‘હરિસ રૌફ RAW એજન્ટ છે’, બાબરે તપાસની માંગ કરી? પોસ્ટ થઈ વાયરલ

માત્ર 14 દિવસમાં પાકિસ્તાનને ભારત સામે ત્રણ કારમી હારનો સામનો કરવો પડ્યો. વિવાદ અને તણાવ વચ્ચે રમાયેલા એશિયા કપ 202માં ટીમ ઈન્ડિયાએ ફાઈનલમાં પાકિસ્તાનને હરાવીને ટાઈટલ જીત્યું. આ ટુર્નામેન્ટમાં પાકિસ્તાન સામે જીતની હેટ્રિક હતી.

હરિસ રૌફ પર ચાહકો થયા ગુસ્સે

ફાઈનલમાં પાકિસ્તાનના સૌથી ખરાબ બોલર સાબિત થયેલા હરિસ રૌફની ખૂબ ટીકા થઈ રહી છે. તેને હટાવવાની માંગણીઓ થઈ રહી છે, અને સ્ટાર પાકિસ્તાની બેટ્સમેન બાબર આઝમની એક પોસ્ટ પણ વાયરલ થઈ રહી છે, જેમાં રૌફને ભારતીય જાસૂસ કહેવામાં આવ્યો છે. પરંતુ આ પોસ્ટ પાછળનું સત્ય શું છે?

ફાઈનલમાં રૌફે નિષ્ફળ ગયો

રવિવાર, 28 સપ્ટેમ્બરના રોજ દુબઈમાં રમાયેલી એશિયા કપ ફાઈનલમાં, ટીમ ઈન્ડિયાએ પાકિસ્તાનને રોમાંચક મુકાબલામાં 5 વિકેટથી હરાવ્યું. આ સાથે, ટીમ ઈન્ડિયાએ નવમી વખત એશિયા કપનો ખિતાબ જીત્યો. જ્યારે પાકિસ્તાનના અન્ય બોલરોએ જોરદાર પ્રદર્શન કર્યું અને ટીમ ઈન્ડિયા માટે સમસ્યાઓ ઉભી કરી, ત્યારે ઝડપી બોલર રૌફ ખરાબ રીતે ફ્લોપ રહ્યો. રૌફે માત્ર 3.4 ઓવરમાં 50 રન આપ્યા અને વિકેટ લેવામાં નિષ્ફળ ગયો.

બાબરે રૌફને શું કહ્યું?

ટુર્નામેન્ટની શરૂઆતમાં, રૌફ ભારત સામેની મેચ દરમિયાન તેની અભદ્ર ભાષા અને ઉશ્કેરણીજનક હરકતો માટે વિવાદમાં આવી ચૂક્યો હતો. જોકે, મેદાન પર તેનું પ્રદર્શન પાકિસ્તાની ટીમને મદદ કરવામાં નિષ્ફળ ગયું, જેના કારણે તે ટ્રોલ થયો. આ દરમિયાન, ફાઈનલ પછી તરત જ બાબર આઝમ સાથે જોડાયેલી એક ઈન્સ્ટાગ્રામ સ્ટોરીનો સ્ક્રીનશોટ સોશિયલ મીડિયા પર વાયરલ થયો. તેમાં રૌફ પર ભારતીય ગુપ્તચર એજન્સી R&AW માટે જાસૂસ હોવાનો આરોપ મૂકવામાં આવ્યો અને પાકિસ્તાન સરકાર દ્વારા તપાસની માંગ કરવામાં આવી.

તે ચોક્કસપણે RAW એજન્ટ છે

વાયરલ પોસ્ટમાં લખ્યું છે કે, “હું પાકિસ્તાન સરકારને વિનંતી કરું છું કે હરિસ રૌફ સામે તપાસ શરૂ કરવામાં આવે. તે હંમેશા ભારત સામે છેલ્લી બે ઓવર બોલિંગ કરે છે અને તેમને જીતવામાં મદદ કરે છે. જ્યારે હું કેપ્ટન હતો ત્યારે તેણે MCG (T20 વર્લ્ડ કપ 2022) માં પણ આવું જ કર્યું હતું, અને હવે તેણે દુબઈમાં પણ તેનું પુનરાવર્તન કર્યું છે. શિવમ દુબે અને તિલક વર્મા નવા ખેલાડીઓ છે. જો તે તેમની સામે પણ રન આપે છે, તો તે ચોક્કસપણે RAW એજન્ટ છે.”

વાયરલ પોસ્ટ પાછળનું સત્ય શું છે?

હવે પ્રશ્ન એ છે કે શું બાબર આઝમે ખરેખર આ પોસ્ટ કરી હતી? વાયરલ પોસ્ટની હકીકત તપાસવામાં આવ્યું તો જાણવા મળ્યું કે તે નકલી છે, અને બાબરે તેના ઈન્સ્ટાગ્રામ એકાઉન્ટ પર આવું કંઈ પોસ્ટ કર્યું નથી. વાસ્તવમાં, આ એક એડિટેડ ફોટો છે, અને તેને ભારતીય યુઝર્સ દ્વારા હેરિસ રૌફ અને પાકિસ્તાની ટીમની મજાક ઉડાવવા માટે સોશિયલ મીડિયા પર શેર કરવામાં આવ્યો છે.

આ પણ વાંચો: Asia Cup 2025 : ટ્રોફી વિવાદ પાછળના વ્યક્તિ મોહસીન નકવીની કુલ સંપત્તિ કેટલા કરોડ છે?

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો