20 વર્ષ પહેલા માન્ચેસ્ટરમાં ભારત અને પાકિસ્તાનની ટીમ ટકરાઈ હતી સામ-સામે, આ ખેલાડી રહ્યો હતો જીતનો હિરો

ભારતીય ટીમ વિશ્વ કપમાં પાકિસ્તાનની સાથે આજે સાતમી વખત ટકરાશે. તે પહેલા રમાયેલી 6 મેચમાં ભારતીય ટીમે પાકિસ્તાનની સામે જીત મેળવી હતી. માનચેસ્ટરના ઓલ્ડ ટ્રેફર્ડ મેદાન પર બંને ટીમો 20 વર્ષ પછી વિશ્વ કપના મુકાબલામાં આજે ટકરાશે.

1999ના વિશ્વ કપમાં પણ ભારત અને પાકિસ્તાન આ મેદાન પર ટકરાયા હતા, જેમાં ભારતીય ટીમે જીત મેળવી હતી. 20 વર્ષ પહેલા મોહમ્મદ અજરૂદ્દીનની કેપ્ટનશીપમાં રમાયેલી મેચમાં ભારતીય ટીમે માન્ચેસ્ટરમાં પાકિસ્તાનને 47 રનથી હરાવ્યું હતુ. આ મેચમાં ટોસ જીતીને પ્રથમ બેટિંગ કરવા માટે આવેલી ભારતીય ટીમે 50 ઓવરમાં 6 વિકેટ ગુમાવીને 227 રન બનાવ્યા હતા.

પાકિસ્તાનની ટીમ 45.3 ઓવરમાં 180 રન બનાવી ઓલ આઉટ થઈ હતી અને ભારતીય ટીમે આ મેચ 47 રનથી જીતી હતી. આ મેચમાં રાહુલ દ્રવિડે 61 રન ફટકાર્યા હતા અને કેપ્ટન અઝહરે 59 રન બનાવ્યા હતા. પાકિસ્તાન તરફથી ઈઝમામ ઉલ હકે 41 રન બનાવ્યા હતા. ફાસ્ટ બોલર વેંકટેશ પ્રસાદે ધમાકેદાર પ્રદર્શન કરીને 5 વિકેટ લીધી હતી, તેથી તેમને મેન ઓફ ધ મેચ જાહેર કરવામાં આવ્યા હતા.

1999ના વિશ્વ કપની આ મેચમાં ભારતીય બોલર વેંકટેશ પ્રસાદે તેમની ઘાતક બોલિંગ કરીને 9.3 ઓવરમાં 27 રન આપીને 5 વિકેટ લીધી હતી. તેમાં તેમને 2 મેડન ઓવર પણ નાખી હતી. ઓછા સ્કોરવાળી આ મેચમાં ભારતને જીત અપાવવા માટે વેંકટેશ પ્રસાદે સૌથી મહત્વની ભૂમિકા ભજવી હતી.

આ પણ વાંચો: અમરેલીના ખાંભા ગામના રહેણાંક વિસ્તારમાં બે સિંહોએ કર્યું મારણ, સમગ્ર ઘટના CCTVમાં કેદ, જુઓ આ VIDEO

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]