Breaking News: વૈભવ સૂર્યવંશી ટીમ ઈન્ડિયાની જર્સીમાં રમશે, તિલક વર્મા બન્યો કેપ્ટન, ODI ટીમની જાહેરાત

ઈન્ડિયા A ટીમ જૂનમાં શ્રીલંકાનો પ્રવાસ કરશે જ્યાં તેઓ ODI ત્રિકોણીય શ્રેણી રમશે. BCCI એ આ શ્રેણી માટે ભારતીય ટીમની જાહેરાત કરી છે, જેમાં કુલ 15 ખેલાડીઓનો સમાવેશ થાય છે. વૈભવ સૂર્યવંશીની પણ ટીમમાં પસંદગી કરવામાં આવી છે. તિલક વર્માને ટીમનો કેપ્ટન બનાવવામાં આવ્યો છે.

Vaibhav Suryavanshi india AImage Credit source: X

Smit Chauhan | Updated on: May 14, 2026 | 5:36 PM

IPL 2026 પછી ઈન્ડિયા A ટીમ શ્રીલંકાનો પ્રવાસ કરશે. આ પ્રવાસમાં શ્રીલંકા A, ઈન્ડિયા A અને અફઘાનિસ્તાન A ટીમો ભાગ લેશે. BCCI એ આ શ્રેણી માટે ભારતીય ટીમની જાહેરાત કરી છે. આ ટીમ માટે ઘણા યુવા ખેલાડીઓની પસંદગી કરવામાં આવી છે, જેમાં વૈભવ સૂર્યવંશીનો પણ સમાવેશ થાય છે, જે IPLમાં પોતાની બેટિંગથી ધમાલ મચાવી રહ્યો છે.

ODI ત્રિકોણીય શ્રેણી માટે ઈન્ડિયા A ટીમ જાહેર

આ શ્રેણી માટે તિલક વર્માને ઈન્ડિયા A ટીમનો કેપ્ટન નિયુક્ત કરવામાં આવ્યો છે, જ્યારે રિયાન પરાગ વાઈસ કેપ્ટન રહેશે. શ્રેણી પછી ઈન્ડિયા A શ્રીલંકા A સામે બે મલ્ટી-ડે (રેડ-બોલ) મેચ પણ રમશે. આ ટેસ્ટ મેચો માટેની ટીમ પછીથી જાહેર કરવામાં આવશે. ત્રિકોણીય શ્રેણી 9 જૂનથી શરૂ થશે, જેની અંતિમ મેચ 21 જૂને રમાશે. આ સમયગાળા દરમિયાન, બધી ટીમો બે વાર એકબીજાનો સામનો કરશે, જેમાં ટોચની બે ટીમો ફાઈનલમાં ટકરાશે.

યુવા ખેલાડીઓની ત્રિકોણીય શ્રેણી માટે પસંદગી

પ્રિયાંશ આર્ય, આયુષ બદોની અને પ્રભસિમરન સિંહ જેવા યુવા ખેલાડીઓની પણ ODI ત્રિકોણીય શ્રેણી માટે પસંદગી કરવામાં આવી છે. યશ ઠાકુર, યુદ્ધવીર સિંહ, અંશુલ કંબોજ અને અરશદ ખાન જેવા યુવા બોલરોને પણ આ શ્રેણીમાં મોટી તક મળશે.

News

India A squad for ODI tri-series in Sri Lanka announced.

The upcoming tri-series is scheduled to be held in June, 2026.

More Details ▶️ https://t.co/ZmL2u1boAW pic.twitter.com/7WXzZeeUFq

— BCCI (@BCCI) May 14, 2026

ત્રિકોણીય શ્રેણી માટે ઈન્ડિયા A ટીમ

તિલક વર્મા (કેપ્ટન), પ્રિયાંશ આર્ય, વૈભવ સૂર્યવંશી, રિયાન પરાગ (વાઈસ-કેપ્ટન), આયુષ બદોની, નિશાંત સિંધુ, હર્ષ દુબે, સૂર્યાંશ શેડગે, પ્રભસિમરન સિંઘ (વિકેટકીપર), કુમાર કુશાગ્ર (વિકેટકીપર), વિપ્રાજ નિગમ, યશ ઠાકુર, યુદ્ધવીર સિંહ, અંશુલ કંબોજ, અરશદ ખાન.