IPL 2026 : જાણો સતત બે IPL ટાઇટલ જીતવાનો રેકોર્ડ કોના નામે છે

આઈપીએલની ફાઈનલ ક્રિકેટ ચાહકો માટે કોઈ મોટી ઈવેન્ટથી ઓછી નછી. આઈપીએલ 2026માં એકબાજુ ગુજરાત ટાઈટન્સની ટીમ છે. તો બીજી બાજુ રોયલ ચેલેન્જર્સ બેંગ્લુરુંની ટીમ ચેમ્પિયન બનવાના સપના સાથે મેદાનમાં ઉતરશે. બીજી બાજુ રજત પાટીદારની રોયલ ચેલેન્જર્સ બેંગ્લુરુ સતત બીજી વખત ટ્રોફી જીતી ઈતિહાસ રચવાનો પ્રયત્ન કરશે. પરંતુ સવાલ એ થાય છે કે, આઈપીએલમાં પહેલા કોઈ ટીમે શું સતત 2 સીઝનમાં ખિતાબ જીત્યો છે. તો ચાલો જાણીએ.

આઈપીએલ 2026ની ફાઈનલ રવિવારે 31મેના રોજ અમદાવાદના નરેન્દ્ર મોદી સ્ટેડિયમમાં સાંજે 7 30 કલાકે રમાશે. ટોસ 7 કલાકે થશે. રોયલ ચેલેન્જર્સ બેંગ્લોરે ક્વોલિફાયર-1માં ગુજરાત ટાઈટન્સને હરાવી ફાઈનલમાં સ્થાન બનાવ્યું છે. ટીમ લીગ સ્ટેજમાં પોઈન્ટ ટેબલમાં ટોપ પર રહી અને પ્લેઓફમાં ક્વોલિફાય કરનારી પહેલી ટીમ બની હતી. જો આરસીબી ફાઈનલ જીતી જાય છે તો તે સતતત 2 વખત આઈપીએલનો ખિતાબ જીતી ઈતિહાસમાં ત્રીજી ટીમ બની જશે.

IPLમાં કઈ ટીમે સતત 2 ખિતાબ જીત્યા?

આઈપીએલની 19 વર્ષના ઈતિહાસમાં અત્યારસુધી માત્ર 2 ટીમો જ સતત 2 સીઝનમાં ચેમ્પિયન બની શકી છે. જેમાં આઈપીએલની 2 સૌથી સફળ ટીમ ચેન્નાઈ સુપર કિંગ્સ અને મુંબઈ ઈન્ડિયન્સ સામેલ છે. મહેન્દ્ર સિંહ ધોનીની કેપ્ટનશીપમાં ચેન્નાઈ સુપર કિંગ્સે સૌથી પહેલા સતત 2 આઈપીએલ ટ્રોફી જીતવાનો રેકોર્ડ બનાવ્યો હતો.

ચેન્નાઈ સુપર કિંગ્સે 2010ની ફાઈનલમાં મુંબઈ ઈન્ડિયન્સને હરાવી પોતાનો પહેલો ખિતાબ જીત્યો હતો. ત્યારબાદ 2011માં રોયલ ચેલેન્જર્સ બેંગ્લુરુંને હરાવી સતત બીજી વખત ચેમ્પિયન બની હતી. સીએસકે 2019માં પણ ખિતાબની નજીક પહોંચી હતી પરંતુ ફાઈનલમાં મુંબઈ ઈન્ડિયન્સ વિરુદ્ધ માત્ર એક રનથી હારી ગઈ હતી. મુંબઈ ઈન્ડિયન્સ આઈપીએલમાં સતત 2 ખિતાબ જીતનારી બીજી ટીમ છે. રોહિત શર્માની કેપ્ટનશીપમાં મુંબઈએ 2019માં ચોથી વખત ટ્રોફી જીતી અને 2020માં દિલ્હી કેપિટ્લસને હરાવી ફાઈનલમાં પોતાનો પાંચમો ખિતાબ જીત્યો હતો.

ગુજરાત ટાઈટન્સ 2022માં પોતાનું ડેબ્યુ સીઝનમાં જ આઈપીએલ ટ્રોફી જીતી ઈતિહાસ રચ્યો હતો. 2023માં ટીમ સતત બીજી વખત ચેમ્પિયન બનવાને નજીક પહોંચી હતી પરંતુ ફાઈનલમાં છેલ્લા બોલ પર ચેન્નાઈ સુપર કિંગ્સ સામે હારી હતી. હવે 3 વર્ષ પછી ગુજરાત ત્રીજી વખત ફાઈનલમાં પહોંચી છે. તેની પાસે બીજો આઈપીએલ ખિતાબ જીતવાની તક છે. અમદાવાદમાં રમાનારી આ મેચ આઈપીએલ ફાઈનલ નહી પરંતુ ઈતિહાસ રચવાની પણ તક છે. એકબાજુ આરસીબી સતત બીજી વખત ટ્રોફી જીતી સીએસકે અને મુંબઈના ખાસ ક્લબમાં સામેલ થવા માંગશે. જ્યારે ગુજરાત ટાઈટન્સ બીજી વખત ચેમ્પિયન બનવા માંગશે.

Breaking News : વિરાટ કોહલી કે શુભમન ગિલ એકબીજા વિરુદ્ધ કોને રેકોર્ડ શાનદાર જાણો અહી ક્લિક કરો