Breaking News: 14 ચોગ્ગા અને છગ્ગા… રજત પાટીદારની રેકોર્ડબ્રેક ઈનિંગ, 33 બોલમાં તોડ્યા મોટા રેકોર્ડ

IPL 2026 ક્વોલિફાયર 1 મેચમાં, રોયલ ચેલેન્જર્સ બેંગલુરુ (RCB) ના કેપ્ટન રજત પાટીદારે ધમાકેદાર ઇનિંગ રમીને ઇતિહાસ રચ્યો. તેણે માત્ર 33 બોલમાં અણનમ 93 રનની વિસ્ફોટક ઇનિંગ રમી, જેમાં 5 ચોગ્ગા અને 9 છગ્ગાનો સમાવેશ થાય છે. તેણે ગુજરાત ટાઇટન્સ (GT) ના બોલરોની જોરદાર ધુલાઈ કરી હતી અને ઘણા મોટા રેકોર્ડ પણ બનાવ્યા હતા. આ યાદગાર ઇનિંગના આધારે RCB 20 ઓવરમાં 5 વિકેટ ગુમાવીને 254 રન બનાવવામાં સફળ રહ્યું હતું.

રજત પાટીદારની રેકોર્ડબ્રેક ઇનિંગ

રજત પાટીદાર હવે IPL પ્લેઓફ ઇતિહાસમાં કેપ્ટન તરીકે સંયુક્ત રીતે સૌથી વધુ રન બનાવનાર ખેલાડી બની ગયો છે. તેણે ગુજરાત સામે અણનમ 93 રન બનાવીને ડેવિડ વોર્નરના રેકોર્ડની બરાબરી કરી છે. IPL પ્લેઓફમાં અન્ય કોઈ કેપ્ટન 90 રનના આંકડે પહોંચ્યો નથી.

IPL પ્લેઓફમાં સૌથી વધુ રન બનાવનારા કેપ્ટનો

• 93* રન રજત પાટીદાર
• 93* રન ડેવિડ વોર્નર
• 87* રન શ્રેયસ અય્યર
• 85 રન એડમ ગિલક્રિસ્ટ
• 79 રન કેએલ રાહુલ

પ્લેઓફ મેચમાં નવ છગ્ગા ફટકાર્યા

રજત પાટીદારે આ ઇનિંગમાં નવ છગ્ગા ફટકાર્યા, જે પ્લેઓફ મેચમાં બીજા ક્રમે સૌથી વધુ છગ્ગા ફટકારવાનો રેકોર્ડ છે. આ યાદીમાં ફક્ત શુભમન ગિલ જ તેમનાથી આગળ છે. ગિલે 2013માં મુંબઈ ઇન્ડિયન્સ સામે 10 છગ્ગા ફટકાર્યા હતા. આ સાથે, તેણે પ્લેઓફ ઇતિહાસમાં કુલ છગ્ગા ફટકારવાની સંખ્યા પણ વધારી દીધી છે. હવે તેમના નામે IPL પ્લેઓફ મેચોમાં 24 છગ્ગા છે. તેણે આ સિદ્ધિ માત્ર છ ઇનિંગમાં મેળવી હતી.

IPL પ્લેઓફમાં સૌથી વધુ છગ્ગા

• 40 સુરેશ રૈના (24 ઇનિંગ્સ)
• 28 એમએસ ધોની (23 ઇનિંગ્સ)
• 25 કિરોન પોલાર્ડ (17 ઇનિંગ્સ)
• 24 રજત પાટીદાર (6 ઇનિંગ્સ)

માત્ર 21 બોલમાં ફિફ્ટી

વધુમાં રજત પાટીદારે માત્ર 21 બોલમાં પોતાની અડધી સદી પૂરી કરી હતી, આ સાથે તે પ્લેઓફ ઈતિહાસમાં સૌથી ઝડપી અડધી સદી ફટકારનાર ખેલાડીઓમ સામેલ થયો છે. આ પ્લેઓફમાં ચોથી સૌથી ઝડપી અડધી સદી પણ છે.

IPL નોકઆઉટ/પ્લેઓફમાં સૌથી ઝડપી અડધી સદી

• 16 બોલ સુરેશ રૈના (2014)
• 17 બોલ એડમ ગિલક્રિસ્ટ (2009)
• 20 બોલ MS ધોની (2012)
• 21 બોલ રજત પાટીદાર (2026)

Breaking News: કાગીસો રબાડાએ 25 મી વિકેટ લઈને ઈતિહાસ રચ્યો, IPLમાં પહેલીવાર થયો આ કમાલ