T20 World Cup: સેમિફાઇનલમાં વિવાદ સર્જાતા રહી ગયો, પરંતુ કિવી ખેલાડીએ મેચ બાદ એવી વાત કહી કે દિલ જીતી લીધુ

ક્રિકેટના મેદાન પર બોલર અને બેટ્સમેન વચ્ચે ટક્કર થવી સામાન્ય વાત છે. બેટ અને બોલની રોમાંચક સ્પર્ધાથી આ રમત લોકોના દિલ જીતવામાં સફળ રહે છે, પરંતુ ઘણી વખત એવું બને છે કે વિવાદો સામે આવે છે. બોલરો અને બેટ્સમેન કેટલાક કારણોસર એકબીજા સાથે લડતા હોય છે. બુધવારે ઇંગ્લેન્ડ અને ન્યુઝીલેન્ડ (England vs New Zealand) વચ્ચે રમાયેલી ICC T20 વર્લ્ડ કપ-2021 (T20 World Cup 2021) ની પ્રથમ સેમિફાઇનલ મેચમાં આવું બની શક્યું હોત, પરંતુ બેટ્સમેન અને બોલરની સમજણ વિવાદને ટાળી દે છે અને તે પછી બેટ્સમેને જે કહ્યું તે, તેની પરિપક્વતાની ઝલક દર્શાવી છે.

મામલો ન્યુઝીલેન્ડની ઇનિંગ્સની 17મી ઓવરનો છે. ઈંગ્લેન્ડનો લેગ સ્પિનર ​​આદિલ રાશિદ બોલિંગ કરી રહ્યો હતો. તેની સામે ન્યુઝીલેન્ડનો બેટ્સમેન જીમી નીશમ (James Neesham) હતો. ઓવરના પહેલા જ બોલ પર નીશમે રાશિદ પર આગળનો શોટ રમ્યો હતો. ડેરેલ મિશેલ (Daryl Mitchell) બીજા છેડે હતો. બંને બેટ્સમેનોએ રન લેવાનો પ્રયાસ કર્યો પરંતુ બોલને રોકવાનો પ્રયાસ કરી રહેલા રાશિદ વચ્ચે આવી ગયો.

રાશિદ અને મિશેલ વચ્ચે ઘર્ષણ થયુ. આવી સ્થિતિમાં નીશમ અને મિશેલે રન લેવાની ના પાડી દીધી હતી. અહીં વિવાદ થઈ શકતો હતો પરંતુ મિશેલે તેને ટાળ્યો હતો, જેમાં નીશમે પણ તેને સપોર્ટ કર્યો હતો. ત્યાર બાદ નીશમે આગલા જ બોલ પર સિક્સર ફટકારી હતી.. ચોથા બોલ પર મિશેલે પણ સિક્સર ફટકારી હતી.

મિશેલે કહી આ વાત

આ મુદ્દે મિશેલે મેચ પછીની પ્રેસ કોન્ફરન્સમાં કહ્યું હતું કે, તે એવો ખેલાડી બનવા નથી માંગતો જે વિવાદ પેદા કરે. તેણે કહ્યું, મને લાગે છે કે હું કદાચ રાશિદના માર્ગમાં આવી ગયો હોઈશ અને હું એવો ખેલાડી બનવા માંગતો ન હતો જે વિવાદ પેદા કરે. તેથી હું રન ન લેવા માટે ખુશ હતો. અમે બધા સારી ભાવનાથી રમીએ છીએ. અને મને લાગ્યું કે તે મારી ભૂલ છે. તેથી રન મેળવવાનો પ્રયાસ કરવાને બદલે અમે ફરીથી શરૂઆત કરીએ તે વધુ સારું હતું. હું નસીબદાર હતો કે તેનાથી બહુ ફરક પડ્યો નથી.

ન્યુઝીલેન્ડ જીત્યું

આ મેચમાં ન્યૂઝીલેન્ડે ઈંગ્લેન્ડને પાંચ વિકેટે હરાવ્યું હતું. નીશમે આ મેચમાં 11 બોલમાં 27 રન બનાવ્યા હતા. તે જ સમયે મિશેલે ઇનિંગની શરૂઆત કરી અને તે અંત સુધી ઊભો રહ્યો. તેણે 47 બોલમાં ચાર ચોગ્ગા અને છ છગ્ગાની મદદથી અણનમ 72 રન બનાવ્યા હતા. ન્યૂઝીલેન્ડને છેલ્લી ચાર ઓવરમાં 57 રનની જરૂર હતી.

અહીંથી આ બંને બેટ્સમેનોએ કમાલ બતાવવાનું શરૂ કર્યું અને ઈંગ્લેન્ડના બોલરોના ધબડકાનું પરિણામ એ આવ્યું કે ન્યૂઝીલેન્ડની ટીમે ઈંગ્લેન્ડે આપેલા 167 રનના લક્ષ્યાંકને એક ઓવર પહેલા જ હાંસલ કરી લીધો અને ટી-20 વર્લ્ડ કપમાં પ્રથમ વખત જીત મેળવી લીધી. ફાઇનલમાં. ફાઈનલમાં ન્યુઝીલેન્ડનો મુકાબલો ઓસ્ટ્રેલિયા અને પાકિસ્તાન વચ્ચે રમાનારી બીજી સેમીફાઈનલ મેચની વિજેતા ટીમ સાથે થશે.

આ પણ વાંચોઃ World Boxing Championship: મહિલા વર્લ્ડ બોક્સિંગ ચેમ્પિયનશિપ સ્થગિત કરી દેવાઇ કોવિડ-19 ની પરીસ્થિતીને લઇ આયોજન રોકી દેવાયુ

આ પણ વાંચોઃ PAK vs AUS, T20 World Cup, 2nd SF, LIVE Streaming: પાકિસ્તાન અને ઓસ્ટ્રેલિયા વચ્ચે આજે સેમિફાઇનલ, જાણો ક્યાં, ક્યારે અને કેવી રીતે જોઇ શકાશે