Breaking News: 6 ફૂટ 8 ઈંચના બોલરે 15 વર્ષના વૈભવ સૂર્યવંશીને ક્લીન બોલ્ડ કર્યા બાદ ગુમાવ્યો હોશ, કરી આક્રમક ઉજવણી, Viral video

IPL 2026 માં શાનદાર પ્રદર્શન કરી રહેલા વૈભવ સૂર્યવંશીએ દિલ્હી કેપિટલ્સ સામે સારું પ્રદર્શન કર્યું ન હતું. કાયલ જેમીસનના શાનદાર બોલ પર આ ડાબા હાથના બેટ્સમેનને હાર માની લેવી પડી હતી. સૂર્યવંશીએ દિલ્હી સામેના તેના પહેલા જ બોલ પર શાનદાર ફોર ફટકારી હતી, પરંતુ જેમીસને બીજા જ બોલ પર શાનદાર વાપસી કરી હતી.

પહેલા ચોગ્ગો, પછી વિકેટ

જેમીસને એક પરફેક્ટ યોર્કર ફેંક્યો જે વૈભવ સૂર્યવંશીના બેટ અને પેડ વચ્ચે ગયો. વૈભવ સૂર્યવંશી આ શાનદાર યોર્કર બોલને રમી શક્યો નહીં અને ક્લીન બોલ્ડ થયો. રસપ્રદ વાત એ છે કે 15 વર્ષના વૈભવ સૂર્યવંશીને આઉટ કરતા જ 6 ફૂટ 8 ઈંચના ન્યુઝીલેન્ડના ફાસ્ટ બોલર જેમીસને જે આક્રમક રીતે ઉજવણી કરી તેનો વીડિયો સોશિયલ મીડિયામ ખૂબ વાયરલ થયો હતો.

વૈભવ ક્લીન બોલ્ડ, જેમિસનની આક્રમક ઉજવણી

જેમિસને વૈભવ સૂર્યવંશીને આઉટ કરતા જ આક્રમક રીતે ઉજવણી કરી. જેમિસને તેની આંખોમાં જોયું અને ઘણી વાર સુધી તાળીઓ પાડી. આ દરમિયાન સૂર્યવંશી ખૂબ જ નિરાશ દેખાતો હતો. જોકે, માત્ર જેમિસન જ નહીં, પરંતુ સમગ્ર દિલ્હી કેમ્પ આક્રમક રીતે ઉજવણી કરતું જોવા મળ્યું હતું. તેનું કારણ સૂર્યવંશીનું શાનદાર ફોર્મ છે.

વૈભવ ફક્ત 4 રન બનાવી થયો આઉટ

હકીકતમાં, આ ખેલાડી મેદાનમાં આવતાની સાથે જ આક્રમક ક્રિકેટ રમે છે, જેના કારણે વિરોધી ટીમોને ઘણું નુકસાન થાય છે, પરંતુ દિલ્હી સામે આવું બન્યું નહીં. નોંધનીય છે કે આ મેચમાં સૂર્યવંશીને 100 T20 છગ્ગા ફટકારવાની તક મળી હતી. તેણે અત્યાર સુધીમાં 99 છગ્ગા ફટકાર્યા છે.

રાજસ્થાન રોયલ્સની ખરાબ શરૂઆત

દિલ્હી સામે રાજસ્થાન રોયલ્સની શરૂઆત ખરાબ રહી હતી. રાજસ્થાને પહેલી જ ઓવરમાં યશસ્વી જયસ્વાલની વિકેટ ગુમાવી દીધી. યશસ્વીએ સ્ટાર્કના પહેલા જ બોલ પર સિક્સર ફટકારી પરંતુ ત્રીજા બોલ પર તે આઉટ થઈ ગયો. તેણે સ્ટાર્કના ફુલ-ટોસ બોલને હવામાં ફટકાર્યો અને બોલરે પોતાની જ બોલિંગમાં કેચ પકડી યશસ્વીને આઉટ કર્યો. જે બાદ વૈભવ પણ એક ચોગ્ગો ફટકાર્યા બાદ આઉટ થયો. જોકે, રાજસ્થાનની ઈનિંગને કેપ્ટન રિયાન પરાગ અને વિકેટકીપર ધ્રુવ જુરેલે સંભાળી લીધી.

Breaking News: કેનેડાની ટીમનો હેડ કોચ બન્યો આ ભારતીય દિગ્ગજ, 20 વર્ષથી વધુનો કોચિંગનો અનુભવ