Breaking News: IPL ઓક્શનમાં કોઈએ ના ખરીદ્યો, રિપ્લેસમેન્ટ ખેલાડી તરીકે KKRમાં આવ્યો, હવે મચાવી ધમાલ
સનરાઇઝર્સ હૈદરાબાદે કોલકાતા નાઈટ રાઇડર્સ સામે 20 ઓવરમાં 226 રનનો વિશાળ સ્કોર બનાવ્યો હતો. જો કે, આ ઇનિંગ દરમિયાન, KKR ના એક બોલરે અસાધારણ રીતે સારું પ્રદર્શન કર્યું અને મુખ્ય બેટ્સમેનોને આઉટ કર્યા. ખાસ વાત એ છે કે ઓક્શનમાં આ ખેલાડીને કોઈએ ખરીદ્યો ના હતો અને બાદમાં રિપ્લેસમેન્ટ ખેલાડી તરીકે ટીમમાં જોડાઈ શાનદાર પ્રદર્શન કર્યું હતું.
IPL 2026 ની છઠ્ઠી મેચમાં સનરાઇઝર્સ હૈદરાબાદે ઇડન ગાર્ડન્સ ખાતે ધમાકેદાર બેટિંગ પ્રદર્શન કર્યું, 20 ઓવરમાં 226 રનનો વિશાળ સ્કોર બનાવ્યો. આ મેચમાં કોલકાતા નાઈટ રાઇડર્સના બોલરોને જોરદાર ફટકો પડ્યો, પરંતુ એક બોલરે તેની શાનદાર બોલિંગથી બધાનું ધ્યાન ખેંચ્યું. નોંધનીય છે કે, આ ખેલાડી હરાજીમાં વેચાયો ન હતો, પરંતુ KKR એ તેને રિપ્લેસમેન્ટ તરીકે સાઇન કર્યો અને તકનો લાભ લીધો.
KKR ખેલાડીની દ્વારા ઘાતક બોલિંગ
કોલકાતા નાઈટ રાઈડર્સ માટે ઝિમ્બાબ્વેના ફાસ્ટ બોલર બ્લેસિંગ મુઝરબાનીએ શાનદાર પ્રદર્શન કર્યું. તેણે 4 ઓવરમાં 41 રન આપીને 4 વિકેટ લીધી. મુઝરબાનીએ અભિષેક શર્મા, ઈશાન કિશન, હેનરિક ક્લાસેન અને શિવંગ કુમારને આઉટ કર્યા. તેની ઘાતક બોલિંગે હૈદરાબાદને વધુ સ્કોર કરતા અટકાવ્યું. બ્લેસિંગ મુઝરબાનીએ આ દરમિયાન 9 ડોટ બોલ પણ ફેંક્યા, જે અન્ય તમામ બોલરોમાં સૌથી વધુ છે. આ 4 વિકેટ સાથે, તે પર્પલ કેપની રેસમાં પણ આગળ વધી ગયો છે.
The creative says it pic.twitter.com/Ta6bZ4lm5B
— KolkataKnightRiders (@KKRiders) April 2, 2026
મુઝારબાનીએ લીધી ચાર વિકેટ
ઉલ્લેખનીય છે કે, બ્લેસિંગ મુઝરબાનીને IPL 2026 ની હરાજીમાં કોઈપણ ફ્રેન્ચાઇઝી દ્વારા ખરીદવામાં આવ્યો ન હતો. જોકે, KKR એ તેને રિપ્લેસમેન્ટ ખેલાડી તરીકે સાઇન કર્યો અને તેણે તકનો પૂરો લાભ લીધો. મુઝરાબાનીની જોરદાર બોલિંગે સાબિત કર્યું કે KKR નો તેને તક આપવાનો નિર્ણય સાચો હતો.
રિપ્લેસમેન્ટ ખેલાડી તરીકે ટીમમાં જોડાયો
સિંગ મુઝરબાની હાલમાં પાકિસ્તાન સુપર લીગ (PSL) 2026 માં ઇસ્લામાબાદ યુનાઇટેડ તરફથી રમી રહ્યો હતો. જોકે, તેણે IPLમાં રમવા માટે PSLમાંથી નામ પાછું ખેંચી લીધું. બાંગ્લાદેશના ફાસ્ટ બોલર મુસ્તાફિઝુર રહેમાનના સ્થાને ટીમમાં તેનો સમાવેશ કરવામાં આવ્યો હતો, જેનો કરાર રદ થઈ ગયો હતો. રસપ્રદ વાત એ છે કે, મુઝારબાની PSLમાં પણ રિપ્લેસમેન્ટ ખેલાડી તરીકે જોડાયો હતો. આ પ્રદર્શન બ્લેસિંગ મુઝારબાનીના કારકિર્દી માટે મહત્વપૂર્ણ સાબિત થઈ શકે છે.
