ભારત અને શ્રીલંકા વચ્ચે 13 ડિસેમ્બર, 2026 ના રોજ યોજાનારી પહેલી વનડે દિલ્હીમાં નહીં રમાય. BCCIએ જાહેરાત કરી કે મેચ દિલ્હીથી વિશાખાપટ્ટનમ ખસેડવામાં આવી છે. સ્ટેડિયમમાં ચાલી રહેલા નવીનીકરણને કારણે DDCAએ BCCIને સ્થળ બદલવાની વિનંતી કરી હતી.

દિલ્હીથી વિશાખાપટ્ટનમ ખસેડવામાં આવી મેચ

BCCIએ એમ પણ જણાવ્યું હતું કે દિલ્હીની હવામાન પરિસ્થિતિઓના કારણે પણ આ ફેરફાર કરવામાં આવ્યો હતો. આ મેચ હવે વિશાખાપટ્ટનમના ACA-VDCA ક્રિકેટ સ્ટેડિયમમાં રમાશે.મેચ વિશાખાપટ્ટનમ શિફ્ટ કરવામાં આવતા વિરાટ કોહલીના ફેન્સ ઉત્સાહમાં આવી ગયા છે.

વિરાટ કોહલીનો વિશાખાપટ્ટનમમાં શાનદાર રેકોર્ડ

શ્રીલંકા સામેની પહેલી વનડે મેચ વિશાખાપટ્ટનમ ખસેડવાથી બધો ફોલર ફરી વિરાટ કોહલી પર આવી ગયો છે. આ મેદાન પર વિરાટ કોહલીનો રેકોર્ડ શાનદાર રહ્યો છે. તેના બેટથી અહીં સતત રનનો ઢગલો થાય છે. વનડે ક્રિકેટમાં વિરાટે વિશાખાપટ્ટનમના ACA-VDCA ક્રિકેટ સ્ટેડિયમમાં આઠ મેચ રમી છે, જેમાં તેણે 108.66 ની સરેરાશથી 652 રન બનાવ્યા છે. કોહલીએ આ સ્ટેડિયમમાં ત્રણ સદી અને ત્રણ અડધી સદી ફટકારી છે. સ્પષ્ટપણે, આ મેદાન પર કોહલી એક ખાસ છે. જો કે, તેના વર્તમાન ફોર્મને જોતાં એવું લાગે છે કે તે કોઈપણ સ્ટેડિયમમાં રન બનાવી શકે છે.

ભારત-શ્રીલંકા ODI શ્રેણીનો શેડ્યૂલ

• પહેલી ODI મેચ 13 ડિસેમ્બરે બપોરે 2 વાગ્યે વિશાખાપટ્ટનમમાં રમાશે
• બીજી ODI મેચ 16 ડિસેમ્બરે બપોરે 2 વાગ્યે બેંગલુરુમાં શરૂ થશે
• ત્રીજી ODI મેચ 19 ડિસેમ્બરે અમદાવાદમાં બપોરે 2 વાગ્યાથી રમાશે

ભારત-શ્રીલંકા T20 શ્રેણીનો શેડ્યૂલ

• પહેલી T20 મેચ 22 ડિસેમ્બરે સાંજે 7 વાગ્યાથી રાજકોટમાં રમાશે
• બીજી T20 મેચ 24 ડિસેમ્બરે સાંજે 7 વાગ્યાથી કટકમાં શરૂ થશે
• ત્રીજી T20 મેચ 27 ડિસેમ્બરે સાંજે 7 વાગ્યાથી પુણેમાં રમાશે.

Cristiano Ronaldo Retirement: ક્રિસ્ટિયાનો રોનાલ્ડો નિવૃત્તિ પહેલા આંતરરાષ્ટ્રીય ફૂટબોલમાં બનાવી ગયો આ 7 મોટા વર્લ્ડ રેકોર્ડ