Breaking News: રાજસ્થાને ટોસ જીતી બેટિંગ પસંદ કરી, ગુજરાત પહેલા કરશે બોલિંગ, જાણો બંને ટીમની પ્લેઈંગ 11

IPL 2026માં આજે સિઝનના ક્વોલિફાયર 2 મુકાબલામાં ગુજરાત ટાઈટન્સ અને રાજસ્થાન રોયલ્સ વચ્ચે મુકાબલો યોજાઈ રહ્યો છે. મેચ પહેલા બંને ટીમના કેપ્ટનો વચ્ચે ટોસ થયો હતો, જેમાં RRએ ટોસ જીતી બેટિંગ પસંદ કરી, એટલે કે GT આજની મેચમાં પહેલા બોલિંગ કરશે. GT અને RR બંને ટીમ ક્વોલિફાયર 2 જીતી સીધા ફાઈનલમાં પહોંચવા પ્રયાસ કરશે.

રિયાન પરાગે ટોસ જીતી બેટિંગ પસંદ કરી

રાજસ્થાન રોયલ્સના કેપ્ટન રિયાન પરાગે ટોસ જીતીને પહેલા બેટિંગ કરવાનો નિર્ણય લીધો. રિયાન પરાગે કહ્યું કે અમે પહેલા બેટિંગ કરીશું. લગભગ એ જ વિકેટ છે, પણ મને લાગે છે કે બેકએન્ડ પર તે ધીમી પડી જાય છે, અને અમારી પાસે તેના માટે બોલરો છે. 40 ઓવર સુધી વધુ સારું ક્રિકેટ રમવાની જરૂર છે, શ્રેષ્ઠ ટીમ જીતશે. સપોર્ટ સ્ટાફ રિકવરી અને ઇજાઓ અંગે અવિશ્વસનીય રહ્યો છે. અમે ટીમમાં કોઈ ફેરફાર કર્યો નથી.

શુભમન ગિલે શું કહ્યું?

ટોસ હાર્યા બાદ ગુજરાત ટાઈટન્સના કેપ્ટન શુભમન ગિલે કહ્યું કે અમે પણ પહેલા બેટિંગ કરવાનું વિચારી રહ્યા હતા. આ વિકેટ પર ચાલીસ ઓવર ક્રિકેટ થઈ ચૂકી છે અને આજે પણ તેમ જ થશે એવી આશા છે. કરો યા મરો મેચ છે અમારી પાસે ગુમાવવા માટે કંઈ જ નથી. અમે એક ફેરફાર કર્યો છે, કુલવંત કેજરોલિયાની જગ્યાએ સાઈ કિશોર રમશે.

રાજસ્થાન રોયલ્સ પ્લેઈંગ ઈલેવન

યશસ્વી જયસ્વાલ, વૈભવ સૂર્યવંશી, ધ્રુવ જુરેલ (વિકેટકિપર), રિયાન પરાગ (કેપ્ટન), ડોનોવન ફરેરા, દાસુન શનાકા, રવિન્દ્ર જાડેજા, જોફ્રા આર્ચર, નાન્દ્રે બર્ગર, બ્રિજેશ શર્મા, યશ રાજ પુંજા.

ઈમ્પેક્ટ સબ્સ: શુભમ દુબે, સુશાંત મિશ્રા, અમન રાવ પેરાલા, રવિ બિશ્નોઈ, તુષાર દેશપાંડે.

ગુજરાત ટાઈટન્સ પ્લેઈંગ ઈલેવન

સાઈ સુદર્શન, શુભમન ગિલ (કેપ્ટન), જોસ બટલર (વિકેટકિપર), નિશાંત સિંધુ, વોશિંગ્ટન સુંદર, જેસન હોલ્ડર, રાશિદ ખાન, આર સાઈ કિશોર, કાગીસો રબાડા, પ્રસિદ્ધ કૃષ્ણા, મોહમ્મદ સિરાજ.

ઈમ્પેક્ટ સબ્સ: રાહુલ તેવટિયા, ગ્લેન ફિલિપ્સ, અનુજ રાવત, કુમાર કુશાગરા, અરશદ ખાન.

Breaking News: મુંબઈ ઈન્ડિયન્સમાં હાર્દિક પંડ્યાને હેરાન કરનારા ચાર લોકો કોણ હતા ? હવે MIની કમાન કોણ સંભાળશે ?