Breaking News : હાર્દિક પંડ્યા ગર્લફ્રેન્ડ સાથે દિલ્હી પહોંચ્યો, મુંબઈ ઈન્ડિયન્સથી અલગ કર્યું ટ્રાવેલ
IPL 2026 દરમિયાન હાર્દિક પંડ્યા ફરી એકવાર ચર્ચામાં આવ્યો છે. મુંબઈ ઈન્ડિયન્સના કેપ્ટન તરીકે તેની રમત સાથે-સાથે વ્યક્તિગત જીવન પણ ધ્યાન ખેંચી રહ્યું છે. દિલ્હી સામેની મેચ પહેલા તે ટીમ સાથે નહીં પરંતુ ટીમથી અલગ ગર્લફ્રેન્ડ સાથે દિલ્હી પહોંચ્યો હતો, જેની સોશિયલ મીડિયા પર ખૂબ ચર્ચા થઈ રહી છે.
IPL 2026 માં મુંબઈ ઈન્ડિયન્સની સફળ શરૂઆત બાદ હવે ટીમ બીજા મુકાબલા માટે તૈયાર છે. પરંતુ ટીમના કેપ્ટન હાર્દિક પંડ્યાનો અલગ અંદાજ ચાહકો માટે ચર્ચાનો વિષય બની ગયો છે.દિલ્હી સામેની મેચ માટે મુંબઈ ઈન્ડિયન્સની ટીમ એકસાથે પહોંચી હતી, પરંતુ હાર્દિક પંડ્યા ટીમ સાથે જોવા મળ્યો નહોતો. તે પોતાની ગર્લફ્રેન્ડ મહિકા શર્મા સાથે અલગથી દિલ્હી પહોંચ્યો હતો, જે ઘટના સોશિયલ મીડિયા પર ઝડપથી વાયરલ થઈ ગઈ.
હાર્દિક ગર્લફ્રેન્ડ મહિકા સાથે દિલ્હી પહોંચ્યો
દિલ્હીના ઈન્દિરા ગાંધી ઈન્ટરનેશનલ એરપોર્ટ પર હાર્દિક પંડ્યા અને મહિકા શર્માનો એક વીડિયો સામે આવ્યો છે. વીડિયોમાં બંને સાથે જોવા મળી રહ્યા છે. હાર્દિક પંડ્યા મહિકા શર્માનો હાથ પકડીને ચાલતો દેખાય છે. આ વીડિયો સે આવ્યા બાદ ચાહકોની અલગ-અલગ પ્રતિક્રિયાઓ સામે આવી છે.
હાર્દિક-મહિકાનો રોમાન્સ સતત ચર્ચામાં
માહિતી મુજબ, હાર્દિક પંડ્યા છેલ્લા કેટલાક મહિનાઓથી ગર્લફ્રેન્ડ મહિકા શર્મા સાથે સતત જાહેરમાં જોવા મળ્યો છે. બંનેના સંબંધો વિશે ચર્ચા પહેલાથી જ ચાલી રહી હતી અને વર્લ્ડ કપ પહેલા હાર્દિકે પોતે પોસ્ટ કરી તેમના સંબંધની પુષ્ટિ કરી હતી.
Only Cricketer with SPECIAL PERMISSION from the BCCI
As per BCCI rules, players are NOT allowed to travel with their girlfriend or wife — they must travel with the team.
But Hardik Pandya has his own way — traveling with his GF, even in the team bus & private jet #IPL2026 pic.twitter.com/TEhEvKO7Rl
— T-Celebs (@t_celebs) April 2, 2026
જીત સાથે નવી સિઝનની શરૂઆત
મેચની વાત કરીએ તો, મુંબઈ ઈન્ડિયન્સે પોતાની પહેલી મેચમાં કોલકાતા નાઈટ રાઈડર્સ સામે શાનદાર જીત મેળવી હતી. KKR એ પહેલા બેટિંગ કરીને 220 રન બનાવ્યા હતા, જો કે મુંબઈએ મજબૂત પ્રદર્શન કરીને આ મોટો ટાર્ગેટ ચેઝ કરી જીત સાથે નવી સિઝનની શરૂઆત કરી હતી.
દિલ્હી કેપિટલ્સ સામે મુકાબલો
આ મેચમાં રોહિત શર્મા અને રાયન રિકેલ્ટનની અડધી સદીની ઈનિંગ્સે ટીમને જીત અપાવી હતી. હવે આગળ દિલ્હી કેપિટલ્સ સામેની મેચમાં પણ ટીમ સતત બીજી જીત મેળવવાનો પ્રયાસ કરશે, સાથે જ હાર્દિક પંડ્યાની કેપ્ટનશીપ પર સૌની નજર રહેશે.
