T20 WC Breaking : ન્યુઝીલેન્ડ ફાઇનલમાં પહોંચ્યું, ફિન એલને 33 બોલમાં સદી ફટકારી, દક્ષિણ આફ્રિકા બહાર

ફિન એલનની 33 બોલમાં સદી

ન્યુઝીલેન્ડની જીતમાં ઓપનર ફિન એલન અને ટિમ સીફર્ટનો હાથ હતો. તેમણે પહેલી વિકેટ માટે 117 રન ઉમેર્યા. સીફર્ટે 33 બોલમાં 58 રન બનાવ્યા. જોકે, ફિન એલને માત્ર 33 બોલમાં પોતાની સદી પૂરી કરી. એલને પોતાની ઇનિંગમાં 8 છગ્ગા અને 10 ચોગ્ગા ફટકાર્યા. તેનો સ્ટ્રાઇક રેટ 303.03નો રેકોર્ડ હતો.

માત્ર 12.5 ઓવરમાં રન ચેઝ કર્યો

ન્યુઝીલેન્ડે 170 રનનો લક્ષ્યાંક માત્ર 12.5 ઓવરમાં જ હાંસલ કરી લીધો. લક્ષ્યનો પીછો કરતા ન્યુઝીલેન્ડે 10 છગ્ગા અને 19 ચોગ્ગા ફટકારીને દક્ષિણ આફ્રિકાની મજબૂત બોલિંગ યુનિટને સંપૂર્ણપણે તોડી નાખી.

દક્ષિણ આફ્રિકા બહાર ફેંકાયું

4 માર્ચનો દિવસ દક્ષિણ આફ્રિકા માટે ખરાબ સાબિત થયો. તેઓ ટોસ હારી ગયા, અને પછી તેમના ટોચના ત્રણ બેટ્સમેન નિષ્ફળ ગયા. કેપ્ટન માર્કરામ 18 રન, ડી કોક 10, ડેવાલ્ડ બ્રેવિસે 34, જ્યારે રેયાન રિકલ્ટન 0 પર આઉટ થયો. માર્કો જેન્સને અણનમ 55 રન બનાવીને દક્ષિણ આફ્રિકાને 169 રન સુધી પહોંચાડવામાં મદદ કરી, પરંતુ આ રન ન્યુઝીલેન્ડ માટે ખૂબ ઓછા સાબિત થયા.

આફ્રિકાના બોલરોનું ખરાબ પ્રદર્શન

દક્ષિણ આફ્રિકાના બેટ્સમેનોના નબળા પ્રદર્શન બાદ, તેમના બોલરોએ પણ નિરાશ કર્યા. માર્કો જેનસેને 17 બોલમાં 53 રન, રબાડાએ 28 અને બોશે બે ઓવરમાં 35 રન આપ્યા. કેશવ મહારાજે પણ ત્રણ ઓવરમાં 33 અને એનગીડીએ 22 રન આપ્યા. ન્યુઝીલેન્ડના ઓપનર સેફર્ટ અને એલને મળીને આફ્રિકાને T20 વર્લ્ડ કપ 2026માંથી બહાર કરી દીધા.