Breaking News: MIની જર્સી પહેરેલા યુવકે KKRની જર્સી પહેરેલી યુવતીને કર્યું પ્રપોઝ, થઈ ગયું ‘પોપટ’, જુઓ Video
વાનખેડે સ્ટેડિયમમાં મુંબઈ ઈન્ડિયન્સ અને કોલકાતા નાઈટ રાઈડર્સ વચ્ચેની મેચ માત્ર મજેદાર ક્રિકેટ માટે જ નહીં, પરંતુ એક અનોખી ઘટનાને કારણે પણ ચર્ચામાં આવી છે. મેચ દરમિયાન પ્રપોઝનો એક મજેદાર વીડિયો વાયરલ થયો છે. જો કે MI ફેન બોયફ્રેન્ડ KKR ફેન ગર્લફ્રેન્ડને પ્રપોઝ કરવા ગયો અને અચાનક કંઈક એવું થયું કે પ્રપોઝનું 'પોપટ' થઈ ગયું. જાણો પછી શું થયું.
IPL 2026 દરમિયાન મુંબઈ ઈન્ડિયન્સ અને કોલકાતા નાઈટ રાઈડર્સ વચ્ચે રમાયેલી મેચ પછી એક મજેદાર ઘટના સામે આવી છે. એક યુવકે સ્ટેડિયમમાં પોતાની ગર્લફ્રેન્ડને પ્રપોઝ કરવાનો પ્રયાસ કર્યો, પરંતુ તે દરમિયાન નાની ભૂલને કારણે ઘટના હાસ્યાસ્પદ બની ગઈ. જેનો વીડિયો સોશિયલ મીડિયા પર વાયરલ થયો છે.
વાનખેડે સ્ટેડિયમમાં ગર્લફ્રેન્ડને કર્યું પ્રપોઝ
વીડિયોમાં જોવા મળે છે કે મુંબઈ ઈન્ડિયન્સની જર્સી પહેરેલો યુવક કોલકાતા નાઈટ રાઈડર્સની જર્સી પહેરેલી યુવતી સામે એક ઘૂંટણિયે બેસે છે. આસપાસના લોકો આ ખાસ ક્ષણને પોતાના મોબાઇલમાં કેદ કરવા લાગે છે.પરંતુ પ્રપોઝલ દરમિયાન અચાનક યુવકનું બેલેન્સ બગડે છે અને તે પડી જાય છે. આ સાથે જ તેના હાથમાંથી વીંટી પણ નીચે પડી ગઈ, જેના કારણે તેના પ્રપોઝનું પોપટ થઈ જાય છે.
બેલેન્સ બગડ્યું, વીંટી ખોવાઈ ગઈ
આ ઘટનાથી ત્યાં હાજર લોકો ચોંકી જાય છે અને હસવા લાગે છે. કેટલાક લોકો યુવકને મદદ કરવા આગળ આવે છે અને વીંટી શોધવામાં તેની મદદ કરે છે. થોડા સમય બાદ વીંટી મળી આવે છે. ત્યારબાદ યુવક ફરીથી હિંમત કરીને પોતાની ગર્લફ્રેન્ડને પ્રપોઝ કરે છે. આ વખતે તે સાવધાની રાખે છે અને અંતે સફળ થાય છે. યુવતી તેનો પ્રપોઝલ સ્વીકારી લે છે અને તે બોયફ્રેન્ડ તેની ગર્લફ્રેન્ડને આંગળીમાં વીંટી પહેરાવે છે.
વીડિયો સોશિયલ મીડિયા પર વાયરલ
આ મજેદાર ઘટનાનો વીડિયો સોશિયલ મીડિયા પર ઝડપથી વાયરલ થઈ ગયો છે. લોકો આ વીડિયોને ખૂબ પસંદ કરી રહ્યા છે અને વિવિધ પ્રતિક્રિયાઓ આપી રહ્યા છે. ઘણા લોકો કહી રહ્યા છે કે આ પ્રપોઝલ ભલે ગડબડથી ભરેલું હતું, પરંતુ ખૂબ યાદગાર બની ગયું.
મુંબઈએ કોલકાતાને હરાવ્યું
મેચની વાત કરીએ તો, કોલકાતા નાઈટ રાઈડર્સે પહેલા બેટિંગ કરતા 20 ઓવરમાં 220 રન બનાવ્યા હતા. જવાબમાં મુંબઈ ઈન્ડિયન્સે જોરદાર બેટિંગ કરીને માત્ર 19.1 ઓવરમાં જ લક્ષ્ય હાંસલ કરી લીધું. ટીમના બેટ્સમેનોએ શાનદાર પ્રદર્શન કરીને ટીમને જીત અપાવી. આ રીતે મેચ સાથે-સાથે આ પ્રપોઝલની ઘટના પણ લોકો માટે ખાસ બની ગઈ.
