રવિન્દ્ર જાડેજાએ ડગઆઉટમાં બોલરની એક્ટિંગ કરતા ગૌતમ ગંભીર હસવા લાગ્યો, જુઓ Video
કોલંબોમાં પ્રેક્ટિસ મેચના બીજા દિવસે રવિન્દ્ર જાડેજાએ ડગઆઉટમાં બેસેલા ગૌતમ ગંભીર પાસે જઈ બોલરની એવી નકલ ઉતારી કે, ગૌતમ ગંભીર જોર જોરથી હસવા લાગ્યા હતા.
કોલંબોમાં શ્રીલંકા ક્રિકેટ 11 વિરુદ્ધ રમાઈ રહેલી 3 દિવસીય પ્રેક્ટિસ મેચના બીજા દિવસે ભારતીય ટીમના ઓલરાઉન્ડર રવિન્દ્ર જાડેજાએ એક મજેદાર અંદાજ જોવા મળ્યો હતો. પોતાના સાથી બોલર કુલદીપ યાદવની બોલિંગ એક્શનની નકલ ઉતારતો જોવા મળ્યો હતો. આ અંદાજે ડગઆઉટમાં બેસેલા હેડ કોચ ગૌતમ ગંભીર પોતાનું હસવાનું રોકી શક્યા નહી. કોમેન્ટર્સ પણ જાડેજાના આ રુપ અને કુલદીપ યાદવના રનઅપની નકલની મજા માણી હતી.
જોડેજાની એક્ટિંગથી હસવા લાગ્યા ગૌતમ ગંભીર
જાડેજાનો આ અંદાજ શ્રીલંકા વિરુદ્ધ રમાઈ રહેલી પ્રેક્ટિસ મેચના બીજા દિવસે જોવા મળ્યો હતો. જાડેજાની એક્ટિંગ જોઈ ગૌતમ ગંભીર હસવાનું રોકી શક્યા નહી.
દેવદત્ત પેડિક્કલની શાનદાર સેન્ચુરી
મેચની વાત કરવામાં આવે તો બેટ્સમેન દેવદત્ત પેડિકલે શાનદાર સદી ફટકારી હતી. પહેલી ટેસ્ટ મેચમાટે પ્લેઇંગ ઇલેવનમાં પોતાનું સ્થાન મજબૂત બનાવ્યું. ઇજાગ્રસ્ત સાઇ સુદર્શનની ગેરહાજરીમાં ત્રીજા નંબરે બેટિંગ કરતા પડિકલે 18 ચોગ્ગા સાથે અણનમ 142 રનની શાનદાર ઇનિંગ રમી. પોતાની ઇનિંગ દરમિયાન, તેણે મેદાનની આસપાસ કેટલાક અદ્ભુત શોટ ફટકાર્યા.
કે.એલ રાહુલે પણ શાનદાર બેટિંગ કરી
ટોપ ઓર્ડરમાં ઓપનિંગ બેટ્સમેન યશસ્વી જયસ્વાલ દિવસના બીજા દિવસે શૂન્ય પર પેવેલિયન પરત ફર્યો હતો. દેવદત્ત પેડિકલ કે.એલ રાહુલ સાથે મળી બીજી વિકેટ માટે 96 રનની પાર્ટનરશીપ કરી હતી. રાહુલના આઉટ થયા પછી અનુભવી ઓલરાઉન્ડર રવિન્દ્રજાડેજાએ પેડિક્કલ સાથે 63 રનની ઈનિગ્સ રમી હતી. તેમજ રિટાયર્ડ આઉટ થતાં પહેલા ત્રીજી વિકેટ માટે 72 રન બનાવ્યા હતા.
ભારતની બેટિંગમાં સૌથી શાનદાર રમત દેવદત્ત પેડિક્કલની રહી હતી. તેમણે સદી ફટકારી ગોલ ટેસ્ટ મેચમાં નંબર- પોઝિશન માટે પોતાની દાવેદારી મજબુત કરી હતી. દેવદત્ત પેડિકલની સદી અને નીચલા ક્રમમાં મળેલા યોગદાનના દમ પર ભારતીય ટીમે બીજા દિવસે 6 વિકેટ પર 357 રન બનાવ્યા હતા.
