હરમનપ્રીત અને સ્મૃતિ મંધાના રેન્કિંગમાં વધારો થયો, શ્રીલંકા સામે મજબૂત પ્રદર્શનનું ઈનામ મળ્યું

ICC Ranking : કેપ્ટન હરમનપ્રીત કૌર (Harmanpreet Kaur) અને સ્મૃતિ મંધાનાને શ્રીલંકા સામેના જોરદાર પ્રદર્શન માટે પુરસ્કાર મળ્યો છે. આઈસીસી દ્વારા મંગળવારે જાહેર કરવામાં આવેલી વનડે રેન્કિંગમાં બંને ભારતીય બેટ્સમેનોની રેન્કિંગમાં સુધારો થયો છે. હરમનપ્રીત એક સ્થાન આગળ વધીને 13મા સ્થાને પહોંચી ગઈ છે. બીજી તરફ મંધાના એક સ્થાનના ફાયદા સાથે નવમા સ્થાને પહોંચી ગઈ છે. ટોપ 10માં મંધાના એકમાત્ર ભારતીય છે. શ્રીલંકા સામેની 3 મેચની વનડે સિરીઝમાં હરમનપ્રીતે 59.50ની એવરેજથી 119 રન બનાવ્યા હતા. આ સાથે 2 વિકેટ લઈને પણ ભારતીય ટીમ (Indian Team)ને સિરીઝ જીતવામાં મહત્વની ભૂમિકા ભજવી હતી. હરમનપ્રીત પ્લેયર ઓફ ધ સિરીઝ (Player of the Series) રહી હતી. તે જ સમયે, મંધાનાએ આ સિરીઝમાં 52 ની સરેરાશથી રન બનાવ્યા.

શેફાલી વર્મા પણ રેન્કિંગમાં છલાંગ લગાવી

Web Stories View more

SBI પાસેથી 25 વર્ષ માટે 50 લાખની હોમ લોન પર EMI કેટલી આવે?

પ્રાઇવેટ જેટ.. દુબઈમાં વિલા મુકેશ અંબાણી છે આ 10 મોંઘી વસ્તુઓના માલિક

મુકેશ અંબાણી રિલાયન્સ ગુપ સાથે ક્યારે જોડાયા?

સલમાન ખાનની 'ગર્લફ્રેન્ડ' લુલિયા છે ખુબ સુંદર, જુઓ ફોટો

ઐશ્વર્યા રાય બચ્ચન તેના પતિ અભિષેક કરતાં કેટલી મોટી?

નાળિયેર પાણીમાં લીંબુનો રસ ભેળવીને પીવાથી થાય છે આ ગજબના ફાયદા, જાણો અહીં

Sri Lanka’s star shines again ⭐️

Chamari Athapaththu headlines the latest @MRFWorldwide ICC Women’s ODI Rankings changes 📈

More 👉 https://t.co/ckY0bBoWXQ pic.twitter.com/VFTlWPSJQd

— ICC (@ICC) July 12, 2022

અન્ય ભારતીય બેટ્સમેનોમાં, શેફાલી વર્મા 3 સ્થાન આગળ વધીને 33મા, યાસ્તિકા ભાટિયા એક સ્થાન આગળ વધીને 45મા અને બોલિંગ-ઓલરાઉન્ડર પૂજા વસ્ત્રાકર 8 સ્થાન આગળ વધીને 53મા ક્રમે પહોંચી ગઈ છે. બોલરોમાં રાજેશ્વરી ગાયકવાડ 3 સ્થાનની છલાંગ લગાવીને 9મા સ્થાને પહોંચી ગઈ છે. જ્યારે મેઘના સિંહ 2 સ્થાન સુધરીને 43મા સ્થાને અને વસ્ત્રાકર 2 સ્થાન સુધરીને સંયુક્ત 48મા સ્થાને છે. અનુભવી ભારતીય ઝડપી બોલર ઝુલન ગોસ્વામી, જેને આ પ્રવાસમાં ટીમમાં સ્થાન મળ્યું નથી, તે બોલરોની યાદીમાં છઠ્ઠા સ્થાને છે.

શેફાલી અને મંધાના વચ્ચે મોટી ભાગીદારી હતી

બેટ્સમેનોની યાદીમાં ઓસ્ટ્રેલિયાની એલિસા હીલી અને ઈંગ્લેન્ડની નતાલી સાયવર ટોપ બે પર છે, જ્યારે ઈંગ્લેન્ડની સોફી એક્લેસ્ટોન અને દક્ષિણ આફ્રિકાની શબનિમ ઈસ્માઈલ બોલિંગ રેન્કિંગમાં પ્રથમ અને બીજા સ્થાને છે. ભારતે શ્રીલંકા સામેની પ્રથમ વનડે 4 વિકેટે, બીજી મેચ 10 વિકેટે અને ત્રીજી મેચ 39 રનથી જીતી હતી. બીજી વનડેમાં 173 રનના લક્ષ્યાંકના જવાબમાં શેફાલી વર્મા અને મંધાનાએ 174 રનની અતૂટ ભાગીદારી કરી હતી.

ગેમ્સ માટે 15 સભ્યોની ટીમની જાહેરાત

બર્મિંગહામમાં યોજાનારી કોમનવેલ્થ ગેમ્સ માટે ભારતીય મહિલા ક્રિકેટ ટીમની જાહેરાત કરવામાં આવી છે. ભારતીય ક્રિકેટ કંટ્રોલ બોર્ડે (BCCI) સોમવાર, 11 જુલાઈએ ગેમ્સ માટે 15 સભ્યોની ટીમની જાહેરાત કરી હતી, જેનું નેતૃત્વ સ્ટાર ઓલરાઉન્ડર હરમનપ્રીત કૌર કરશે. 27 જુલાઇથી શરૂ થનારી રમતોમાં 24 વર્ષ બાદ ક્રિકેટ વાપસી કરી રહ્યું છે અને પ્રથમ વખત મહિલા ક્રિકેટનો સમાવેશ કરવામાં આવી રહ્યો છે. ભારત ઉપરાંત વિશ્વ ચેમ્પિયન ઓસ્ટ્રેલિયા, યજમાન ઈંગ્લેન્ડ, ન્યુઝીલેન્ડ, દક્ષિણ આફ્રિકા અને પાકિસ્તાન સહિત કેટલીક મોટી ટીમો ટી20 ફોર્મેટની મેચોમાં ભાગ લઈ રહી છે.