Breaking News : 3 ખેલાડી જેનું IPL ડેબ્યુ પહેલા થયું ઈન્ટરનેશનલ ડેબ્યુ, લિસ્ટમાં જોડાયું નવું નામ

કોલંબો ટેસ્ટમાં શ્રીલંકા વિરુદ્ધ ડેબ્યુ કરતા જ 33 વર્ષીય સારાંશ જૈન 21મી સદીમાં ભારતનો સૌથી મોટી ઉંમરનો ટેસ્ટ ડેબ્યુ ખેલાડી બન્યો છે. આ સાથે તેના નામે વધુ એક રેકોર્ડ જોડાયો છે.

Nirupa Duva | Updated on: Aug 25, 2026 | 8:32 AM

ભારત અને શ્રીલંકા વચ્ચે કોલંબોમાં બીજી ટેસ્ટ મેચમાં 33 વર્ષના ઓલરાઉન્ડર સારાંશ જૈનને ભારતીય કેપ સોંપવામાં આવી હતી. આ સાથે તે 21મી સદીમાં ભારત માટે ટેસ્ટ ડેબ્યુ કરનાર સૌથી મોટી ઉંમરનો ખેલાડી બની ગયો છે. ઘરેલું ક્રિકેટમાં તેના શાનદાર પ્રદર્શન અને ઈન્ડિયા એનું હાલમાં શ્રીલંકા પ્રવાસ પર શાનદાર પ્રદર્શન પર તેને તક મળી છે.

2025-26ની રણજી ટ્રોફી સીઝનમાં સારાંશ જૈનના બેટમાંથી 518 રન આવ્યા હતા. બોલથી 30 વિકેટ લીધી છે. તેના આ ડેબ્યુની સાથે એક અનોખો રેકોર્ડ પણ જોડાયેલો છે. સારાંશ જૈને આઈપીએલમાં એક પણ મેચ રમી નથી. સીધું ઈન્ટરનેશનલ ક્રિકેટમાં ડેબ્યુ કર્યું છે. આવું આ પહેલા અન્ય કેટલાક ક્રિકેટરો પણ કરી ચૂક્યા છે.

મુરલી વિજય

પૂર્વ ઓપનિંગ બેટ્સમેન મુરલી વિજયનું નામ પણ આ લિસ્ટમાં સામેલ છે. વિજયે પોતાના આઈપીએલ ડેબ્યુના એક વર્ષ પહેલા ભારતીય ટેસ્ટ ટીમમાં સ્થાન બનાવ્યું છે. તેમણે 2008માં નાગપુરના મેદાન પર ઓસ્ટ્રેલિયા વિરુદ્ધ પહેલી મેચ રમી હતી. ત્યારબાદ 2009ની આઈપીએલ ઓક્શનમાં ચેન્નાઈ સુપર કિંગ્સે તેને 12 લાખમાં ખરીદ્યો હતો. વિજયે આઈપીએલ મેચમાં 2 સદી 13 અડધી સદી સહિત કુલ 2619 રન બનાવ્યા છે.

મોહમ્મદ શમી

ભારતીય ફાસ્ટ બોલર મોહમ્મદ શમી પણ આઈપીએલમાં પગ મુકતા પહેલા ઈન્ટરનેશનલમાં પોતાની છાપ છોડી ચૂક્યો છે. જાન્યુઆરી 2013માં દિલ્લીના મેદાનમાં પાકિસ્તાન વિરુદ્ધ વનડે મેચમાં ભારત માટે ડેબ્યુ કર્યું હતુ. થોડા મહિના પછી 2013માં કોલકાતા નાઈટ રાઈડર્સે તેને તક આપી હતી. ત્યારબાદ દિલ્લી,પંજાબ, ગુજરાત ,હૈદરાબાદ અને લખનૌ સુપર જાયન્ટસ જેવી ટીમમાંથી રમી ચૂક્યો છે. 132 આઈપીએળ મેચમાં 145 વિકેટ લીધી છે. ભારત માટે 64 ટેસ્ટ, 108 વનડે અને 25 ટી20 ક્રિકેટ રમી છે.

સારાંશ જૈન

આ લિસ્ટમાં સૌથી તાજું નામ સારાંશ જૈનનું આવે છે. તેમણે શ્રીલંકા વિરુદ્ધ બીજી ટેસ્ટમાં આંતરરાષ્ટ્રીય ક્રિકેટમાં પગ રાખ્યો હતો. પ્રથમ શ્રેણી ક્રિકેટમાં 54 મેચમાં 2223 રન, 2 સદી અને 14 અડધી સદી ફટકારી છે. આ સિવાય 47 લિસ્ટ એ મેચમાં તેમણે 553 રન બનાવવાની સાથે 38 વિકેટ લીધી છે. ટી20 મેચમાં 20 મેચમાં 18 વિકેટ લીધી છે. આઈપીએલ ઓક્શનમાં 2024,2025 અને 2026 દરમિયાન તે શોર્ટલિસ્ટ પણ થયો હતો પરંતુ કોઈ પણ ફ્રેન્ચાઈઝીએ તેને ખરીદ્યો ન હતો.