ENG vs PAK: ઇંગ્લેંન્ડની ટીમમાં કોરોનાના કારણે બેન સ્ટોક્સની આગેવાનીમાં 18 સભ્યોની નવી ટીમ પસંદ કરાઇ
કોરોના એ ઇંગ્લેંન્ડની ટીમમાં હાહાકાર મચાવ્યો છે. ખેલાડીઓ અને સપોર્ટ સ્ટાફ કોરોના પોઝિટિવ હોવાનું જણાઇ આવ્યું છે. જેને લઇ ઇસીબીને નવેસરથી આખી ટીમ જાહેર કરવાની ફરજ પડી છે.
ઇંગ્લેંડ અને પાકિસ્તાન (England vs Pakistan) વચ્ચે બુધવારથી શરુ થનારી વન ડે શ્રેણી પહેલા જ કોરોનાએ મુશ્કેલી સર્જી દીધી છે. ઇંગ્લેંન્ડની ટીમ (England Cricket Team) ના ખેલાડીઓ સહિત 7 સભ્યો કોરોના (Corona Virus) સંક્રમિત હોવાનુ જણાઇ આવ્યું છે. જેને લઇને હવે ECB એ નવેસરથી ઇંગ્લેંન્ડની ટીમ, પાકિસ્તાન સામેની વન ડે શ્રેણી માટે પસંદ કરી છે. બેન સ્ટોક્સ (Ben Stokes) ટીમમાં પરત ફર્યો છે અને તેને કેપ્ટન તરીકેને જવાબદારી સોંપવામાં આવી છે.
ઇયોન મોર્ગન (Eoin Morgan) ને બદલે બેન સ્ટોક્સને કેપ્ટન તરીકેની જવાબદારી સોંપવામા આવી છે. આમ હવે ઇયોન કોરોના સંક્રમિત હોય અથવા અને સેલ્ફ આઇસોલેશન હેઠળ હોવાનુ માનાવમાં આવી રહ્યુ છે. કારણ કે ઇયોન મોર્ગન જેવા સફળ કેપ્ટનને બહાર રાખવાનું એક માત્ર કારણ આ હોઇ શકે છે. જોકે ECB એ હજુ સુધી ખેલાડીઓ કે તે સભ્યોના નામ જાહેર નથી કર્યા કે જેઓ કોરોના સંક્રમિત છે.
શ્રીલંકા અને ઇંગ્લેંન્ડ વચ્ચે બ્રીસ્ટલમાં ઇંગ્લેંન્ડની ટીમના ખેલાડીઓ અને સપોર્ટ સ્ટાફનું કોરાના પરીક્ષણ કરવામાં આવ્યું હતું. આ દરમ્યાન આજે મંગળવારે ઇસીબીએ જે પૈકી 3 ખેલાડીઓ સહિત 7 લોકો કોરોના સંક્રમિત હોવાનુ જાહેર કર્યુ હતું. ઇસીબી દ્વારા માહિતી જાહેર થતા જ ઇંગ્લેંન્ડમાં જાણે કે હડકંપ મચી ગયો હતો. ઇસીબીએ કોરોના સંક્રમિતોના સંપર્કમાં રહેલા ખેલાડી અને સ્ટાફને ફરજીયાત સેલ્ફ આઇસોલેશન હેઠળ ખસેડી દીધા હતા.
કોરોના સંક્રમણને લઇને ઇંગ્લેંડની ટીમ નવેસરથી પસંદ કરવાની, ઇંગ્લેન્ડ અને વેલ્સ ક્રિકેટ બોર્ડ (ECB) ને ફરજ પડી હતી. જે મુજબ 18 સભ્યોની ટીમ પસંદ કરવામાં આવી હતી. બુધવારથી શરુ થઇ રહેલી વન ડે શ્રેણીની પ્રથમ મેચ કાર્ડિફમાં નિયત કાર્યક્રમ મુજબ શરુ કરવામા આવનાર છે. જે દરમ્યાના બંને દેશો વચ્ચે 3 વન ડે અને 3 ટી20 આંતરરાષ્ટ્રીય મેચોની શ્રેણી રમાનારી છે.
ઇંગ્લેન્ડ ટીમ
બેન સ્ટોક્સ (કેપ્ટન), જેક બોલ, ડેની બ્રિગ્સ, બ્રિડન કાર્સ, જેક ક્રોલી, બેન ડકેટ, લેવિસ ગ્રેગોરી, ટોમ હેલ્મ, વિલ જેક્સ, ડેન લોરેન્સ, સાકીબ મહેમૂદ, ડેવિડ મલાન, ક્રેગ ઓવર્ટન, મેટ પાર્કીસન, ડેવિડ પેયને, ફિલ સોલ્ટ, જ્હોન સિમ્પસન અને જેમ્સ વિન્સ.