T20 WC Breaking : સેમિફાઇનલ માટે ICC નો ખાસ નિયમ, રિઝર્વ ડે પર મેચ બપોરે જ શરુ થઈ જશે!
T20 વર્લ્ડ કપ 2026 ની સેમિફાઇનલ 4 અને 5 માર્ચે રમાશે. ICC એ આ મેચો માટે ચોક્કસ નિયમો સ્થાપિત કર્યા છે, જે ખાતરી કરે છે કે કોઈપણ પરિસ્થિતિમાં પરિણામ નક્કી કરી શકાય છે. આ નિયમ શું છે.
T20 વર્લ્ડ કપ 2026 હવે તેના અંતિમ તબક્કામાં પહોંચી ગયો છે. ચાર અઠવાડિયાના રોમાંચક ક્રિકેટ પછી, અંતિમ ચાર ટીમો નક્કી થઈ ગઈ છે. ડિફેન્ડિંગ ચેમ્પિયન ભારત, દક્ષિણ આફ્રિકા, ઈંગ્લેન્ડ અને ન્યુઝીલેન્ડ હવે ટ્રોફીની રેસમાં બાકી છે. બધી નોકઆઉટ મેચો હવે ભારતમાં રમાશે. પ્રથમ સેમિફાઇનલ દક્ષિણ આફ્રિકા અને ન્યુઝીલેન્ડ વચ્ચે થશે. ત્યારબાદ ભારત અને ઈંગ્લેન્ડ બીજા સેમિફાઇનલમાં ટકરાશે. આ બે મેચના વિજેતાઓ ફાઇનલમાં ટકરાશે.
સેમિફાઇનલ માટે ICC નો ખાસ નિયમ
બંને સેમિફાઇનલ માટે રિઝર્વ ડે નક્કી કરવામાં આવ્યો છે. હવામાનને ધ્યાનમાં રાખીને ICC એ આ નિયમો સ્થાપિત કર્યા છે. મેચ નિર્ધારિત દિવસે પૂર્ણ કરવા માટે દરેક પ્રયાસ કરવામાં આવશે, જો જરૂરી હોય તો ઓવર ઘટાડી શકાય છે.
રિઝર્વ ડે નો શું છે નિયમ?
ICC એ મેચ પૂર્ણ કરવા માટે વધારાનો સમય આપ્યો છે જેથી રિઝર્વ ડે ના દિવસે સમય બચી શકે. નિર્ધારિત દિવસે 90 મિનિટ અને રિઝર્વ ડે પર 120 મિનિટનો વધારાનો સમય (extra time) રહેશે. જોકે, પરિણામ માટે બંને ટીમોએ ઓછામાં ઓછી 10 ઓવર બેટિંગ કરવી પડશે. જો મેચ રિઝર્વ ડે પર જાય છે, તો મેચ પહેલા દિવસે જ્યાં રોકવામાં આવી હોy ત્યાંથી જ ફરી શરુ થશે.
રિઝર્વ ડે પર મેચ બપોરે 3:00 વાગ્યે શરૂ થશે
બંને સેમિફાઇનલ મેચો ભારતીય સમય મુજબ સાંજે 7:00 વાગ્યે શરૂ થશે. જોકે, જો મેચ રિઝર્વ ડે પર જશે, તો સમય બદલાશે. હકીકતમાં, રિઝર્વ ડે પરની મેચ બપોરે 3:00 વાગ્યે શરૂ થશે.
રિઝર્વ ડે પર ક્યાંથી શરૂ થશે મેચ?
જો કોઈ મેચ રિઝર્વ ડેમાં જાય, તો બે પરિસ્થિતિઓ ઊભી થઈ શકે છે. જો મેચ નિર્ધારિત દિવસે જ શરૂ થઈ જાય, તો જ્યાં મેચ રોકવામાં આવી હતી ત્યાંથી જ મેચ શરુ થશે. જો મેચના દિવસે ઓવર ઓછી કરવામાં આવે, તો રિઝર્વ ડે પર પણ એટલી જ ઓવર નાખવામાં આવશે.
રિઝર્વ ડે ના દિવસે પરિણામ ન આવે તો શું?
બીજી પરિસ્થિતિમાં, જો મેચ નિર્ધારિત દિવસે નક્કી કરેલી ઓછી ઓવર સાથે શરૂ ન થઈ હોય અથવા રમત બિલકુલ શરૂ ન થઈ શકે, તો મેચ રિઝર્વ ડે પર 20-ઓવર ફોર્મેટ સાથે રમાશે. જો રિઝર્વ ડે ના દિવસે પણ કોઈ પરિણામ ન આવે, તો કઈ ટીમ આગળ વધશે તેનો નિર્ણય ગ્રુપ પોઝિશનના આધારે લેવામાં આવશે.
