CWG 2022 : કોમનવેલ્થ ગેમ્સ આજથી શરૂ થશે, ભારતીય ખેલાડીઓ ક્યારે મેદાન પર ઉતરશે, જાણો સંપૂર્ણ કાર્યક્રમ અહીં

આજથી કોમનવેલ્થ ગેમ્સ (Commonwealth Games 2022) શરૂ થઈ રહી છે. ભારતીય ખેલાડીઓ પોતાની તાકાત બતાવવા માટે તૈયાર છે. પીવી સિંધુ (PV Sindhu) ધ્વજવાહક રહેશે. કોમનવેલ્થ ગેમ્સની શરૂઆત પહેલા જ ભારતને નીરજ ચોપરા (Neeraj Chopra) ના રૂપમાં મોટો ઝટકો લાગ્યો હતો. નીરજ ઈજાના કારણે આ રમતમાંથી બહાર થઈ ગયો છે. આવી સ્થિતિમાં હવે ભારત ની સંપૂર્ણ જવાબદારી પીવી સિંધુ (PV Sindhu), મણિકા બત્રા, મીરાબાઈ ચાનૂ, લવલીના, નિખત ઝરીન, સાક્ષી મલિક, વિનેશ ફોગાટ પર આવી ગઈ છે. ઉદઘાટન સમારોહ 28 જુલાઈના રોજ ભારતીય સમય અનુસાર રાત્રે 11.30 કલાકે યોજાશે.

ભારતના પ્રદર્શનમાં સતત સુધાર

29 જુલાઈથી ભારતીય ખેલાડીઓ તેમની પડકાર રજૂ કરશે. ભારતે કોમનવેલ્થ ગેમ્સ (Commonwealth Games 2022) માં અત્યાર સુધીમાં 181 ગોલ્ડ, 173 સિલ્વર, 149 બ્રોન્ઝ મેડલ સહિત કુલ 503 મેડલ જીત્યા છે. ભારતે છેલ્લી 3 કોમનવેલ્થ ગેમ્સમાં 503માંથી 231 મેડલ જીત્યા છે. ભારતીય ખેલાડીઓ સતત સારું પ્રદર્શન કરી રહ્યા છે. ભારતે ગત વખતે ગોલ્ડ કોસ્ટમાં યોજાયેલી કોમનવેલ્થ ગેમ્સમાં 26 ગોલ્ડ, 20 સિલ્વર અને 20 બ્રોન્ઝ સહિત કુલ 66 મેડલ જીત્યા હતા. આ કોમનવેલ્થમાં ભારતના 215 ખેલાડીઓ ભાગ લેશે.અહીં જાણો ભારતીય ખેલાડીઓ ક્યારે મેદાનમાં ઉતરશે. મેચો કયા સમયે રમાશે.

આ 4 ઇવેન્ટસમાં ભારતનો કોઇ પડકાર નહીં

ભારત 3×3 બાસ્કેટબોલ, બીચ વોલીબોલ, નેટ બોલ અને રગ્બી ઈવેન્ટમાં પડકાર નહીં આપે. ભારતે કોમનવેલ્થમાં શૂટિંગમાં ઘણા મેડલ જીત્યા છે. પરંતુ આ વખતે શૂટિંગ આ ગેમ્સનો ભાગ નથી. તેની અસર ભારતના મેડલ ટેલીમાં પણ પડશે.