Breaking News : IPLમાં 7 કરોડ કમાનારા ખેલાડીએ બંગાળની ચૂંટણી જીતી
Bengal Election : બંગાળ વિધાનસભાની ચૂંટણીના પરિણામ 4 મેના રોજ આવી ગયા છે. જેમાં ભાજપે શાનદાર જીત નોંધાવી છે. ભાજપ માટે એક સીટ બંગાળની ચૂંટણીમાં એ ખેલાડીએ જીતી હતી. જેમણે આઈપીએલમાં 7 કરોડથી વધુની કમાણી કરી હતી. તો ચાલો જાણીએ આ ખેલાડી કોણ છે.
આઈપીએલે અનેક ખેલાડીઓને કરોડપતિ બનાવ્યા છે. તેમાંથી એક નામ એ ભારતીય ક્રિકેટરનું સામેલ છે. જેમણે હવે રાજનીતિની પીચ પર ડંકો વગાડ્યો છે. બંગાળની ચૂંટણીમાં જીત મેળવી છે. ભારતના પૂર્વ ક્રિકેટર અને ફાસ્ટ બોલર રહી ચૂકેલા અશોક ડિંડાની. ક્રિકેટ રમતી વખતે ડિંડાએ પોતાની બોલિંગની સાથે બોલિંગ એક્શનને લઈને પણ ચર્ચામાં રહ્યો હતો. પરંતુ હવે રાજનીતિની પીચ પર તે ભારતીય ક્રિકેટ ટીમને નહી પરંતુ ભારતીય જનતા પાર્ટીનો મહત્વનો ખેલાડી બન્યો છે.
બંગાળની ચૂંટણીમાં અશોક ડિંડાને કઈ સીટ પર જીત મળી?
4મેના રોજ બંગાળ વિધાનસભાની 293 સીટના પરિણામ જાહેર થયા છે. જેમાં ભારતીય જનતા પાર્ટીએ શાનદાર જીત મેળવી છે. ભાજપે 206 સીટ પર કબજો જમાવ્યો છે. જેમાંથી એક સીટ એ ભારતીય ક્રિકેટર અશોક ડિંડાના નામે રહી છે. આઈપીએલ કરિયરમાં 7 કરોડથી વધુની કમાણી કરનાર અશોક ડિંડાએ પશ્ચિમ બંગાળની મોયના સીટ પરથી 16241 મતથી જીત મેળવી છે. આ સતત બીજી વખત છે. જ્યારે અશોક ડિંડાએ બંગાળની આ સીટથી જીત મેળવી છે.
અશોક ડિંડાએ IPLમાંથી 7.63 કરોડ રૂપિયા કેવી રીતે કમાયા?
અશોક ડિંડાએ 2008 થી 2017 વચ્ચે 5 ટીમમાંથી આઈપીએલ રમી છે. 9 વર્ષના પોતાના કરિયરમાં તેમણે આ ભારતીય ટી20 લીગમાંથી કુલ 7.63 કરોડ રુપિયાની કમાણી કરી હતી. જે 5 ટીમોથી મળનારી સેલેરી છે. ડિંડાની છેલ્લી આઈપીએલ સેલેરી 50 લાખ રુપિયા હતી. જે આઈપીએલ 2017માં રાઈઝિંગ પુણે સુપર જાયન્ટસે રમવા માટે આપી હતી. તેની સૌથી વધારે સેલેરી આઈપીએલ 2012માં હતી. જે પુણે વોરિયર્સ ઈન્ડિયાનો ભાગ હતો. આઈપીએલ 2018ના ઓક્શનમાં અશોક ડિંડા અનસોલ્ડ રહ્યો હતો. તેમજ તેની સાથે આઈપીએલ કરિયરનો પણ અંત આવ્યો હતો. અશોક ડિંડાએ 2021માં પોતાના ક્રિકેટ કરિયરને અલવિદા કહ્યું હતુ.
અશોક ડિંડાએ આઈપીએલ અને ટીમ ઈન્ડિયા માટે પ્રદર્શન
અશોક ડિંડા ભારતીય જનતા પાર્ટી માટે કમાલ કરતા પહેલા ભારતીય ક્રિકેટ ટીમ માટે જલવો દેખાડ્યો હતો. તેમણે ભારત માટે 21 ઈન્ટરનેશલ મેચ રમી છે. જેમાં 29 વિકેટ પોતાને નામ કરી છે. આઈપીએલ 2008 થી 2017 વચ્ચે તેમણે 5 ટીમોમાંથી 78 મેચ રમી હતી. જેમાં 69 વિકેટ પોતાને નામ કરી છે. અશોક ડિંડાએ કોલકત્તા નાઈટ રાઈડર્સમાંથી આઈપીએલ ડેબ્યુ કર્યું હતુ અને દિલ્હી કેપિટલ્સ, પુણે વોરિયર્સ, આરસીબી અને રાઈઝિંગ પુને સુપર જાયન્ટસ માટે રમ્યો હતો. આઈપીએલમાં તે પાવરપ્લે અને ડેથ ઓવર્સનો શાનદાર બોલર હતો. આઈપીએલમાં તેની ઈકોનમી 8.20 હતી.
