દિવાળી પહેલા Gautam Adani લાવી શકે છે IPO, આ બે કંપનીઓ પણ ચાલુ મહિનામાં કમાણીની તક લાવે તેવા અનુમાન
અદાણી વિલ્મર સ્ટોક એક્સચેન્જમાં લિસ્ટેડ થનારી અદાણી ગ્રુપની સાતમી કંપની હશે. આ ગ્રુપમાં અગાઉ 6 કંપનીઓની યાદી કરવામાં આવી છે. અદાણી વિલ્મરે આઈપીઓ દ્વારા 4,500 કરોડ એકત્ર કરવાનું લક્ષ્ય રાખ્યું છે.
માર્કેટ રેગ્યુલેટર સેબીએ તાજેતરમાં ગૌતમ અદાણી(Gautam Adani)ની કંપની અદાણી વિલ્મર (Adani Wilmar)સહીત 6 કંપનીઓના IPO ને મંજૂરી આપી છે. આ કંપનીઓ 19,000 કરોડ રૂપિયા એકત્ર કરી શકે છે. અનુમાન લગાવાઈ રહ્યું છે પરવાનગી મેળવનાર કંપનીઓ પૈકી અદાણી વિલ્મર , સ્ટાર હેલ્થ અને નાયક દિવાળી પહેલા લોન્ચ કરી શકે છે. અદાણી વિલ્મર, સ્ટાર હેલ્થ અને નાયકા ત્રણેય કંપનીઓને સેબીની મંજૂરી મળી ગઈ છે.
ગૌતમ અદાણીની કંપની IPO લાવશે અદાણી વિલ્મર સ્ટોક એક્સચેન્જમાં લિસ્ટેડ થનારી અદાણી ગ્રુપની સાતમી કંપની હશે. આ ગ્રુપમાં અગાઉ 6 કંપનીઓની યાદી કરવામાં આવી છે. અદાણી વિલ્મરે આઈપીઓ દ્વારા 4,500 કરોડ એકત્ર કરવાનું લક્ષ્ય રાખ્યું છે. કંપની ફોર્ચ્યુન બ્રાન્ડ હેઠળ ખાદ્ય તેલ વેચે છે. કંપની વિલ્મર ઇન્ટરનેશનલ સાથે સંયુક્ત સાહસમાં છે.
વર્ષ 2027 સુધીમાં સૌથી મોટી ફૂડ કંપનીનું લક્ષ્ય અદાણી વિલ્મર 2027 સુધીમાં દેશની સૌથી મોટી ખાદ્ય કંપની બનવાનું લક્ષ્ય ધરાવે છે. તે FMCG ક્ષેત્રમાં કાર્યરત છે. અદાણી ગ્રુપ પોર્ટ, પાવર અને ઇન્ફ્રા જેવા ક્ષેત્રોમાં કામ કરે છે. બીજી તરફ ખાનગી ક્ષેત્રની આરોગ્ય વીમા કંપની સ્ટાર હેલ્થ પણ આઈપીઓની તૈયારી કરી રહી છે. તેને શુક્રવારે સેબીની મંજૂરી પણ મળી હતી. આરોગ્ય વીમા ક્ષેત્રમાં કંપનીનો બજાર હિસ્સો 15.8% છે. કંપની આઈપીઓમાંથી 5,500 કરોડ એકત્ર કરવાનું લક્ષ્ય ધરાવે છે.
કુલ 14,000 કરોડ એકત્ર કરાશે નાયકા, અદાણી અને સ્ટાર હેલ્થ મળીને 14,000 કરોડ રૂપિયા એકત્ર કરી શકે છે. આ સિવાય ફિનકેર સ્મોલ ફાઇનાન્સ બેંક, ઉત્કર્ષ સ્મોલ ફાઇનાન્સ બેંક અને મેકોર ફાર્માના આઇપીઓ પણ આ મહિને આવી રહ્યા છે. ત્રીજા ક્વાર્ટરમાં, એટલે કે ઓક્ટોબર અને ડિસેમ્બર વચ્ચે, 35-40 કંપનીઓ આઈપીઓ લાવવાની તૈયારી કરી રહી છે. તેના દ્વારા આ કંપનીઓ 80,000 કરોડ રૂપિયા એકત્ર કરી શકે છે.
IPO ની દ્રષ્ટિએ 2017 રહ્યું હતું સૌથી સફળ વર્ષ અગાઉ 2017 માં કંપનીઓ દ્વારા સૌથી વધુ રકમ IPO દ્વારા એકત્ર કરવામાં આવી હતી. તે વર્ષમાં 72,000 કરોડ રૂપિયા એકત્ર કરવામાં આવ્યા હતા. સપ્ટેમ્બરમાં પાંચ કંપનીઓએ IPO માંથી રૂ 6,700 કરોડ એકત્ર કર્યા હતા. ગયા અઠવાડિયે સેબી દ્વારા ડિજિટલ પેમેન્ટ પ્લેટફોર્મ મોબીક્વિકને IPO લાવવા માટે મંજૂરી આપવામાં આવી હતી. કંપની તેના દ્વારા 1,900 કરોડ રૂપિયા એકત્ર કરશે. આ ઈશ્યું આ મહિને પણ આવી શકે છે. મોબીક્વિકનું વેલ્યુએશન 1 અબજ ડોલર એટલે કે 7,500 કરોડ રૂપિયાની નજીક છે. કંપની આગામી સપ્તાહ સુધીમાં ઈશ્યુ લાવવાનો નિર્ણય કરશે. કંપનીએ સેબીને અરજી કરી તે સમયે 1 અબજ ડોલરના મૂલ્યાંકનનો અંદાજ હતો.
આ પણ વાંચો : Share Market Big Fall: સેન્સેક્સ 3 દિવસમાં 1321 અંક તૂટ્યો, કેવી રહેશે આજે બજારની ચાલ? જાણો નિષ્ણાંતનો અભિપ્રાય
આ પણ વાંચો : ભારતીયોને હવે પૈસા ઉપાડવા ATM માં જવું પસંદ નથી! દેશમાં 75% આર્થિક વ્યવહાર મોબાઈલ બેન્કિંગથી થાય છે
Latest News Updates
