Breaking News: બેંગલુરુમાં ચાલ્યો કોહલીનો જાદુ, 205 રન બનાવવા છતાં હાર્યું ગુજરાત
ગુજરાત ટાઇટન્સે પ્રથમ બેટિંગ કરીને 205 રન બનાવ્યા, પરંતુ તેમ છતાં RCB એ સરળતાથી લક્ષ્યનો પીછો કર્યો. RCB ની જીતમાં વિરાટ કોહલી અને પડિકલે શાનદાર અડધી સદી ફટકારી.
IPL 2026 ની 34મી મેચમાં રોયલ ચેલેન્જર્સ બેંગલુરુએ ગુજરાત ટાઇટન્સને 5 વિકેટથી હરાવ્યું. પહેલા બેટિંગ કરતા, ટાઇટન્સને 205 રન બનાવ્યા, પરંતુ RCB એ વિરાટ કોહલી અને દેવદત્ત પડિકલની શાનદાર અડધી સદીને મદદથી આ લક્ષ્ય હાંસલ કર્યું. બેંગ્લોર તરફથી વિરાટ કોહલીએ સૌથી વધુ 81 રન બનાવ્યા. તેણે 44 બોલનો સામનો કર્યો અને 4 છગ્ગા અને 8 ચોગ્ગા ફટકાર્યા. દેવદત્ત પડિકલે 27 બોલમાં 55 રન બનાવ્યા. આ જીત સાથે, RCB પોઈન્ટ ટેબલમાં 10 પોઈન્ટ સાથે રાજસ્થાન રોયલ્સને પાછળ છોડીને બીજા સ્થાને પહોંચી ગયું છે.
વિરાટ-પડિક્કલની આક્રમક બેટિંગ
206 રનના લક્ષ્યનો પીછો કરવા ઉતરેલી બેંગ્લોરની શરૂઆત ખરાબ રહી. સિઝનની પોતાની પહેલી મેચ રમી રહેલા જેકબ બેથેલને સિરાજે 14 રન બનાવીને આઉટ કર્યો. મોટી વાત એ છે કે વિરાટ કોહલીને મેચના પહેલા જ બોલ પર જીવનદાન મળ્યું હતું. સિરાજની બોલિંગમાં સુંદરે કોહલીનો એક સરળ કેચ છોડ્યો હતો. વિરાટને જીવનદાન મળતાની સાથે જ ગુજરાત મુશ્કેલીમાં મુકાઈ ગયું. વિરાટ કોહલીએ પડિકલ સાથે મળીને ગુજરાતના બોલરો સામે આક્રમક બેટિંગ કરી. બંનેએ માત્ર 26 બોલમાં અડધી સદીની ભાગીદારી કરી, જેનાથી RCBનો સ્કોર નવ ઓવરમાં 100 રનથી વધુ થઈ ગયો.
વિરાટ કોહલી સદી ચૂકી ગયો
પડિકલે છ છગ્ગા મારીને 20 બોલમાં પોતાની અડધી સદી પૂરી કરી, જ્યારે વિરાટ કોહલીએ 30 બોલમાં પોતાની અડધી સદી પૂરી કરી. બંને બેટ્સમેનોએ 47 બોલમાં સદીની ભાગીદારી નોંધાવીને ગુજરાતને મેચમાંથી બહાર કરી દીધું. જોકે, વિરાટ કોહલી 81 રન બનાવી આઉટ થયો અને સદી ચૂકી ગયો. જેસન હોલ્ડરના બોલ પર કોહલી બોલ્ડ થયો હતો.
સાઈ સુદર્શનની સદી વ્યર્થ ગઈ
ગુજરાત ટાઇટન્સ માટે સાઈ સુદર્શને શાનદાર સદી ફટકારી. તેણે 58 બોલમાં 100 રન પૂરા કર્યા. ડાબા હાથના બેટ્સમેને તેની ત્રીજી IPL સદી ફટકારી અને સૌથી ઓછી ઇનિંગ્સમાં 2000 IPL રન પૂરા કરનાર ખેલાડી પણ બન્યો. જોકે, તેની ઇનિંગ નિષ્ફળ ગઈ. અંતે, RCBનો વિજય થયો.
Breaking News: દિલ્હી કેપિટલ્સના પ્રેક્ટિસ કેમ્પમાં મોટો અકસ્માત, બેટ્સમેનનો શોટ બોલરના ચહેરા પર વાગ્યો, ખેલાડી હોસ્પિટલમાં સારવાર હેઠળ
Published On - 11:53 pm, Fri, 24 April 26
