Breaking News: વૈભવ સૂર્યવંશી જેવું બનવું મૂર્ખામી છે… RCB સ્ટાર ખેલાડીએ આવું કેમ કહ્યું?

વૈભવ સૂર્યવંશીએ IPL 2026 માં અસાધારણ રીતે સારું પ્રદર્શન કર્યું છે, અને દુનિયા તેની પ્રતિભાની પ્રશંસા કરી રહી છે. દરમિયાન, RCB બેટ્સમેન દેવદત્ત પડિકલે કહ્યું છે કે કોઈપણ બેટ્સમેને સૂર્યવંશીની નકલ ન કરવી જોઈએ.

Vaibhav SuryavanshiImage Credit source: X

Smit Chauhan | Updated on: May 22, 2026 | 5:42 PM

વૈભવ સૂર્યવંશીએ IPL 2026 માં પોતાની વિસ્ફોટક બેટિંગથી બધાના દિલ જીતી લીધા છે. આ ખેલાડીએ ટુર્નામેન્ટમાં સૌથી વધુ 53 છગ્ગા ફટકાર્યા છે. આ દરમિયાન, RCB બેટ્સમેન દેવદત્ત પડિકલે સૂર્યવંશી પર એક મહત્વપૂર્ણ ટિપ્પણી કરી છે, જેમાં કહ્યું છે કે તેનું અનુકરણ કરવું મૂર્ખામી હશે. Jio Hotstar સાથેની એક વાતચીતમાં પડિકલે સૂર્યવંશીને એક અદ્ભુત ખેલાડી ગણાવ્યો અને અન્ય ક્રિકેટરોને ચેતવણી આપી કે તેનું અનુકરણ કરવાનો પ્રયાસ કરવો ખોટું હશે, કારણ કે સૂર્યવંશી એક અલગ કેલિબરનો ખેલાડી છે.

પડિકલે વૈભવ સૂર્યવંશી વિશે શું કહ્યું?

દેવદત્ત પડિકલે વૈભવ સૂર્યવંશી વિશે એક મોટું નિવેદન આપતા કહ્યું, “વૈભવ સૂર્યવંશી જે કરી રહ્યો છે તે ખરેખર અનોખું છે. આ ઉંમરે આટલી શક્તિ અને વિસ્ફોટકતા હોવી એ કંઈક ખાસ છે. તેની નકલ કરવી મૂર્ખામી હશે. તે એક એવી પ્રતિભા છે જે દરેક જગ્યાએ જોવા મળતી નથી.”

Devdutt Padikkal praises fellow left-hander and youngster Vaibhav Sooryavanshi for his unreal batting at just 15 years of age! ❤️#IPL2026 #RCB #RR #Sportskeeda pic.twitter.com/BEqgDHjM0k

— Sportskeeda (@Sportskeeda) May 22, 2026

સૂર્યવંશીએ IPLમાં બેટથી આગ લગાવી

વૈભવ સૂર્યવંશી પોતાના બેટથી IPLમાં ધમાલ મચાવી રહ્યો છે. તેણે 13 મેચોમાં 44.53 ની સરેરાશથી 579 રન બનાવ્યા છે અને તેનો સ્ટ્રાઇક રેટ 236 થી વધુ છે. સૂર્યવંશીએ એક સદી અને ત્રણ અડધી સદી ફટકારી છે. સૂર્યવંશીએ આ સિઝનમાં 53 છગ્ગા અને 50 ચોગ્ગા ફટકાર્યા છે. સૂર્યવંશી ઓરેન્જ કેપની રેસમાં પણ સામેલ છે. જોકે, વૈભવ સૂર્યવંશીનું હાલમાં મુખ્ય લક્ષ્ય રાજસ્થાન રોયલ્સને પ્લેઓફમાં પહોંચવામાં મદદ કરવાનું છે, જેના માટે ટીમે કોઈપણ કિંમતે તેની છેલ્લી લીગ મેચ જીતવી પડશે.

રાજસ્થાન રોયલ્સ માટે કરો યા મરોનો મુકાબલો

રાજસ્થાન રોયલ્સ માટે આગામી મેચ કરો યા મરો જેવી છે. તેઓ 24 મેના રોજ વાનખેડે સ્ટેડિયમમાં મુંબઈ ઈન્ડિયન્સ સામે ટકરાશે. આ બંને ટીમો વચ્ચેની પાછલી મેચ 7 એપ્રિલના રોજ રમાઈ હતી, જેમાં રાજસ્થાન રોયલ્સે 27 રનથી જીત મેળવી હતી. 11-11 ઓવર આ મેચમાં રાજસ્થાને પ્રથમ બેટિંગ કરતા 150 રન બનાવ્યા હતા. જવાબમાં મુંબઈ ફક્ત 123 રન જ બનાવી શક્યું હતું. આ મેચમાં વૈભવ સૂર્યવંશીએ 14 મેચમાં 39 અને યશસ્વી જયસ્વાલે સૌથી વધુ અણનમ 77 રન બનાવ્યા હતા.