Breaking News: દિલ્હી કેપિટલ્સે ટોસ જીતી બોલિંગ પસંદ કરી, ચેન્નાઈ સુપર કિંગ્સ પહેલા કરશે બેટિંગ, જાણો બંને ટીમની પ્લેઈંગ 11

IPL 2026માં આજે સિઝનના 18 મા મુકાબલામાં ચેન્નાઈ સુપર કિંગ્સ અને દિલ્હી કેપિટલ્સ વચ્ચે મુકાબલો યોજાઈ રહ્યો છે. મેચ પહેલા બંને ટીમના કેપ્ટનો વચ્ચે ટોસ થયો હતો, જેમાં DCએ ટોસ જીતી બોલિંગ પસંદ કરી, એટલે કે CSK આ મેચમાં પહેલા બેટિંગ કરશે. CSK અને DC બંને આ સિઝનની ચોથી મેચ રમશે. બંને ટીમો મેચ જીતવા પ્રયાસ કરશે.

અક્ષર પટેલે ટોસ જીતી બોલિંગ પસંદ કરી

દિલ્હી કેપિટલ્સના કેપ્ટન અક્ષર પટેલે ટોસ જીતીને પહેલા બોલિંગ કરવાનો નિર્ણય લીધો. અક્ષર પટેલે કહ્યું કે અમે પહેલા બોલિંગ કરવા માંગીએ છીએ કારણ કે પિચ સારી દેખાય છે, અને ગમે તેટલો સ્કોર સેટ થાય, અમે તેનો પીછો કરવાનું પસંદ કરીશું. IPL એક લાંબી ટુર્નામેન્ટ છે અને ડ્રેસિંગ રૂમનું વાતાવરણ ખૂબ જ આરામદાયક છે. અમે ટીમમાં બે ફેરફાર કર્યા છે. વિપ્રાજ નિગમની જગ્યાએ આકિબ નબી દાર અને નીતિશ રાણાની જગ્યાએ આશુતોષ શર્મા પ્લેઈંગ ઈલેવનમાં રમશે.

ઋતુરાજ ગાયકવાડે શું કહ્યું?

ટોસ હાર્યા બાદ ચેન્નાઈ સુપર કિંગ્સના કેપ્ટન ઋતુરાજ ગાયકવાડે કહ્યું કે આજે અમારું લક્ષ્ય શ્રેષ્ઠ પ્રદર્શન કરવાનો, પહેલી જીત મેળવવાનો અને પોઈન્ટ ટેબલ પર સ્થાન પોઈન્ટ મેળવવાનું છે. બ્રેવિસનું પાછા આવવું ટીમ માટે ખૂબ જ સારું છે. મિડલ ઓર્ડર પણ મજબૂત દેખાય છે. અમે મેટ એડવર્ડ્સની જગ્યાએ ગુર્જપનીત સિંહને પણ સામેલ કર્યો છે. એમએસ ધોની હોટેલમાં છે અને અમને જોઈ રહ્યો છે અને ટેકો આપી રહ્યો છે. પણ હા, ખૂબ જ ટૂંક સમયમાં તમે ધોનીને મેદાન પર જોશો.

LIONed up & ready to roar #WhistlePodu #CSKvDC pic.twitter.com/eDEHs7bYpD

— Chennai Super Kings (@ChennaiIPL) April 11, 2026

ચેન્નાઈ સુપર કિંગ્સ પ્લેઈંગ ઈલેવન

સંજુ સેમસન (વિકેટકિપર), ઋતુરાજ ગાયકવાડ (કેપ્ટન), આયુષ મ્હાત્રે, સરફરાઝ ખાન, શિવમ દુબે, ડેવાલ્ડ બ્રેવિસ, જેમી ઓવરટોન, નૂર અહમદ, અંશુલ કંબોજ, ગુર્જપનીત સિંહ, ખલીલ અહેમદ.

ઈમ્પેક્ટ સબ્સ: મેથ્યુ શોર્ટ, અકેલ હોસીન, કાર્તિક શર્મા, પ્રશાંત વીર, મેટ હેનરી.

દિલ્હી કેપિટલ્સ પ્લેઈંગ ઈલેવન

પથુમ નિસાંકા, કેએલ રાહુલ (વિકેટકિપર), સમીર રિઝવી, અક્ષર પટેલ (કેપ્ટન), ડેવિડ મિલર, ટ્રિસ્ટન સ્ટબ્સ, ઔકિબ નબી ડાર, લુંગી એનગિડી, કુલદીપ યાદવ, ટી નટરાજન, મુકેશ કુમાર.

ઈમ્પેક્ટ સબ્સ: વિપ્રાજ નિગમ, આશુતોષ શર્મા, કરુણ નાયર, દુષ્મંથા ચમીરા, નીતિશ રાણા.

Breaking News: એક પછી એક વાઈડ, 216 રન આપ્યા અને કોઈ વિકેટ નહીં, પાવરપ્લેમાં અર્શદીપની હાલત ખરાબ