Corona: ટીમ ઈન્ડીયાના પૂર્વ ઝડપી બોલર આરપી સિંહના પિતાનું કોરોનાની બિમારીને લઈ અવસાન

ભારતના પૂર્વ ઝડપી બોલર આરપી સિંહ (RP Singh)ના પિતા કોરોનાને લઈને અવસાન પામ્યા છે. થોડાક દિવસ પહેલા જ ચેતન સાકરિયા (Chetan Sakariya) અને પિયુષ ચાવલા (Piyush Chawla)એ પણ પોતાના પિતા કોરોના બિમારીને લઈને ગુમાવ્યા છે. ત્યારબાદ વધુ એક ખેલાડીના પિતાના દુ:ખદ સમચાર સામે આવ્યા છે.

આ અંગેની જાણકારી આરપી સિંહે સોશિયલ મીડિયા મારફતે આપી હતી. તેમના પિતા શિવ પ્રસાદ સિંહ છેલ્લા કેટલાક દિવસથી કોરોના સંક્રમિત હોવાને લઈને સારવાર હેઠળ હતા. લખનૌની મેદાંતા હોસ્પિટલમાં તેમની સારવાર ચાલી રહી હતી.

આરપી સિંહે ટ્વીટ કરીને જણાવ્યુ હતુ કે, ખૂબ દુખ સાથે એ વાત બતાવવી પડી રહી છે, મારા પિતા શિવ પ્રસાદ સિંહનું નિધન થયુ છે. તેઓ કોરોનાના કારણે 12 મેના રોજ અમને સૌને છોડી ગયા છે. હું આપ સૌને પણ નિવેદન કરુ છુ કે, તેમની આત્માને શાંતિ મળે એ માટે પ્રાર્થના કરશો. ઓમ શાંતિ ઓમ. રેસ્ટ ઈન પીસ.

https://twitter.com/rpsingh/status/1392398686945116163?s=20

આ પણ વાંચો: Cricket: જે ગેમ રમતા રમતા વિરાટ કોહલી કાયમ મારી સામે હારી જાય છે તે ગેમ મારે વિરાટને શિખવાડવી છેઃ શુભમન ગીલ