2027 World Cup સેમિફાઇનલમાં કઈ 4 ટીમ પહોંચશે? ચેમ્પિયન બનવાની રેસમાં કોણ ‘પ્રબળ દાવેદાર’? ઓસ્ટ્રેલિયાના કેપ્ટને કરી ‘મોટી ભવિષ્યવાણી’

દક્ષિણ આફ્રિકા, ઝિમ્બાબ્વે અને નામીબિયાની યજમાનીમાં યોજાવા જઈ રહેલા વર્ષ 2027 વનડે વર્લ્ડ કપના શિડ્યુલની સત્તાવાર જાહેરાત થઈ ચૂકી છે. 2 ઓક્ટોબરથી 21 નવેમ્બર 2027 વચ્ચે યોજાનારા આ ટૂર્નામેન્ટમાં ભારત અને પાકિસ્તાનને એક જ ગ્રુપમાં રાખવામાં આવ્યા છે. તેમની વચ્ચે 10 ઓક્ટોબર, 2027ના રોજ જોહાનિસબર્ગમાં મહામુકાબલો રમાશે.

આ ‘4 ટીમ’ પહોંચશે સેમિફાઇનલમાં

ટૂર્નામેન્ટમાં ટીમ ઇન્ડિયા સહિત ખિતાબ જીતવાના ઘણા દાવેદારો છે પરંતુ ઓસ્ટ્રેલિયાના પૂર્વ કેપ્ટન એરોન ફિંચે 2027 World Cup ના સેમિફાઇનલમાં પહોંચનારી ચાર ટીમને લઈને પોતાની ભવિષ્યવાણી કરી દીધી છે.

ફિંચના મતે ભારત, ઇંગ્લેન્ડ, દક્ષિણ આફ્રિકા અને ઓસ્ટ્રેલિયાની ટીમ સેમિફાઇનલમાં પહોંચશે. ફિંચે પોતાની ટોપ-4 ટીમમાં પાકિસ્તાનને જગ્યા આપી નથી.

ઇંગ્લેન્ડ છે ‘મજબૂત દાવેદાર’

ફિંચે World Cup 2027ની ટોપ-4 ટીમ વિશે પૂછાયેલા સવાલના જવાબમાં કહ્યું કે, “ભારત, ઇંગ્લેન્ડ, દક્ષિણ આફ્રિકા અને ચોક્કસપણે ઓસ્ટ્રેલિયા… આ 4 ટીમ સેમિફાઇનલમાં પહોંચી શકે છે.”

ઇંગ્લેન્ડને મજબૂત દાવેદાર બતાવતા ફિંચે કહ્યું, “મને લાગે છે કે, હેરી બ્રુકના નેતૃત્વમાં ઇંગ્લેન્ડ જે રીતે હાલમાં ક્રિકેટ રમી રહ્યું છે, તેમની પાસે મધ્યમ ક્રમમાં સ્પિનને ખૂબ સારી રીતે રમવાની ક્ષમતા છે અને તેઓ ખૂબ આક્રમક છે. હેરી બ્રુક વન-ડેમાં આ સમયે દુનિયાના સૌથી શ્રેષ્ઠ ખેલાડીઓમાંથી એક છે.”

દક્ષિણ આફ્રિકાની ટીમ છે ‘સંતુલિત’

પૂર્વ કાંગારૂ કેપ્ટને યજમાન દક્ષિણ આફ્રિકાને ખિતાબી દાવેદાર બતાવતા કહ્યું, “દક્ષિણ આફ્રિકાની ટીમ ઘરેલું પરિસ્થિતિઓને કારણે દાવેદાર છે. મને લાગે છે કે, તેમણે પોતાની ટીમમાં દરેક પાસાને સારી રીતે કવર કર્યો છે. તેમની પાસે શ્રેષ્ઠ ફાસ્ટ બોલરો અને ખૂબ સારી સ્પિન બોલિંગ છે. તેમની બેટિંગમાં યુવા અને અનુભવી ખેલાડીઓનું શાનદાર મિશ્રણ છે. તેથી, તેમની પાસે મુક્તપણે રમવાની આઝાદી છે અને આ જ કારણે તેઓ ખતરનાક સાબિત થશે.”

ક્રિકેટ જગતમાં નવો ઇતિહાસ રચાયો! ઓસ્ટ્રેલિયાના બેટ્સમેને તોડી નાખ્યો વિરાટ કોહલીનો ‘ઐતિહાસિક રેકોર્ડ’