Breaking News: દિલ્હી કેપિટલ્સે ટોસ જીતી બોલિંગ પસંદ કરી, લખનૌ સુપર જાયન્ટ્સ પહેલા કરશે બેટિંગ, જાણો બંને ટીમની પ્લેઈંગ 11

IPL ની 19 મી સિઝનની પાંચમી મેચમાં લખનૌ સુપર જાયન્ટ્સ અને દિલ્હી કેપિટલ્સની ટક્કર થઈ રહી છે. મેચ પહેલા બંને ટીમના કેપ્ટનો વચ્ચે ટોસ થયો હતો, જેમાં DCએ ટોસ જીતી બોલિંગ પસંદ કરી, એટલે કે LSG આ મેચમાં પહેલા બેટિંગ કરશે. બંને ટીમોની આ સિઝનની પહેલી મેચ છે અને બંને ટીમો જીતથી આ સિઝનની શરૂઆત કરવા ઈચ્છશે.

અક્ષર પટેલે ટોસ જીતી બોલિંગ પસંદ કરી

ટોસ જીત્યા બાદ દિલ્હી કેપિટલ્સના કેપ્ટન અક્ષર પટેલે પહેલા બોલિંગ કરવાનો નિર્યણ લીધો હતો. અક્ષર પટેલે કહ્યું કે પહેલી મેચ, લાલ રંગની ફ્રેશ-મજબૂત વિકેટ છે અને પહેલી 6 ઓવરમાં મદદ કરી શકે છે. ડેટા કહે છે કે ઘણી બધી મેચ પહેલા બેટિંગ કરતી ટીમ જીતી જાય છે, પરંતુ અમને લાગ્યું કે આ પહેલી રમત છે તેથી અમે પણ બોલિંગ કરીશું. નિસાન્કા, મિલર, સ્ટબ્સ અને લુંગી એનગિડી અમારા ચાર વિદેશી ખેલાડીઓ છે જે આજની મેચમાં રમશે.

રિષભ પંતે શું કહ્યું?

ટીમમાં નવી ઉર્જા છે કારણ કે રંગ, લોગો અને માનસિકતા બદલાઈ છે. ગયા સિઝનમાંથી શીખ લઈને સુધારો કરવામાં આવ્યો છે. ઇજાઓની ચિંતા હવે ઓછી છે કારણ કે ખેલાડીઓ ફિટ છે. બોલરો તૈયાર છે અને ટીમ મેદાન પર પ્રભાવ પાડવા આતુર છે. અમારી પ્લેઈંગ ઈલેવનમાં ચાર વિદેશી ખેલાડી છે- એનરિચ નોર્ટજે, એઇડન માર્કરામ, મિશેલ માર્શ, નિકોલસ પૂરન.

લખનૌ સુપર જાયન્ટ્સ પ્લેઈંગ ઈલેવન

એડન માર્કરામ, મિશેલ માર્શ, નિકોલસ પૂરન, રિષભ પંત (વિકેટકિપર/કેપ્ટન), આયુષ બદોની, અબ્દુલ સમદ, મુકુલ ચૌધરી, મોહસીન ખાન, મોહમ્મદ શમી, એનરિચ નોર્ટજે, પ્રિન્સ યાદવ.

દિલ્હી કેપિટલ્સ પ્લેઈંગ ઈલેવન

કેએલ રાહુલ (વિકેટકિપર), પથુમ નિસાંકા, નીતિશ રાણા, અક્ષર પટેલ (કેપ્ટન), ટ્રિસ્ટન સ્ટબ્સ, ડેવિડ મિલર, વિપરાજ નિગમ, લુંગી એનગિડી, કુલદીપ યાદવ, ટી નટરાજન, મુકેશ કુમાર.

Breaking News: લખનૌ-દિલ્હી વચ્ચેની મેચમાં થશે રનનો ઢગલો? જાણો કેવી છે એકાના સ્ટેડિયમની પિચ