ભારત અને વેસ્ટ ઈન્ડિઝ વચ્ચેની ત્રણ મેચની વનડે શ્રેણીની શરૂઆત 27 સપ્ટેમ્બરથી તિરુવનંતપુરમમાં થશે. ગ્રીનફિલ્ડ ઈન્ટરનેશનલ સ્ટેડિયમમાં રમાનારી પ્રથમ વનડે માટે ટોસ બપોરે 1:30 વાગ્યે થશે, જ્યારે મેચ 2:00 વાગ્યે શરૂ થશે. મેચ પહેલાં સૌથી મોટો સવાલ શુભમન ગિલ સાથે ઓપનિંગ કોણ કરશે તેનો છે.

રોહિત શર્મા-શુભમન ગિલ કરશે ઓપનિંગ

ઉપલબ્ધ માહિતી પ્રમાણે રોહિત શર્મા અને શુભમન ગિલની જોડી ઇનિંગની શરૂઆત કરે તેવી શક્યતા છે. કેટલાક અહેવાલોમાં યશસ્વી જયસ્વાલને તક મળવાની ચર્ચા છે, પરંતુ પ્રથમ વનડેમાં તેને પ્લેઇંગ ઇલેવનમાં સામેલ કરવાની શક્યતા ઓછી હોવાનું માનવામાં આવે છે. વિરાટ કોહલી ત્રીજા નંબર પર બેટિંગ કરશે.

ROHIT SHARMA SHOCKING STATEMENT ON ODI WORLD CUP 2027

He Said- “The thought will never cross my mind that the buisness I had is finished. As Long as you are playing. There is always Something to tool forward to and I’m looking forward to the World Cup , Looking at what lies… pic.twitter.com/CtQP528aRF

— The Cricket Khabri (@TheCricKhabri) September 26, 2026

મિડલ ઓર્ડરમાં રાહુલ-ઋતુરાજને મોટી જવાબદારી

ચોથા નંબર માટે નિયમિત વાઇસ કેપ્ટન શ્રેયસ અય્યર શ્રેણીનો ભાગ ન હોવાથી ઋતુરાજ ગાયકવાડને તક મળી શકે છે. ત્યારબાદ કેએલ રાહુલ વિકેટકીપર અને વાઇસ કેપ્ટનની ભૂમિકામાં પાંચમા નંબર પર બેટિંગ કરી શકે છે. નીતિશ કુમાર રેડ્ડી છઠ્ઠા અને રવિન્દ્ર જાડેજા સાતમા નંબર પર રમે તેવી શક્યતા છે.

બોલિંગમાં સિરાજ-કુલદીપ પર રહેશે નજર

બોલિંગ વિભાગમાં મોહમ્મદ સિરાજ અને પ્રસિદ્ધ કૃષ્ણાની સાથે ગુર્નુર બ્રારને ઝડપી બોલર તરીકે તક મળી શકે છે. સ્પિન વિભાગની જવાબદારી કુલદીપ યાદવ સંભાળે તેવી શક્યતા છે. આ કોમ્બિનેશનથી ભારત પાસે કુલ છ બોલિંગ વિકલ્પો રહેશે. જોકે, અંતિમ પ્લેઇંગ ઇલેવનનો નિર્ણય ટોસ સમયે જ સ્પષ્ટ થશે.

ભારતની સંભવિત પ્લેઈંગ ઈલેવન

રોહિત શર્મા, શુભમન ગિલ (કેપ્ટન) , વિરાટ કોહલી, ઋતુરાજ ગાયકવાડ, કેએલ રાહુલ (વાઇસ કેપ્ટન-વિકેટકીપર), નીતિશ કુમાર રેડ્ડી, રવિન્દ્ર જાડેજા, મોહમ્મદ સિરાજ, પ્રસિદ્ધ કૃષ્ણા, કુલદીપ યાદવ, ગુર્નુર બ્રાર.

Breaking News Asian Games 2026: ખેડૂતની દીકરીએ રચ્યો ઈતિહાસ, 400 મીટર રેસમાં જીત્યો બ્રોન્ઝ મેડલ