Breaking News: કાવ્યા મારનના પિતાની કંપનીએ CSK સામે કેસ દાખલ કર્યો, ધોનીની ટીમની આ હરકત બાદ કરી કાર્યવાહી
સનરાઇઝર્સ હૈદરાબાદની માલિકીની કંપની સન ટીવી નેટવર્કે મદ્રાસ હાઇકોર્ટમાં ચેન્નાઈ સુપર કિંગ્સ વિરુદ્ધ કેસ દાખલ કર્યો છે. CSK ની સોશિયલ મીડિયા પોસ્ટ પર દાખલ કરાયેલા આ કેસની સુનાવણી શુક્રવારે થવાની છે. IPL 2026 શરુ થતા પહેલા જ વિવાદ શરુ થઈ ગયો છે.
IPL 2026 સિઝન હજુ શરૂ પણ નથી થઈ, અને વિવાદો પણ શરૂ થઈ ગયા છે. આ વખતે, સનરાઈઝર્સ ફ્રેન્ચાઈઝી વિવાદના કેન્દ્રમાં છે. કાવ્યા મારનની ફ્રેન્ચાઈઝી સનરાઈઝર્સ, બે અલગ અલગ કારણોસર હેડલાઇન્સમાં છે,
સનરાઈઝર્સ ફ્રેન્ચાઈઝી હેડલાઇન્સમાં
પહેલું કારણ- ઈંગ્લિશ લીગમાં પાકિસ્તાની ખેલાડીની ખરીદી છે. મારનની ટીમ, સનરાઈઝર્સ લીડ્સે, ધ હંડ્રેડ હરાજીમાં પાકિસ્તાની સ્પિનર અબરાર અહેમદને ટીમમાં સામેલ કર્યો, જેના કારણે વિવાદ થયો. બીજું કારણ- કાવ્યા મારનના પિતાની કંપની, સન ટીવી નેટવર્કે, IPLની સૌથી સફળ ફ્રેન્ચાઈઝી ચેન્નાઈ સુપર કિંગ્સ સામે દાવો દાખલ કર્યો છે.
સન ટીવીએ CSK સામે કેસ કેમ દાખલ કર્યો?
IPL અને વિશ્વભરની અન્ય લીગમાં સનરાઇઝર્સ ફ્રેન્ચાઇઝની માલિકી ધરાવતી કંપની સન ટીવી નેટવર્કે મદ્રાસ હાઇકોર્ટમાં ચેન્નાઈ સુપર કિંગ્સ સામે સિવિલ દાવો દાખલ કર્યો છે . આ દાવો CSK ના કેટલાક પ્રમોશનમાંથી ઉદ્ભવ્યો છે જેમાં ફ્રેન્ચાઇઝની મીડિયા ટીમે જેલર, જેલર 2 અને કુલી જેવી લોકપ્રિય રજનીકાંતની ફિલ્મોના ગીતોનો ઉપયોગ કર્યો હતો. CSK સામાન્ય રીતે તેના ખેલાડીઓને સ્થાનિક ચાહકો સાથે જોડાવા માટે તમિલ ફિલ્મ સંગીતનો ઉપયોગ કરે છે.
CSK એ કોપીરાઈટનું ઉલ્લંઘન કર્યું
હવે પ્રશ્ન એ છે કે સન ટીવીએ આનો વિરોધ કેમ કર્યો છે? હકીકતમાં, જેલર, જેલર 2 અને કુલી જેવી ફિલ્મોનું નિર્માણ સન ટીવી નેટવર્ક કંપની સન પિક્ચર્સ દ્વારા કરવામાં આવ્યું હતું. પરિણામે, સન પિક્ચર્સ ફિલ્મ અને તેના ગીતોનો કોપીરાઈટ ધરાવે છે. સન ટીવી નેટવર્કનો આરોપ છે કે CSK એ પરવાનગી વિના તેનો ઉપયોગ કરીને તેના કોપીરાઈટનું ઉલ્લંઘન કર્યું છે, અને તેથી, ફ્રેન્ચાઇઝી સામે કેસ દાખલ કરવામાં આવ્યો છે અને આવા ઉપયોગને રોકવા માટે અપીલ કરવામાં આવી છે. શુક્રવાર, 13 માર્ચે કોર્ટમાં સુનાવણી થશે.
પાકિસ્તાની ને ખરીદ્યા બાદ સનરાઇઝર્સ વિવાદમાં
અગાઉ, સન ટીવીની ફ્રેન્ચાઇઝ સનરાઇઝર્સ લંડન ધ હંડ્રેડ હરાજીમાં પાકિસ્તાની સ્પિનર અબરાર અહેમદને ખરીદીને વિવાદમાં ફસાઈ ગઈ છે. ફ્રેન્ચાઇઝીએ £190,000 એટલે ₹2.3 કરોડની બોલી લગાવી હતી, અને અબરાર અહેમદ ધ હંડ્રેડમાં ભારતીય માલિકીની ફ્રેન્ચાઇઝ દ્વારા બોલી લગાવવામાં આવેલ પ્રથમ પાકિસ્તાની ખેલાડી બન્યો હતો. આનાથી સોશિયલ મીડિયા પર ભારતીય ચાહકો ગુસ્સે થયા હતા, ફેન્સે ફ્રેન્ચાઇઝીની નિંદા કરી હતી અને IPLમાં SRH ના બહિષ્કાર કરવાની માંગ કરી છે.
