IPL 2022: ‘નવાબો’ને હરાવીને પ્લેઓફમાં પહોંચી ગુજરાત ટાઇટન્સ, મીમ્સ શેર કરીને ચાહકોએ કહ્યું – ‘આગ હૈ મેં’

આ વખતે ઇન્ડિયન પ્રીમિયર લીગમાં બે નવી ટીમો એટલે કે IPL 2022  મા, લખનૌ સુપર જાયન્ટ્સ (Lucknow Super Giants) અને ગુજરાત ટાઇટન્સ (Gujarat Titans) નો સમાવેશ કરવામાં આવ્યો હતો. અને બંને ટીમો 10 મેના રોજ પુણેમાં ટકરાઈ હતી. આ મેચમાં ગુજરાતે 62 રને મેચ જીતી હતી અને આ સાથે જ આ સિઝનના પ્લેઓફમાં (IPL 2022 playoff) પોતાનું સ્થાન પણ નિશ્ચિત કરી લીધું હતું. આ લો સ્કોરિંગ મેચમાં રાશિદ ખાને ચાર વિકેટ લઈને લખનૌ સુપર જાયન્ટ્સની કમર તોડી નાખી હતી અને એક જ ઝાટકે મેચને એકતરફી બનાવી દીધી હતી. જો કે જે રીતે ગુજરાતે પ્રથમ બેટિંગ કરતા માત્ર 144 રન બનાવ્યા હતા, તેને જોઈને લાગી રહ્યું હતું કે લખનૌની ટીમ આ સ્કોર આસાનીથી બનાવીને જીતી જશે, પરંતુ લખનૌના ખેલાડીઓ માત્ર 82 રનમાં જ આઉટ થઈ ગયા હતા અને ગુજરાતે 62 રનથી મેચ જીતી લીધી હતી.

આ જીતની સાથે જ ગુજરાતના ચાહકો સોશિયલ મીડિયા પર ખૂબ જ આનંદની ઉજવણી કરી રહ્યા છે. #GTvsLSG ટ્વિટર પર ટોપ ટ્રેન્ડિંગ છે. આ હેશટેગ સાથે ચાહકો પોતાની ફની પ્રતિક્રિયાઓ આપી રહ્યાં છે. ચાલો કેટલાક રમુજી મીમ્સ પર નજર કરીએ, જેને લોકો શેર કરી રહ્યા છે.