CSK vs LSG IPL Match Result: ચેન્નાઈએ ખોલ્યુ જીતનુ ખાતુ ખોલ્યુ, હોમગ્રાઉન્ડ પર 12 રને વિજય, મોઈન અલીની 4 વિકેટ
CSK vs LSG IPL 2023 Match Result: ચેન્નાઈ સુપર કિંગ્સે હોમગ્રાઉન્ડમાં મેચ જીત લઈને સિઝનમાં પોતાની પ્રથમ મેચ જીતી છે. લખનઉએ પણ સારી ટક્કર આપી હતી અને અંતિમ ઓવર સુધી મેચ રોમાંચક રહી હતી.
IPL 2023 ની છઠ્ઠી મેચ ચેન્નાઈ સુપર કિંગ્સ અને લખનૌ સુપર જાયન્ટ્સ વચ્ચે રમાઈ હતી. ચેપોક સ્ટેડિયમમાં કેએલ રાહુલે ટોસ જીતીને ચેન્નાઈને પ્રથમ બેટિંગ કરવા માટે મેદાને ઉતાર્યુ હતુ. ચેન્નાઈએ પ્રથમ બેટિંગ કરતા 217 રનનો સ્કોર 7 વિકેટના નુક્શાન પર નોંધાવ્યા હતા. આ દરમિયાન ઋતુરાજ ગાયકવાડે તોફાની અડધી સદી નોંધાવી હતી. વિશાળ લક્ષ્યનો પિછો કરતા ચેન્નાઈની જેમ જ લખનઉએ ધમાકેદાર શરુઆત કરી હતી. કાઈલ મેયર્સે તોફાની અડધી સદી નોંધાવી હતી. અંતમાં ચેન્નાઈએ મેચને 12 રનથી જીતી લીધી હતી, લખનઉએ મેચને રોમાંચક બનાવી રાખી હતી.
ચેપોકમાં લાંબા સમય બાદ ચેન્નાઈ એક્શનમાં જોવા મળ્યુ છે. ચેન્નાઈનુ આ હોમ ગ્રાઉન્ડ છે. જ્યાં ધોની સેનાએ આક્રમક અંદાજમાં રમત રમતા વિશાળ સ્કોર ખડક્યો હતો. બંને ઓપનરોએ શતકીય ભાગીદારી કરી હતી. પાવર પ્લેમાં ચેન્નાઈએ 79 રન નોંધાવ્યા હતા.
લખનઉએ પાવરપ્લેમાં ધમાલ મચાવી
શરુઆત લખનઉની ગજબ રહી હતી. પહેલે આપ કહી ચેન્નાઈને બેટિંગમાં ઉતારી રન ચેઝ કરવા માટે મેદાને ઉતરીને શરુઆતમાં બોલરોની ખૂબ ધુલાઈ કરી હતી. કાઈલ મેયર્સે તોફાની રમત રમતા 22 બોલમાં 53 રનની ઈનીંગ રમી હતી. તેણે 2 છગ્ગા અને 8 ચોગ્ગા ફટકાર્યા હતા. કેએલ રાહુલ અને મેયર્સ વચ્ચે 79 રનની ભાગીદારી નોંધાઈ હતી. બંનેની રમત વડે લખનઉએ પાવર પ્લેમાં 80 રન નોંધાવ્યા હતા. જેમાં મેયર્સની અડધી સદી નોંધાઈ હતી. લખનઉની શરુઆતની રમતે ચેન્નાઈની છાવણીમાં શાંતી સ્થાપી દીધી હતી. પરંતુ મોઈનની બોલિંગે ચેન્નાઈને મેચમાં પરત લાવી દીધુ હતુ. તેણે બંને ઓપનરોને પરત મોકલ્યા હતા.
દીપક હુડાએ 2 રન અને કૃણાલ પંડ્યાએ એક છગ્ગા સાથે 9 રન નોંધાવ્યા હતા. માર્કસ સ્ટોઈનીસે ટોપ ઓર્ડર તૂટ્યા બાદ સ્થિતી સંભાળવાનો પ્રયાસ કરીને 18 બોલમાં 21 રન નોંધાવ્યા હતા. તેને મોઈન અલીએ પોતાનો શિકાર બનાવ્યો હતો.
મોઈન અલીએ 4 વિકેટ ઝડપી
મોઈને ચાર ઓવરમાં 26 રન ગુમાવીને 4 વિકેટ ઝડપી હતી. ચેન્નાઈએ 6 બોલર અજમાવ્યા હતા, આ દરમિયાન જેમાં બેન સ્ટોક્સ અને તુષાર દેશપાંડે ખૂબ જ ખર્ચાળ રહ્યા હતા. જોકે મોઈન અને સેન્ટનરનો સ્પેલ ખતમ થતા લખઉનને રાહત સર્જાઈ હતી. જોકે અહીથી રવિન્દ્ર જાડેજા એટેક પર આવ્યો હતો. તુષારે 2 વિકેટ ઝડપ હતી.
અંતમાં નિકોલસ પૂરને 18 બોલમાં 32 રન નોંધાવ્યા હતા. તેણે મેચમાં લખનઉને મેચમાં બનાવી દીધી હતી. ફરી એકવાર ચેન્નાઈને ચિંતા છવાઈ હતી. પરંતુ તુષાર દેશપાંડેએ તેને પોતાની જાળમાં ફસાવ્યો હતો. ત્યાર બાદ આયુષ બડોનીએ 18 બોલમાં 23 રન નોંધાવ્યા હતા. કૃષ્ણપ્પા ગૌતમે 17 રન 11 બોલમાં નોંધાવ્યા હતા.
રમત ગમતના તાજા સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
રમતગમતના તાજા સમાચાર, IPL 2023, ફૂટબોલ, ટેનિસ, ક્રિકેટ સાથે જોડાયેલા તમામ સમાચાર જાણવા માટે જોડાયેલા રહો…
