Breaking News: વૈભવ સૂર્યવંશીના સૌથી મોટા ચાહકે મચાવી તબાહી, માત્ર 24 બોલમાં અડધી સદી ફટકારી, 600 છગ્ગા પૂરા કર્યા

IPL 2026 ની 14મી મેચમાં દિલ્હી કેપિટલ્સ સામે ગુજરાત ટાઈટન્સે મેચની શરૂઆત આક્રમક રીતે કરી, જેમાં ટોપ-ઓર્ડરે મજબૂત પ્રદર્શન કર્યું. ઈંગ્લેન્ડના સ્ટાર બેટસમેન જોસ બટલર આ વિસ્ફોટક શરૂઆતનો હીરો હતો. ત્રીજા નંબર પર બેટિંગ કરતા, તેણે ધમાકેદાર ઈનિંગસ રમી, સાથે જ T20 ક્રિકેટમાં મોટી સિદ્ધિ પણ હાંસલ કરી.

જોસ બટલરે તોફાની ઈનિંગ રમી

આ મેચમાં જોસ બટલરે માત્ર 27 બોલમાં 52 રનની ધમાકેદાર ઈનિંગ રમી હતી. આ ઈનિંગમાં બટલરે માત્ર 24 બોલમાં પોતાની અડધી સદી પૂરી કરી હતી. તેણે 3 ચોગ્ગા અને 5 છગ્ગા ફટકાર્યા હતા, જેનો સ્ટ્રાઈક રેટ 192.59 હતો. આ અડધી સદી બટલર માટે ખાસ હતી,કારણ કે તેણે IPL 2026 માં તેની છેલ્લી બે ઈનિંગ્સમાં મોટો સ્કોર બનાવ્યો ન હતો. તે સારું ફોર્મ મેળવવા માટે સંઘર્ષ કરી રહ્યો હતો, પરંતુ તેણે દિલ્હીમાં જોરદાર વાપસી કરી હતી.

T20 ક્રિકેટમાં 600 છગ્ગા પૂરા કર્યા

આ ઈનિંગ દરમિયાન જોસ બટલરે બીજો એક મોટો રેકોર્ડ બનાવ્યો. તેણે T20 ક્રિકેટમાં 600 છગ્ગા પૂરા કર્યા. આ સિદ્ધિ સાથે, તે T20 ક્રિકેટમાં સૌથી વધુ છગ્ગા મારનારા ખેલાડીઓની યાદીમાં પાંચમા સ્થાને પહોંચી ગયો છે.

T20માં સૌથી વધુ છગ્ગા ફટકારનાર ખેલાડીઓ

• ક્રિસ ગેલ 1056 છગ્ગા (455 ઇનિંગ્સ)
• કિરોન પોલાર્ડ 982 છગ્ગા (652 ઇનિંગ્સ)
• આન્દ્રે રસેલ 784 છગ્ગા (508 ઇનિંગ્સ)
• નિકોલસ પૂરન 712 છગ્ગા (418 ઇનિંગ્સ)
• જોસ બટલર 600* છગ્ગા (467 ઇનિંગ્સ)

બટલર વૈભવ સૂર્યવંશીનો સૌથી મોટો ફેન

તેની બેટિંગ માટે ફેમસ બટલર વૈભવ સૂર્યવંશીનો મોટો ફેન પણ છે. તાજેતરમાં, તે વૈભવ સૂર્યવંશીને મળ્યો અને તેના વખાણ કર્યા હતા. એક ટ્રેનિંગ સેશન દરમિયાન, બટલરે કહ્યું હતું કે વૈભવ મેં જોયેલો શ્રેષ્ઠ ખેલાડી છે. કલ્પના કરો, જ્યારે તે 21 કે 25 વર્ષનો થશે, ત્યારે આખી દુનિયા તેના હાથમાં હશે.

Breaking News: વૈભવ સૂર્યવંશીએ બુમરાહના પહેલા બોલ પર સિક્સર ફટકારવાનો પ્લાન બે વર્ષ પહેલા જ બનાવી લીધો હતો