Breaking News: IPL 2026ની પહેલી મેચમાં 3 ખેલાડીઓનું ડેબ્યૂ, આ સ્ટાર્સને પ્લેઈંગ 11માં નહીં મળ્યું સ્થાન
IPL 2026, RCB vs SRH: IPL ની 19મી સિઝન શરૂ થઈ ગઈ છે. સિઝનની પહેલી મેચ રોયલ ચેલેન્જર્સ બેંગલુરુ અને સનરાઇઝર્સ હૈદરાબાદ વચ્ચે રમાઈ રહી છે. આ મેચમાં કુલ ત્રણ ખેલાડીઓ ડેબ્યૂ કર્યું છે. રોયલ ચેલેન્જર્સ બેંગલુરુએ બે યુવા ખેલાડીઓને મેચમાં તક આપી છે જ્યારે સનરાઇઝર્સ હૈદરાબાદ તરફથી એક ખેલાડી પહેલી IPL મેચ રમી રહ્યો છે.
IPL 2026 ની શરૂઆત થઈ ગઈ છે. ટુર્નામેન્ટની પહેલી મેચ આજે રોયલ ચેલેન્જર્સ બેંગલુરુ (RCB) અને સનરાઇઝર્સ હૈદરાબાદ (SRH) વચ્ચે રમાઈ રહી છે. આ મેચ બેંગલુરુના એમ. ચિન્નાસ્વામી સ્ટેડિયમ ખાતે રમાઈ રહી છે, જ્યાં RCB ઘરઆંગણે ડિફેન્ડિંગ ચેમ્પિયન તરીકે પોતાની તાકાત દર્શાવવાનો પ્રયાસ કરશે. RCB એ ટોસ જીતીને પહેલા બોલિંગ કરવાનો નિર્ણય લીધો. બંને ટીમોએ મજબૂત પ્લેઇંગ ઇલેવન મેદાનમાં ઉતાર્યા, જેમાં યુવા પ્રતિભાઓ દર્શાવતી લાઇનઅપનો સમાવેશ થાય છે.
ત્રણ ખેલાડીઓનું IPL ડેબ્યૂ
આ મેચમાં ત્રણ નવા ખેલાડીઓએ IPLમાં પ્રવેશ કર્યો હતો. સલિલ અરોરાએ સનરાઇઝર્સ હૈદરાબાદ માટે પોતાનું ડેબ્યૂ કર્યું હતું. આ યુવા વિકેટકીપર-બેટ્સમેન તાજેતરમાં ઘરેલુ ક્રિકેટમાં ઉત્તમ ફોર્મમાં છે અને ટીમના મિડલ ઓર્ડરને અંતિમ સ્પર્શ આપશે તેવી અપેક્ષા છે.
RCB માટે બે યુવાઓએ કર્યું ડેબ્યૂ
બીજી તરફ, અભિનંદન સિંહ અને જેકબ ડફી આરસીબી માટે ડેબ્યૂ કરી રહ્યા છે. અભિનંદન સિંહ એક યુવા ભારતીય ફાસ્ટ બોલર છે, જ્યારે ન્યુઝીલેન્ડના અનુભવી ફાસ્ટ બોલર જેકબ ડફી પાવરપ્લેમાં વિકેટ લેવાની ક્ષમતા ધરાવે છે. RCBને તેમની ડેબ્યૂ મેચમાં આ બંને ખેલાડીઓ પાસેથી સારા પ્રદર્શનની આશા રહેશે.
સનરાઈઝર્સ હૈદરાબાદ પ્લેઈંગ ઈલેવન
અભિષેક શર્મા, ટ્રેવિસ હેડ, ઈશાન કિશન (વિકેટકીપર/કેપ્ટન), હેનરિક ક્લાસેન, અનિકેત વર્મા, નીતિશ કુમાર રેડ્ડી, સલિલ અરોરા, હર્ષ દુબે, હર્ષલ પટેલ, જયદેવ ઉનડકટ, ઈશાન મલિંગા.
રોયલ ચેલેન્જર્સ બેંગલુરુ પ્લેઈંગ ઈલેવન
વિરાટ કોહલી, ફિલિપ સોલ્ટ, રજત પાટીદાર (કેપ્ટન), જીતેશ શર્મા (વિકેટકીપર), ટિમ ડેવિડ, રોમારિયો શેફર્ડ, કૃણાલ પંડ્યા, ભુવનેશ્વર કુમાર, અભિનંદન સિંહ, જેકબ ડફી, સુયશ શર્મા.
