ડ કર્યો. વીડિયો મેસેજમાં તિલકએ કહ્યું, “હાય રેબેકા, મારા મોટા ફેન બનવા બદલ ખૂબ ખૂબ આભાર. તે મારા માટે ખૂબ જ અર્થપૂર્ણ છે. હું આશા રાખું છું કે હું ઝિમ્બાબ્વે આવીશ ત્યારે તમને મળીશ. અને તમારો ભાઈ અદ્ભુત છે, તેણે ખૂબ સારી બોલિંગ કરી. જલ્દી મળીશું, આભાર.”
ICC એ વીડિયો શેર કર્યો
બ્રેડ ઇવાન્સે પણ તિલકના આ ઈશારા પર ખુશી વ્યક્ત કરતા કહ્યું કે તેની બહેને થોડા દિવસ પહેલા જે માંગ્યું હતું તે મળી ગયું છે. તેણે મજાકમાં ઉમેર્યું કે રેબેકા હવે થોડી શરમ અનુભવી રહી હશે, પરંતુ આ તેના માટે સૌથી ખાસ ભેટ છે. ચાહકો ICC દ્વારા શેર કરાયેલા વીડિયોને ખૂબ પસંદ કરી રહ્યા છે. ભારતની જીતની સાથે તિલક વર્માનો ઈશારો મેચની સૌથી યાદગાર ક્ષણ બની ગયો.
તિલક વર્માએ તોફાની ઇનિંગ રમી
આ મેચ તિલક વર્મા માટે ખાસ હતી. તેને છઠ્ઠા નંબર પર બેટિંગ કરવાની તક આપવામાં આવી હતી અને તેણે 16 બોલમાં અણનમ 44 રન બનાવ્યા હતા. તેણે 275.00 ના સ્ટ્રાઇક રેટથી આ રન બનાવ્યા હતા, જેમાં 3 ચોગ્ગા અને 4 છગ્ગાનો સમાવેશ થાય છે. આનાથી ભારતીય ટીમે 20 ઓવરમાં 256 રન બનાવ્યા હતા. આ મેચ પહેલા તિલક વર્મા ત્રીજા નંબર પર સતત રમી રહ્યો હતો, પરંતુ તે મોટી ઇનિંગ્સ રમી શક્યો ન હતો. જોકે, આ વખતે ટીમે એક ફેરફાર કર્યો અને તિલક વર્મા જોરદાર વાપસી કરવામાં સફળ રહ્યો.
