Breaking News: ગુજરાતે ચેન્નાઈને ઘરમાં ઘુસીને હરાવ્યું, રબાડા-સુદર્શને GTને ચોથી જીત અપાવી

સતત બે હાર બાદ ગુજરાત ટાઇટન્સે મજબૂત વાપસી કરી છે. શુભમન ગિલની આગેવાનીમાં ગુજરાત ટાઇટન્સે ચેન્નાઈ સુપર કિંગ્સને તેના હોમ ગ્રાઉન્ડ પર એકતરફી મેચમાં આઠ વિકેટથી હરાવ્યું. આ સિઝનનો ગુજરાતનો ચોથો વિજય છે. આ જીતનો સ્ટાર ઝડપી બોલર કાગીસો રબાડા હતો, જેના ઘાતક સ્પેલથી ચેન્નાઈ માત્ર 158 રનમાં જ સિમિત રહી ગયું. ત્યારબાદ સાઈ સુદર્શનની શાનદાર અડધી સદીએ GTને માત્ર 17 ઓવરમાં લક્ષ્ય સુધી પહોંચવામાં મદદ કરી.

ગુજરાતના ઝડપી બોલરોએ તબાહી મચાવી

ચેન્નાઈના એમએ ચિદમ્બરમ સ્ટેડિયમમાં રમાયેલી આ મેચ સંપૂર્ણપણે ગુજરાતના પક્ષમાં હતી. દિલ્હી અને જયપુરમાં એક દિવસ પહેલા રમાયેલી મેચોમાં બેટ્સમેનોએ ભારે ધમાલ મચાવી હતી અને મોટા સ્કોર બનાવ્યા હતા. જોકે, ચેન્નાઈની પીચ પર ગુજરાતના ઝડપી બોલરોએ ભારે તબાહી મચાવી હતી. શરૂઆત કાગીસો રબાડાથી થઈ, જેણે ચોથી ઓવરમાં સંજુ સેમસન અને ઉર્વિલ પટેલને આઉટ કર્યા.

ઋતુરાજની ફિફ્ટી, CSKએ 158 રન બનાવ્યા

રબાડાની સાથે મોહમ્મદ સિરાજ, જેસન હોલ્ડર અને માનવ સુથારે ચેન્નાઈના બેટ્સમેનો પર દબાણ જાળવી રાખ્યું. પરિણામે, ટીમે માત્ર 37 રનમાં ચાર વિકેટ ગુમાવી દીધી, અને CSKને 50 રન સુધી પહોંચવામાં 12 ઓવર લાગી ગઈ. જોકે અંતિમ ઓવરોમાં ચેન્નાઈએ જોરદાર વાપસી કરી, આગામી આઠ ઓવરમાં 107 રન ઉમેરીને 158 રન બનાવ્યા. આ કેપ્ટન ઋતુરાજ ગાયકવાડના 60 બોલમાં 74 રનના કારણે શક્ય બન્યું, તેણે સિઝનની પહેલી અડધી સદી ફટકારી. જેમી ઓવરટને પણ 6 બોલમાં 18 રન બનાવીને ટીમની ઇનિંગને વેગ આપ્યો.

સુદર્શનની ફિફ્ટી, બટલર-ગિલની દમદાર બેટિંગ

બોલરો પછી ગુજરાતના બેટ્સમેનોનો વારો આવ્યો અને ફરી એકવાર કેપ્ટન શુભમન ગિલ અને સાઈ સુદર્શનની ઓપનિંગ જોડીએ GT માટે પરિસ્થિતિ સરળ બનાવી દીધી. તેમણે માત્ર 6.2 ઓવરમાં 58 રનની ઝડપી ભાગીદારી સાથે ગુજરાતને મજબૂત શરૂઆત અપાવી. સુદર્શને સતત બીજી મેચમાં 50 રનનો આંકડો પાર કર્યો. તેણે જોસ બટલર સાથે મળીને ટીમને જીતની નજીક પહોંચાડી. જોકે ગિલ તેની સતત બીજી ફિફ્ટી ચૂકી ગયો અને 87 રન બનાવી આઉટ થયો.

Breaking News : CSK માં જોડાતાની સાથે જ સંજુ સેમસને તોડ્યો સુરેશ રૈનાનો રેકોર્ડ, સૌથી ઓછા બોલમાં બનાવ્યા 5000 રન