IPL 2026 ની ફાઈનલમાં પહોંચતા જ RCB પર કરોડોનો વરસાદ, BCCI તરફથી મોટી ઈનામી રકમ પાક્કી

રોયલ ચેલેન્જર્સ બેંગલુરુએ સતત બીજી વખત IPL ફાઈનલમાં સ્થાન મેળવ્યું છે. RCB હવે સતત બીજીવાર ચેમ્પિયન બનવાથી માત્ર એક જીત દૂર છે. ફાઈનલમાં પહોંચતા જ RCB ને કરોડો રૂપિયાનો ફાયદો થયો છે. ચાલો જાણીએ કે IPL 2026 ફાઈનલમાં પહોંચનાર RCBને BCCI તરફથી ઓછામાં ઓછા કેટલા કરોડ મળશે?

Royal Challengers BengaluruImage Credit source: X/Royal Challengers Bengaluru

Smit Chauhan | Updated on: May 27, 2026 | 6:23 PM

રોયલ ચેલેન્જર્સ બેંગલુરુ (RCB) એ IPL 2026 ના ફાઈનલમાં પોતાનું સ્થાન સુરક્ષિત કરી લીધું છે. 26 મેના રોજ, RCB એ ધર્મશાલાના હિમાચલ પ્રદેશ ક્રિકેટ એસોસિએશન સ્ટેડિયમ ખાતે ગુજરાત ટાઈટન્સને 92 રનથી હરાવીને સતત બીજી વખત ફાઈનલમાં પ્રવેશ કર્યો હતો. ટાઈટલ મેચ હવે 31 મેના રોજ અમદાવાદના નરેન્દ્ર મોદી સ્ટેડિયમ ખાતે રમાશે. આ મેચમાં RCB ક્વોલિફાયર 2 ના વિજેતા સામે ટકરાશે. જોકે, ટાઈટલ મેચ પહેલા જ રોયલ ચેલેન્જર્સ બેંગલુરુને કરોડો રૂપિયાનો ફાયદો થઈ ગયો છે.

RCB ને BCCI તરફથી કેટલા પૈસા મળશે?

હકીકતમાં, ફાઈનલમાં પહોંચીને, રોયલ ચેલેન્જર્સ બેંગલુરુને BCCI તરફથી મોટી ઈનામી રકમ મળશે. ગયા સિઝનમાં ચેમ્પિયન બનવા પર RCB ને ₹20 કરોડની ઈનામી રકમ મળી હતી, જ્યારે રનરઅપ પંજાબ કિંગ્સને ₹13 કરોડ આપવામાં આવ્યા હતા. આમ, ફાઈનલમાં પહોંચીને, RCB ને ઓછામાં ઓછા ₹13 કરોડની ઈનામી રકમ મળવાની ખાતરી છે. જો ટીમ ટાઈટલ જીતે છે, તો તેમને ફરી ₹20 કરોડ મળશે. જોકે, BCCI એ હજુ સુધી IPL 2026 માટે ઈનામી રકમની જાહેરાત કરી નથી, તેથી એવું માનવામાં આવે છે કે આ વર્ષે પણ ઈનામી રકમ ગયા વર્ષ જેટલી જ રહેશે.

— # . ❤️‍

Every chant. Every cheer. Every moment of support from the 12th Man Army brought us here. ❤️

One last dance awaits in Ahmedabad. ✊ pic.twitter.com/7fUmCfgwDv

— Royal Challengers Bengaluru (@RCBTweets) May 26, 2026

RCB ટાઈટલથી એક ડગલું દૂર

ગયા વર્ષે IPL 2025 માં પોતાનું પહેલું ટાઈટલ જીત્યા બાદ, RCB આ સિઝનમાં જોરદાર ફોર્મમાં છે. રોયલ ચેલેન્જર્સ બેંગલુરુ લીગ સ્ટેજમાં 14 માંથી નવ મેચ જીતી અને કુલ 18 પોઈન્ટ સાથે ટોપ પર રહી હતી. તેઓ નેટ રન રેટના સંદર્ભમાં પણ અન્ય ટીમો કરતા આગળ હતા. ત્યારબાદ RCB ક્વોલિફાયર 1 માં ગુજરાતને હરાવી ફાઈનલમાં પહોંચ્યું. હવે RCB ટ્રોફીથી માત્ર એક જીત દૂર છે.

ક્વોલિફાયર 1 માં ગુજરાતને હરાવી ફાઈનલમાં પહોંચ્યું

ક્વોલિફાયર 1 માં, રોયલ ચેલેન્જર્સ બેંગલુરુ પ્રથમ બેટિંગ કરતા 20 ઓવરમાં 5 વિકેટ ગુમાવીને 254 રન બનાવ્યા. રજત પાટીદારે ધમાકેદાર ઇનિંગ્સ રમી, 33 બોલમાં અણનમ 93 રન બનાવ્યા. જવાબમાં, ગુજરાત ટાઇટન્સ 162 રનમાં ઓલઆઉટ થઈ ગઈ. જેકબ ડફીએ સૌથી વધુ 3 વિકેટ લીધી. જોશ હેઝલવુડ, રસિક સલામ દાર અને કૃણાલ પંડ્યાએ 2-2 વિકેટ લીધી. હવે, આરસીબી તેના બીજા આઈપીએલ ટાઇટલ પર નજર રાખી રહી છે.