બેન સ્ટોક્સ (Ben Stokes) અને વિરાટ કોહલી (Virat Kohli). વિશ્વ ક્રિકેટમાં એવા બે નામ છે, જેઓ માત્ર મેદાન પર તેમના જબરદસ્ત પ્રદર્શન માટે જ નહીં, પરંતુ તેમના જુસ્સા અને સખત સ્પર્ધાત્મક વર્તન માટે પણ જાણીતા છે. બંને ઘણી વખત આમને-સામને પણ આવી ચુક્યા છે અને ઘણી વખત મેદાન પર બંને વચ્ચે ભારે ગરમાગરમી જોવા મળી છે. હવે મેદાન પર જે થાય છે તે બધાને દેખાય છે, પરંતુ ખેલાડીઓના મનમાં એકબીજા માટે ઘણું સન્માન પણ હોય છે, એવું ભાગ્યે જ જોવા મળતુ હોય છે. બે દિવસમાં આવું બીજી વખત જોવા મળ્યું છે. બેન સ્ટોક્સે 18 જુલાઈના રોજ ODI ક્રિકેટમાંથી નિવૃત્તિની જાહેરાત કરીને બધાને ચોંકાવી દીધા હતા. કોહલીએ પણ સ્ટોક્સના આ નિર્ણય પર દિલ જીતી લેનારી પ્રતિક્રિયા આપી હતી. હવે સ્ટોક્સે પણ કોહલીના નિવેદન પર પોતાનો જવાબ આપ્યો છે અને કહ્યું છે કે તેને કોહલી સામે રમવાનું પસંદ છે.
ઇંગ્લેન્ડની 2019 વર્લ્ડ કપ જીતમાં સૌથી મહત્વપૂર્ણ ભૂમિકા ભજવનાર સ્ટાર ઓલરાઉન્ડર સ્ટોક્સે સોમવારે માત્ર 31 વર્ષની ઉંમરે ODI ક્રિકેટને અલવિદા કરવાનો નિર્ણય લીધો હતો. તેણે તેના ઇન્સ્ટાગ્રામ એકાઉન્ટ પર એક નિવેદન પોસ્ટ કર્યું અને કહ્યું કે તે હવે આ ફોર્મેટ રમી શકશે નહીં. કોહલીએ પણ આ અંગે કોમેન્ટ કરી અને લખ્યું- તમે સૌથી પ્રતિસ્પર્ધી ખેલાડી છો જેની સાથે હું મારી કારકિર્દીમાં રમ્યો છું. સન્માન.
મંગળવારે, સ્ટોક્સ છેલ્લી વખત ડરહામમાં તેના હોમ ગ્રાઉન્ડ ચેસ્ટર લે સ્ટ્રીટ પર ODI મેચમાં ઉતર્યો હતો. સાઉથ આફ્રિકા સામેની આ છેલ્લી ODI પહેલા સ્ટોક્સે પોતાના સંન્યાસના નિર્ણય પર વાત કરી હતી અને આ દરમિયાન કોહલીની ટિપ્પણી પર પણ જવાબ આપ્યો હતો. સ્કાય સ્પોર્ટ્સ સાથે વાત કરતા સ્ટોક્સે કહ્યું, વિરાટ ત્રણેય ફોર્મેટમાં ક્રિકેટ રમનાર મહાન ખેલાડીઓમાંથી એક છે. તે જબરદસ્ત ખેલાડી છે. અને જ્યારે પણ હું તેના જેવા ખેલાડી સામે રમ્યો ત્યારે મને તે ગમ્યું.
સ્ટોક્સે વધુમાં કહ્યું કે, તે રમતને જે પ્રકારની ઉર્જા અને પ્રતિબદ્ધતા આપે છે, મને તેની સામે રમતા પહેલા પણ તે હંમેશા ગમ્યું છે. હું તેની સામે રમ્યો છું તે દરેક મિનિટ મને ગમે છે. મને ખાતરી છે કે મેદાનમાં અમારા બંને વચ્ચે કેટલીક વધુ મેચો થશે. તો હા, આ (વિરાટની ટિપ્પણી) સાંભળીને ખૂબ આનંદ થયો.
❤️
🏴 #ENGvSA 🇿🇦 | @benstokes38 pic.twitter.com/teNgTVlV7T
— England Cricket (@englandcricket) July 19, 2022
ઈંગ્લેન્ડ માટે 104 ODI રમી ચૂકેલા સ્ટોક્સે પોતાની છેલ્લી ODIમાં મેદાન પર ઉતરતી વખતે પોતાની ટીમનું પ્રતિનિધિત્વ કર્યું હતું. તે સૌથી આગળ હતો અને ટીમના કેપ્ટન જોસ બટલર સહિત અન્ય તમામ ખેલાડીઓ તેની પાછળ રહ્યા હતા. પોતાના હોમ ગ્રાઉન્ડ પર આવતા સ્ટોક્સ પણ ખૂબ જ ભાવુક દેખાતા હતા અને તેમની આંખોમાંથી આંસુ વહી ગયા હતા.
Published On - 9:00 am, Wed, 20 July 22