
IPL 2026 ની 19 મી સિઝનની સૌપ્રથમ મેચમાં ડીફેન્ડીંગ ચેમ્પિયન રોયલ ચેલેન્જર્સ બેંગલુરુ અને સનરાઈઝર્સ હૈદરાબાદની ટક્કર થઇ રહી છે. મેચ પહેલા બંને ટીમના કેપ્ટનો વચ્ચે ટોસ થયો હતો, જેમાં RCBએ ટોસ જીતી બોલિંગ પસંદ કરી, એટલે કે SRH આ મેચમાં પહેલા બેટિંગ કરશે.
ટોસ જીત્યા બાદ RCB કેપ્ટન રજત પાટીદારે પહેલા બોલિંગ કરવાનો નિર્યણ લીધો હતો. પાટીદારે કહ્યું કે ગયા વર્ષથી ઘણી બધી સકારાત્મક બાબતો છે, પરંતુ આ સિઝનમાં અમે ડિફેન્ડ નથી કરી રહ્યા, અમે 2026 માં ફરીથી ચેમ્પિયન બનવાનો પ્રયાસ કરીશું. મને લાગે છે કે ટીમમાં ઘણા સારા ખેલાડીઓ છે અને દરેક પોઝિશન માટે અમારી પાસે યોગ્ય બેકઅપ છે. અમે અમારી જર્સી પર બીજો સ્ટાર મૂકવાનો શ્રેષ્ઠ પ્રયાસ કરીશું. બે નવા ચહેરા છે – જેકબ ડફી અને અભિનંદન સિંહ જે તેમની પહેલી મેચ રમવા જઈ રહ્યા છે.
પોતાની પહેલી IPL મેચમાં કપ્તાની કરી રહેલા ઈશાન કિશને ટોસ હાર્યા બાદ કહ્યું કે સારું લાગે છે કારણ કે આ અમારી પહેલી મેચ છે. ટોસ જીત્યા પછી અમે પહેલા બોલિંગ કરી હોત, પરંતુ તે એક નવી વિકેટ જેવું લાગે છે. દિવસના અંતે, તમે પહેલા બેટિંગ કરી રહ્યા છો કે પહેલા બોલિંગ કરી રહ્યા છો તેનાથી કોઈ ફરક પડતો નથી, તમારે કંઈક નવું કરવાની જરૂર નથી. આપણે આપણી યોજનાઓનો અમલ કરવાની જરૂર છે. બધા ખેલાડીઓ સારા ટચમાં છે.
પેટ કમિન્સ ટીમમાં અને IPLમાં પણ શ્રેષ્ઠ બોલરોમાંનો એક છે. તેનાં ટીમમાં ના હોવાથી મોટો ફરક પડે છે. પરંતુ મને લાગે છે કે બધા ખેલાડીઓ સારા ફોર્મમાં છે, અને અમારે ફક્ત અમારી પ્લાનિંગ પર ફોકસ કરવાની જરૂર છે અને અમે મેચ જીતી જઈશું.
અભિષેક શર્મા, ટ્રેવિસ હેડ, ઈશાન કિશન (કેપ્ટન/વિકેટકિપર), હેનરિક ક્લાસેન, અનિકેત વર્મા, નીતિશ કુમાર રેડ્ડી, સલિલ અરોરા, હર્ષ દુબે, હર્ષલ પટેલ, જયદેવ ઉનડકટ, ઈશાન મલિંગા.
વિરાટ કોહલી, ફિલિપ સોલ્ટ, રજત પાટીદાર (કેપ્ટન), જીતેશ શર્મા (વિકેટકિપર), ટિમ ડેવિડ, રોમારિયો શેફર્ડ, કૃણાલ પંડ્યા, ભુવનેશ્વર કુમાર, અભિનંદન સિંહ, જેકબ ડફી, સુયશ શર્મા.
Published On - 7:03 pm, Sat, 28 March 26