Breaking News : રિંકુ સિંહે પિતાને અંતિમ વિદાય આપી, મોટા ભાઈએ કર્યા અંતિમ સંસ્કાર

ભારતીય ક્રિકેટર રિંકુ સિંહના પિતા ખાનચંદ સિંહનું 27 ફેબ્રુઆરીની વહેલી સવારે ગ્રેટર નોઈડામાં અવસાન થયું હતું. તેઓ લાંબા સમયથી લીવર કેન્સર સામે લડી રહ્યા હતા. પિતાના નિધનના સમાચાર મળતા જ રિંકુ સિંહ ટીમ ઈન્ડિયાને છોડીને અલીગઢ પહોંચ્યો અને પરિવાર સાથે અંતિમવિધિમાં હાજર રહી પિતાને ભાવુક વિદાય આપી.

રિંકુ સિંહના પિતાનું નિધન

ભારતીય ક્રિકેટ જગતના યુવા સ્ટાર ખેલાડી રિંકુ સિંહ પર દુઃખનું વાદળ છવાઈ ગયું છે. તેના પિતા ખાનચંદ સિંહે 27 ફેબ્રુઆરીના રોજ સવારે આશરે 5 વાગ્યે ગ્રેટર નોઈડાની યથાર્થ હોસ્પિટલમાં અંતિમ શ્વાસ લીધા હતા. તેઓ છેલ્લા કેટલાક સમયથી લીવર કેન્સરની ગંભીર બીમારીથી પીડાતા હતા અને સારવાર હેઠળ હતા.

લીવર કેન્સરની ગંભીર બીમારીથી પીડાતા હતા

હોસ્પિટલમાં દાખલ થયા બાદ શરૂઆતમાં તેમની તબિયતમાં થોડો સુધારો જોવા મળ્યો હતો. પરિવારજનોમાં આશાની કિરણ જાગી હતી, પરંતુ અચાનક તેમની સ્થિતિ ફરી ગંભીર બની ગઈ. 27 ફેબ્રુઆરીની વહેલી સવારે તેમના અવસાનના સમાચાર મળતાં જ પરિવારજનો સહિત નજીકના સગા-સંબંધીઓ અને રિંકુ સિંહના ફેન્સમાં શોકની લાગણી છવાઈ ગઈ હતી.

અંતિમયાત્રા મોટી સંખ્યામાં લોકો હાજર રહ્યા

ખાનચંદ સિંહનું પાર્થિવ શરીર ગ્રેટર નોઈડાથી તેમના વતન અલીગઢ લાવવામાં આવ્યું હતું, જ્યાં મોટી સંખ્યામાં લોકો અંતિમ દર્શન માટે ઉમટી પડ્યા હતા. સ્થાનિક લોકો અને રિંકુ સિંહના ફેન્સ પણ મોટી સંખ્યામાં હાજર રહ્યા હતા. અંતિમયાત્રા દરમિયાન શોકમય માહોલ વચ્ચે સૌએ ખાનચંદ સિંહને શ્રદ્ધાંજલિ અર્પી હતી.

પિતાના અંતિમ દર્શન કર્યા

તે સમયે રિંકુ સિંહ ચેન્નાઈમાં ટીમ ઈન્ડિયા સાથે વ્યસ્ત હતો. પિતાના અવસાનના સમાચાર મળતા જ તેણે તરત જ અલીગઢ જવાનો નિર્ણય લીધો. પરિવાર પ્રત્યેની લાગણી અને જવાબદારીને પ્રાથમિકતા આપતા તે સીધો ઘરે પહોંચ્યો અને પિતાના અંતિમ દર્શન કર્યા.

મોટા ભાઈ સોનુ સિંહે પિતાને અગ્નિદાહ આપ્યો

અંતિમવિધિ દરમિયાન રિંકુ ભાવુક થયો હતો. તેણે પિતાના પાર્થિવ દેહને ખભા પર ઉપાડી અંતિમ યાત્રામાં ભાગ લીધો હતો. તેના મોટા ભાઈ સોનુ સિંહે પરંપરા મુજબ પિતાને અગ્નિદાહ આપ્યો હતો. આ ક્ષણે પરિવારજનો અને હાજર લોકોની આંખો ભીની થઈ ગઈ હતી.

ઝીમ્બાબ્વે સામેની મેચમાં ફરી ટીમ સાથે જોડાયો

ઉલ્લેખનીય છે કે રિંકુ સિંહ અગાઉ પણ પિતાની બગડતી તબિયતને કારણે ચેન્નાઈથી નોઈડા ગયો હતો. ત્યારબાદ તે ફરી ટીમ સાથે જોડાયો હતો. 26 ફેબ્રુઆરીએ ઝિમ્બાબ્વે સામેની સુપર 8 મેચમાં તેને ટીમમાં તક ના મળી. હવે આ મુશ્કેલ સમયમાં પરિવાર સાથે રહી તે પરિવાર સાથે સમય વિતાવી રહ્યો છે.

T20 WC Breaking : અર્શદીપ સિંહે ઇતિહાસ રચ્યો, જસપ્રીત બુમરાહને પાછળ છોડી બન્યો નંબર 1